प्रद्युम्न कुमार महानंदिया

पत्नीला भेटण्यासाठी दिल्ली ते स्वीडन सायकलवरुन केला प्रवास

प्रेमासाठी लोक काय नाही करत. एक असे चित्रकार आहेत जे आपल्या पत्नीला भेटण्यासाठी दिल्लीवरुन स्वीडन पोहोचले तेही सायकलवरुन. यांचे नाव आहेय प्रद्युम्न कुमार महानंदिया. यांची प्रेमकहाणी एखाद्या बॉलीवूड चित्रपटाला शोभेल अशीच आहे. मात्र ही कथा नव्हे प्रत्यक्ष जीवनातील कहाणी आहे. त्यांचा जन्म १९४९मध्ये ओडिशाच्या बुनकर दलित कुटुंबात झाला. दलित असल्याने त्यांना अनेकदा समस्यांचा सामना करावा लागला. शाळेतही त्यांना वेगळ्या ठिकाणी बसावे लागत असे. त्यांच्या वडिलांनी लहानपणी भविष्यवाणी केली होती की प्रद्युम्नकुमारचे लग्न दुसऱ्या देशातील मुलीशी होईल.