ദോഹ: ഖത്തറിൽ കൗമാരക്കാർക്ക് പുറമെ കുട്ടികൾക്കുള്ള വാക്സിനേഷൻ യജ്ജം ആരംഭിച്ചു. അഞ്ച് മുതൽ 11വയസ്സുവരെ പ്രായമുള്ള കുട്ടികൾക്ക് കോവിഡ് പ്രതിരോധ വാക്സിൻ കുത്തിവെപ്പ് ഇന്ന് ഞായറാഴ്ച ആരംഭിച്ചതായി പൊതുജനാരോഗ്യ മന്ത്രാലയം അറിയിച്ചു.
അമേരിക്കൻ നിർമിത ഫൈസർ ബയോടെക് വാക്സിനുകളാണ് കുട്ടികൾക്ക് നൽകുന്നത്. 2022 ജനുവരി മുതൽ കുട്ടികളുടെ വാക്സിനേഷൻ നടപടികൾ ആരംഭിക്കുമെന്നായിരുന്നു നേരത്തെ മന്ത്രാലയം അറിയിച്ചിരുന്നത്.
ആദ്യ ഡോസ് സ്വീകരിച്ചതിന് ശേഷം മൂന്നാഴ്ച കഴിഞ്ഞിട്ടാണ് രണ്ടാം ഡോസ് നൽകുക. സാധാരണ നൽകുന്ന വാക്സിന് ഡോസിന്‍റെ മൂന്നിൽ ഒരു ഭാഗം മാത്രമാണ് കുട്ടികൾക്ക് നൽകുക
ഫൈസർ വാക്സിനുകൾ കുട്ടികൾക്ക് ഏറെ സുരക്ഷിതമാണെന്ന രാജ്യാന്തര തലത്തിലെയും പ്രാദേശിക തലത്തിലെയും പഠനങ്ങളുടെ അടിസ്ഥാനത്തിലാണ് ഖത്തറിലും അഞ്ചിനും 11നും ഇടയിലുള്ള കുട്ടികൾക്ക് ഇതേ വാക്സിൻ നൽകാന തീരുമാനമായത്.
നിലവിൽ 12 മുതൽ മുകളിൽ പ്രായമുള്ള എല്ലാ വിഭാഗങ്ങൾക്കും ഖത്തറിൽ വാക്സിൻ നൽകുന്നുണ്ട്. ഈ പ്രായക്കാർക്കുള്ള ബൂസ്റ്റർ ഡോസ് വാക്സിനേഷനും സജീവമാണ്.
ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ Twitter, Facebook ലിങ്കുകളിൽ ക്ലിക്കുചെയ്യുക.
