மூட்டு வலி, முழங்கால் வலி ஒரு பொதுவான பிரச்சனை. இப்போது வயதானவர்கள் மட்டுமின்றி இளைஞர்களும் இதை எதிர்கொள்ள வேண்டியுள்ளது. உணவில் வைட்டமின் டி, கால்சியம் மற்றும் இரும்புச்சத்து போன்ற அத்தியாவசிய ஊட்டச்சத்துக்கள் இல்லாததாலும், வயதானதால் தசைகள் மற்றும் திசுக்கள் பாதிக்கப்படுவதாலும் இந்தப் பிரச்சனை ஏற்படுகிறது.
மூட்டு வலிக்கான சிகிச்சை: முழங்கால் வலியை லேசாக எடுத்துக் கொள்ளக் கூடாது. எப்போதாவது முழங்கால்களில் வலி ஏற்படுவது இயல்பானது தான். ஆனால் அடிக்கடி கடுமையான வலி இருந்தால், நீங்கள் உடனடியாக மருத்துவரை அணுக வேண்டும். அதோடு, முழங்கால் வலிக்கு வீட்டு வைத்தியம், உடற்பயிற்சிகள் மற்றும் மருந்துகள் மூலம் சிகிச்சை அளிக்கலாம்.
மூட்டு வலி, முழங்கால் வலி என்பது இன்றைய காலகட்டத்தில் பரவலாகக் காணப்படும் பிரச்சனையாக உள்ளது. மோசமான வாழ்க்கை முறை காரணமாக 40 வயதைக் கடந்தவர்களுக்கு கூட முழங்கால் வலி, மூட்டுவலி வருவதை காணாலாம். இதிலிருந்து விடுபட சிகிச்சைகள் தேவை என்றாலும் கூட, எளிமையான வீட்டு வைத்தியத்திலேயே மூட்டு வலியை போக்குவதற்கு வழிகள் இருக்கின்றன.
உடலில் கால்சிய சத்து குறைவதும், உடல் பருமனும் இதற்கு முக்கிய காரணம் என சொல்லப்படுகிறது. மூட்டுகள் தேய்மானம் காரணமாக வயதானவர்களுக்கு இந்த நோய் வருகிறது என்றாலும், தற்போதை வாழ்க்கை முறை காரணமாக இந்த பாதிப்பு இளம் வயதினருக்கும் ஏற்படுகிறது. மூட்டு வலியிலிருந்து விடுபட சில எண்ணெய் மசாஜ் செய்வது வியக்கத் தக்க வகையில் பலன்களை கொடுக்கும்.
கடுகு எண்ணெய்: கடுகு எண்ணெய் கதகதப்பைக் கொடுக்க கூடியது என்பதால், மூட்டு வலிக்கு வியக்கத் தக்க வகையில் நிவாரணம் கிடைக்கும். கடுகு எண்ணெயுடன், பூண்டுடன் 2 முதல் 3 ஸ்பூன் கடுகு எண்ணெயை சூடாக்கி, பின், இந்த எண்ணெயைக் கொண்டு பாதிக்கப்பட்ட இடங்களில் மசாஜ் செய்யவும்.
நல்லெண்ணெய்: ஆயுர்வேதத்தில் முக்கியத்துவம் வாய்ந்த எண்ணெயாக கருதப்படும் நல்லெண்ணெய், மூட்டுவலிக்கு சிறந்த்ச மருந்து. ஒமேகா-3 கொழுப்பு அமிலங்கள் மற்றும் தாமிரம் போன்றவை நிறைந்துள்ள நல்லெண்ணெய் கொண்டு மசாஜ் செய்தால், மூட்டு வலியில் இருந்து நிவாரணம் பெறலாம்.
தேங்காய் எண்ணெய்: நீங்கள் மூட்டு வலியிலிருந்து நிவாரணம் பெற, தேங்காய் எண்ணெய் சிறந்ததாக கருதப்படுகிறது. இந்த எண்ணெயில் அழற்சி எதிர்ப்பு மற்றும் வலி நிவாரணி பண்புகள் உள்ளதால், மூட்டு வலிக்கு பெரும் நிவாரணம் அளிக்கிறது.
பாதாம் எண்ணெய்: பாதாம் எண்ணெயைக் கொண்டு மசாஜ் செய்தால், எலும்புகள் வலுவடையும். வைட்டமின் ஈ, ஆண்டி - ஆக்சிடென்டுகள் மற்றும் அழற்சி எதிர்ப்பு பண்புகள் உள்ள பாதாம் எண்ணெய்யை லேசாக வெதுவெதுப்பாகச் சூடாக்கி, இந்த எண்ணெய்யைக் கொண்டு மூட்டுகளில் மசாஜ் செய்ய நிவாரணம் கிடைக்கும்.
ஆலிவ் எண்ணெய்: மூட்டு வலிக்கு ஆலிவ் எண்ணெய் கொண்டு மசாஜ் செய்தால் வலியில் இருந்து நிவாரணம் கிடைக்கும். இது தவிர, இரத்த ஓட்டத்தையும் மேம்படுத்துகிறது. தசைப்பிடிப்பு, வலி இருந்தாலும், இந்த எண்ணெய்யை மசாஜ் செய்யலாம்.
பொறுப்பு துறப்பு: இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டது. அதை ஏற்றுக்கொள்ளும் முன் மருத்துவ ஆலோசனையைப் பெற வேண்டும்.
