महात्मा गांधी दांडिया खेळताना दाखवले तर कसं वाटेल? छावा चित्रपटाच्या वादावर पहिल्यांदाच बोलले राज ठाकरे
'छावा' चित्रपटाच्या वादावर पहिल्यांदाच मनसे अध्यक्ष राज ठाकरे यांनी आपली प्रतिक्रिया दिली आहे.
)
Raj Thackeray On Chhaava : 'छावा' चित्रपट वादाच्या भोवऱ्यात सापडल्यानंतर हा वाद मनसे अध्यक्ष राज ठाकरे यांच्या दरबारी गेला होता. चित्रपटाचे दिग्दर्शक लक्ष्मण उतेकर यांनी काही दिवसांआधी राज ठाकरेंची भेट घेतली होती. त्यानंतर आता राज ठाकरे यांनी या चिपटासंदर्भात भाष्य केलं आहे. महाराष्ट्रातील प्रत्येक माणसाने हा चित्रपट पाहिलाच पाहिजे. छत्रपती शिवाजी महाराज हे आमचे प्रेरणास्थान आहे. तर संभाजी महाराज आमचे बलिदान आहेत. 'छावा' चित्रपटाच्या संदर्भात मला अमेय खोपकर यांनी सांगितले. 'छावा' या चित्रपटात छत्रपती संभाजी महाराजांना नृत्य करताना दाखवल्याने वाद निर्माण झाला आहे. त्यासंदर्भात तुम्हला निर्मात्यांना भेटायचं आहे. त्यानंतर मी चित्रपटाचा ट्रेलर पाहिला. दुसऱ्या दिवशी ते मला भेटायला आहे.
लेझीम हा आपला पारंपारिक खेळ आहे. संभाजी महाराज यांनी कधीकाळी हातात लेझीम घेतलीही असेल काय माहिती. इतिहासाच्या पानात नाही पण मनात तरी असेल. पण मी त्यांना म्हटलं एका गाण्यामुळे पुढे चित्रपट सरकतोय का नसेल तर कशाला थांबवताय. सध्या सगळ्यांना इतिहास समजायला लागलाय. सगळेच तज्ञ झाले आहेत. सगळ्यांच्या भावना उफाळून येतात. जेव्हा लोक चित्रपट पाहायला जातील तेव्हा औरंगजेबाने केलेले अत्याचार पाहितील. त्यापेक्षा ते चित्रपटातून काढून टाका.
महात्मा गांधी दांडिया खेळताना दाखवले तर कसं वाटेल?
जेव्हा महात्मा गांधी चित्रपट केला. त्यानंतर आपल्या मनात येते की त्यांनी कोण-कोणती आंदोलन केले होते. पण चित्रपट पाहायला गेल्यावर आपल्याला कळत की महात्मा गांधी हे दांड्या खेळतात. कसं वाटलं असतं आपल्याला. खरं तर दिग्दर्शकांना तो सीन टाकायचा पण असेल पण महात्मा गांधी यांच्या हातात एकच काठी असल्यामुळे त्यांना ते दाखवता आलं नाही.
राज ठाकरेंकडून 'छावा' चित्रपट पाहण्याचे आवाहन
महाराष्ट्रातील प्रत्येक मराठी माणसाने 'छावा' चित्रपट बघितलाच पाहिजे असं आवाहन राज ठाकरे यांनी वरळीमधील मनसेच्या मेळाव्यातून केलं आहे. छत्रपती शिवाजी महाराज हे आमचे प्रेरणास्थान आहेत. तर छत्रपती संभाजीराजे हे आमचे बलिदान असल्याचं राज ठाकरे यांनी म्हटलं आहे.
या दिवशी प्रदर्शित होणार चित्रपट
अभिनेता विकी कौशल, रश्मिका मंदाना आणि अक्षय खन्ना यांच्या मुख्य भूमिका आहेत. विकी कौशल हा छत्रपती संभाजी महाराज यांच्या भूमिकेत दिसणार आहे. तर रश्मिका मंदाना ही महाराणी येसुबाई भोसलेंच्या तर अक्षय खन्ना हा औरंगजेबच्या भूमिकेत दिसणार आहे. हा चित्रपट 14 फेब्रुवारी रोजी प्रदर्शित होणार आहे.