പ്രമേഹം ഇന്ന് പലരെയും അലട്ടുന്ന പ്രധാന പ്രശ്നമാണ്. ഭക്ഷണ രീതിയിലെ നിയന്ത്രണങ്ങളിലൂടെ ഒരു പരിധി വരെ പ്രമേഹത്തെ തടയാനാകും.
പ്രമേഹമുള്ളവര്‍ക്ക് കഴിക്കാവുന്നതും പ്രമേഹത്തെ നിയന്ത്രിക്കുന്നതിന് സഹായകമാകുന്നതുമായ ചില പാനീയങ്ങളെ നമുക്ക് പരിചയപ്പെട്ടാലോ...
ചിയ സീഡ് വെള്ളം കലോറി കുറഞ്ഞ ആരോഗ്യകരമായ പാനീയമാണിത്. രക്തത്തിൽ പഞ്ചസാരയുടെ അളവ് നിയന്ത്രിക്കാൻ ഇവ സഹായിക്കുന്നു.
പാവയ്ക്കയിൽ കൊഴുപ്പും കാര്‍ബും കലോറിയുമെല്ലാം കുറഞ്ഞ അളവിലാണുള്ളത്. അതേസമയം ധാരാളം ആന്‍റി-ഓക്സിഡന്‍റ്സ് അടങ്ങിയിട്ടുമുണ്ട്. അതിനാൽ പ്രമേഹരോഗികൾ പാവയ്ക്ക ജ്യൂസ് കുടിക്കുന്നത് ഏറെ നല്ലതാണ്.
ഫൈബറും വെള്ളവും അടങ്ങിയതും കലോറി കുറഞ്ഞതുമായ വെള്ളരിക്കാ ജ്യൂസ് കുടിക്കുന്നതും പ്രമേഹത്തെ നിയന്ത്രിക്കാന്‍ സഹായിക്കും.
കാരറ്റ് ജ്യൂസാണ് അടുത്തത്. വിറ്റാമിന്‍ എ, സി തുടങ്ങിയവ അടങ്ങിയ ക്യാരറ്റ് ജ്യൂസ് ഡയറ്റില്‍ ഉള്‍പ്പെടുത്തതും പ്രമേഹത്തെ നിയന്ത്രിക്കാന്‍ ഗുണം ചെയ്യും.
ഗ്ലൈസെമിക് സൂചിക കുറവായ നാരങ്ങയിൽ വിറ്റാമിൻ സി, നാരുകൾ എന്നിവ ധാരാളം അടങ്ങിയിരിക്കുന്നു. അതിനാൽ മധുരമില്ലാതെ നാരങ്ങവെള്ളം കുടിക്കുന്നത് ഗ്ലൂക്കോസ് വർധനവ് കുറയ്ക്കാൻ സഹായിക്കുന്നു.
ഉലുവ വെള്ളം രാവിലെ കുടിക്കുന്നത് പ്രമേഹത്തെ നിയന്ത്രിക്കുകയും മൊത്തത്തിലുള്ള ആരോഗ്യത്തെ കാക്കുകയും ചെയ്യുന്നു.
കറുവപ്പട്ട ഗ്രീൻ ടീ ആണ് പ്രമേഹരോഗികള്‍ക്ക് രാവിലെ കഴിക്കാവുന്ന മറ്റൊരു ഹെല്‍ത്തി പാനീയം. രക്തത്തിലെ പഞ്ചസാരയുടെ അളവ് നിയന്ത്രിക്കാൻ ഇവ ഏറെ ഗുണകരമാണ്. (Disclaimer: ഈ വാർത്ത പൊതുവായ വിവരങ്ങളെ അടിസ്ഥാനമാക്കിയുള്ളതാണ്. ഒരു മെഡിക്കൽ വിദഗ്ധന്റെ ഉപദേശത്തിന് പകരമല്ല.)
