सतत जागी राहणारी मुंबई भयावह शांततेत हरवते तेव्हा...

कोरोना व्हायरसमुळे संपूर्ण महाराष्ट्रात संचारबंदी लागू करण्यात आली आहे. आपल्या देशाची आर्थिक राजधानी मुंबई पूर्णपणे बंद आहे. कधीही न थांबणारी, 24 तास सुरु असणारी ही मुंबई, मुंबईकरांची पावलं मात्र आज कोरोना व्हायरसने थांबली आहेत. गेट वे ऑफ इंडिया, मरिन ड्राईव्ह, गिरगाव चौपाटीपासून मुंबईतील अनेक रस्त्यांवर शांतता पसरली आहे. सर्वच रस्ते, दररोज तुफान गर्दी असणारी ठिकाणं ओस पडली आहेत. मुंबईत हे असं चित्र असलं तरी घरी राहूनच, एकमेकांच्या सानिध्यात न येताच हे कोरोनाचं सावट दूर करण्यास मदत होणार आहे.