विषारी कोब्रासोबतच्या खेळानं तरुणाला पोहोचवलं रुग्णालयात... पाहा व्हायरल व्हिडीओ

मुंबई : किंग कोब्रा हा सगळ्यात विषारी सापांपैकी एक आहे. त्यामुळे याचा चावा तुम्हाला हॉस्पिटलमध्ये नेऊ शकतो. त्यामुळे सर्प मित्र देखील त्यांना पकडण्यासाठी चार हात लांबूनच प्रयत्न करतात. परंतु या तरुणाला मात्र तो खेळ वाटतोय. ज्यामुळे तो एका वेळी तीन-तीन कोब्राला आपल्या कंट्रेलमध्ये करण्याचा प्रयत्न करत होता. जे त्याला जमलंच नाही. एवढंच काय तर यामुळे त्याची इतकी वाईट अवस्था झाली आहे की, त्याला आता रुग्णालयात दाखल करावं लागलं आहे. सोशल मीडियावर या घटनेसंदर्भात एक व्हिडीओ व्हायरल होत आहे. हा व्हिडीओ हृदयाचा ठोका चुकवणारा आहे. कारण यामध्ये कोब्रा डोळ्यांची पापणी लवते न लवते, तोच या तरुणाचा चावा घेतो.

या व्हायरल क्लिपमध्ये तुम्ही पाहू शकता की, एक तरुण तीन कोब्रा सापांसमोर बसला आहे. त्या तिन्ही सापांनी आपला फणा काढला आहे. पण तरीही त्यांना घाबरुन हा व्यक्ती मागे हटत नाही आणि त्या तिघांनाही आपल्या कंट्रेलमध्ये करण्याचा प्रयत्न करु लागतो.

त्यावेळी तो एका सापाला कंट्रेल करतो आणि दुसऱ्या सापाला आपल्या हाताच्या इशाऱ्यावर नाचवतो. परंतु तेवढ्यात तिसरा कोब्रा उडी घेतो आणि या तरुणाच्या पायाला चावा घेतो. ज्यानंतर हा तरुण या कोब्राला आपल्यापासून लांब करण्याचा प्रयत्न करतो.

@arsh_ved नावाच्या युजरने हा व्हिडीओ ट्विटरवर शेअर केला आहे. त्याने कॅप्शनमध्ये लिहिले की, 'नेहमी हुशार बनण्याचा प्रयत्न करू नका.' या क्लिपसोबत त्यांनी 'महाराष्ट्र फॉरेस्ट' असा टॅगही केला आहे.

Don't try to be smart always..!#snake #sarpmitra @MahaForest pic.twitter.com/Daoxo7pftf

— Arun Sahay (@arsh_ved) March 16, 2022

ही क्लिप कधी आणि कुठे शूट करण्यात आली आहे, हे अद्याप निश्चित झालेले नाही. मात्र युजर्स याला जोरदार प्रतिक्रिया देत आहेत.