Anand Mahindra यांनी नितीन गडकरींना टॅग करून व्यक्त केली इच्छा, म्हणाले...
आनंद महिंद्रा यांनी एक व्हिडिओ ट्वीट करून नेटकऱ्यांना निसर्ग सौंदर्य पाहण्याची अनुभूती दिली आहे.
)
Anand Mahindra Tweet Video And Tag Nitin Gadkari: उद्योगपती आनंद महिंद्रा सोशल मीडियावर कायमच सक्रीय असतात. या माध्यमातून आनंद महिंद्रा अनेक प्रश्नांना वाचा फोडत असतात. तर काही प्रेरणादायी व्हिडीओ शेअर करून कौतुक करत असतात. आता आनंद महिंद्रा यांनी एक व्हिडिओ ट्वीट करून नेटकऱ्यांना निसर्ग सौंदर्य पाहण्याची अनुभूती दिली आहे. आनंद महिंद्रा यांनी त्यांच्या अधिकृत ट्विटर हँडलवरून नैसर्गिक बोगद्याचा ट्रेंडिंग व्हिडीओ पोस्ट केला आहे. इतकेच नाही तर हा व्हिडीओ शेअर करण्यासोबतच महिंद्रा यांनी केंद्रीय रस्ते वाहतूक मंत्री नितीन गडकरी यांनाही टॅग केला आहे.
व्हिडीओ पोस्ट करताना आनंद महिंद्रा यांनी कॅप्शनमध्ये लिहिलं आहे की, "मला बोगदे आवडतात. पण खरे सांगायचे तर मी अशा 'बोगद्यां'मधून जाणे पसंत करेन. नितीन गडकरी, तुम्ही बांधत असलेल्या नवीन ग्रामीण रस्त्यांवर यापैकी काही बोगदे पाहायला मिळतील का?" काही सेकंदांच्या या व्हिडीओमध्ये तुम्ही खूप झाडं पाहू शकता. या माध्यमातून एक बोगदा तयार झाला आहे.
I like tunnels, but frankly, I’d much rather go through this kind of ‘Trunnel’ …@nitin_gadkari ji, can we plan to purposefully plant some of these trunnels on the new rural roads you are building? https://t.co/6cE4njjGGi
— anand mahindra (@anandmahindra) August 27, 2022
हा व्हिडीओ पाहिल्यानंतर नेटकऱ्यांनी आपल्या प्रतिक्रिया नोंदवल्या आहेत. आनंद महिंद्रा यांची ही इच्छा पूर्ण व्हावी अशी व्यक्त केली आहे. अशा बोगद्यांचे बांधकाम पर्यावरणासाठीही अधिक चांगले सिद्ध होईल, अशा कमेंट्स काही जणांनी नोंदवल्या आहेत. हा व्हिडीओ आतापर्यंत 2.2 दशलक्षाहून अधिक वेळा पाहिला गेला आहे. इतकेच नाही तर हजारो युजर्संनी व्हिडीओला लाइकही केले आहे.