भारत खरंच होता 'गोल्डन बर्ड'! ₹5,62,51,58,48,05,00,000 'या' देशांनी लुटलं नसते तर...

तुमच्या लहानपणी भारत सोन्याचा पक्षी असल्याची कथा तुम्ही अनेकदा ऐकल्या असतील. पण, जसजसे आपण मोठे झालो आणि जबाबदाऱ्यांचे ओझे पडू लागलो, तसतसे ही केवळ एक म्हण आहे. भारत हे काही सोन्याचा पक्षी नाही. या दाव्याचा सत्याशी काहीही संबंध हे आपल्या लक्षात येतं. पण, थांबा ही फक्त म्हण नाही, तर यात तथ्य आहे, असं एका ब्रिटीश संशोधनाने हे सिद्ध झालं. भारत खरोखरच सोन्याचा पक्षी होता. त्यांच्याकडे इतकी संपत्ती होती की आज भारतच नव्हे तर संपूर्ण जग सुखी झालं असतं. 

ऑक्सफॅम इंटरनॅशनलच्या अहवालाने भारताबाबत जगाचे डोळे उघडले आहेत. या अहवालानुसार, 1765 ते 1900 या काळात ब्रिटनने भारतातून 64.82 ट्रिलियन डॉलर्सची संपत्ती काढली. या रक्कमेचा अंदाज तुम्ही यावरून लावू शकता की सध्या भारताची एकूण अर्थव्यवस्था केवळ 3.5 ट्रिलियन डॉलर आहे. अमेरिकेची अर्थव्यवस्था 28 ट्रिलियन डॉलर्सची आहे. म्हणजे ब्रिटनने अमेरिकेच्या सध्याच्या अर्थव्यवस्थेच्या दुपटीहून अधिक लूट केली.

अहवालात म्हटलंय की ब्रिटनने लुटलेल्या $65 ट्रिलियनपैकी $33.8 ट्रिलियन हे ब्रिटनमधील सर्वात श्रीमंत 10 टक्के लोकांकडे गेले. ऑक्सफॅम इंटरनॅशनलचा हा नवीनतम अहवाल दरवर्षी वर्ल्ड इकॉनॉमिक फोरमच्या सुरुवातीला प्रसिद्ध केला जातो. 'टेकर्स, नॉट मेकर्स' असे या अहवालाचं नाव असून तो सोमवारी प्रसिद्ध करण्यात आला. यावेळी जगातील श्रीमंत आणि शक्तिशाली लोक स्वित्झर्लंडमध्ये जमले होते. वसाहतवादाच्या काळात घातलेली असमानता आणि शोषणाचा पाया आजही कायम असून ही विषमता आजही जगाच्या अनेक भागांमध्ये जाणवत असल्याचे अहवालात म्हटलंय. ऑक्सफॅम म्हणते की ही असमानता आजही कायम आहे आणि त्यांनी असे जग निर्माण केलं आहे. ज्यामध्ये श्रीमंत देश ग्लोबल साउथमधून संपत्ती काढत आहेत. 

ऑक्सफॅमने अनेक संशोधनांचा हवाला देत म्हटलंय की, 1765 ते 1900 या काळात ब्रिटनमधील सर्वात श्रीमंत 10 टक्के लोकांनी भारतातून $33.8 ट्रिलियनची संपत्ती काढली. ही रक्कम आज इतकी मोठी आहे की लंडनचा संपूर्ण पृष्ठभाग 50 पौंडांच्या नोटांनी चार वेळा व्यापला जाऊ शकतो. आजच्या ब्रिटनमधील अनेक श्रीमंत लोक त्यांच्या संपत्तीचा संबंध वसाहतवाद आणि शोषणाशी जोडू शकतात.

ऑक्सफॅमने म्हटलंय की आधुनिक बहुराष्ट्रीय कंपन्या वसाहतवादातून उदयास आल्या आणि या कंपन्यांचे प्रमुख उदाहरण म्हणजे 'ईस्ट इंडिया कंपनी', ज्याने आपल्या नियंत्रणाखाली अनेक वसाहती गुन्हे केलंय. आजही ग्लोबल साउथमध्ये या कंपन्या कामगारांचे विशेषतः महिलांचे शोषण करतात. अहवालात म्हटलंय की ग्लोबल साउथमध्ये वेतन ग्लोबल नॉर्थच्या तुलनेत 87 ते 95 टक्के कमी आहे. मोठ्या बहुराष्ट्रीय कंपन्या स्वस्त मजुरांचा फायदा घेतात आणि संसाधनांचे सतत शोषण करतात.