रणबीर कपूर दिवाळीमध्ये बॉक्स ऑफिसवर करणार कब्जा, 'रामायण' चित्रपट 'या' दिवशी होणार रिलीज

Ranbir Kapoor Ramayana First Look : 'ॲनिमल' चित्रपटानंतर रणबीर कपूर त्याच्या आगामी 'रामायण' चित्रपटाच्या शूटिंगमध्ये व्यस्त आहे. याआधी 'रामायण' चित्रपटाच्या सेटवरील काही फोटो सोशल मीडियावर व्हायरल झाले आहेत. चित्रपटाची घोषणा झाल्यापासून चाहते या चित्रपटाची वाट पाहत आहेत. अशातच 'रामायण' चित्रपटाबद्दल एक मोठी अपडेट समोर आली आहे. निर्मात्यांनी चित्रपटाचा पहिला पोस्टर रिलीज केला आहे. 

रिपोर्टनुसार, निर्मात्यांनी अनेक दिवसांनंतर या चित्रपटाचा पहिला भाग पूर्ण केला आहे. नुकतीच या चित्रपटाची रिलीज डेट समोर आलीये. 'रामायण' हा चित्रपट दोन भागात प्रदर्शित होणार आहे. 

'रामायण' चित्रपट या दिवशी होणार रिलीज

रणबीर कपूर अनेक दिवसांपासून 'रामायण' चित्रपटाचे शूटिंग करत आहे. या चित्रपटाच्या सेटवरील रणबीर कपूरचे फोटो देखील अनेक वेळा व्हायरल झाले आहेत. या चित्रपटात रणबीर कपूर भगवान राम यांच्या भूमिकेत दिसणार आहे. त्यासोबतच रश्मिका मंदाना माता सीताच्या भूमिकेत दिसणार आहे. नुकतीच 'रामायण' चित्रपटाच्या निर्मात्यांनी पहिल्या भागाची रिलीज डेट जाहीर केली आहे. हा चित्रपट दोन भागांमध्ये प्रदर्शित होणार आहे. तर या चित्रपटाचा पहिला भाग दिवाळी 2026 मध्ये तर दुसरा भाग दिवाळी 2027 मध्ये प्रदर्शित होणार आहे. 

चित्रपटाचा पहिला पोस्टर रिलीज 

नमित मल्होत्रा यांनी चित्रपटाचा पहिला पोस्टर रिलीज करताना कॅप्शनमध्ये म्हटलं आहे की, एक दशकाहून अधिक  काळापूर्वी, मी 5000 वर्षांहून अधिक काळ कोट्यावधी लोकांच्या ह्रदयावर राज्य करणारे हे महाकाव्य मोठ्या पडद्यावर आणण्याचा प्रयत्न सुरु केला आणि आज तो मोठ्या पडद्यावर येत आहे. याचा मला खूप आनंद आहे. आपला इतिहास, सत्य आणि आपली संस्कृती प्रतिबिंबित करणारे सर्वात सत्य, पवित्र आणि अद्भूत रुप जगभरातील लोकांसमोर आणणे हे  'रामायण' चित्रपटाचे उद्दिष्ट आहे. 

'रामायण' चित्रपटात दिसणार हे कलाकार

नमित मल्होत्रा यांना व्हिज्युअल स्टोरीसाठी ओळखले जाते. नमित मल्होत्रा यांनी हॉलिवूडमधील अनेक मोठ्या प्रकल्पांवर काम केलं आहे. KGF स्टार यशने सांगितले होते की तो या चित्रपटात रावणाची भूमिका साकारणार आहे. त्यासोबतच यश या चित्रपटाचा सहनिर्माता देखील आहे. अभिनेता रणबीर कपूरसह या चित्रपट अभिनेत्री सई पल्ल्वी, लारा दत्ता, सनी देओल हनुमानाच्या भूमिकेत आणि शीबा चड्ढा मंथराच्या भूमिकेत दिसणार आहे.