തിരുവനന്തപുരം: മയക്കുമുരുന്ന് വിൽപ്പന നടത്തിയ ഗുണ്ടാത്തലവൻ ശാന്തിഭൂഷൻ പോലീസ് പിടിയിൽ. തിരുവനന്തപുരം ജില്ലയിലും മറ്റുജില്ലകളിലും നിരവധി കേസുകളിൽ പ്രതിയായ ആറാലൂംമൂട് സ്വദേശി ശാന്തി ഭൂഷൺ (42) നെയാണ് നെയ്യാറ്റിൻകര പോലീസ് പിടികൂടിയത്. മുപ്പതോളം കേസുകളിൽ പ്രതിയായ ശാന്തിഭൂഷൺ നെയ്യാറ്റിൻകര പോലീസ് സ്റ്റേഷനിലെ റൗഡി ലിസ്റ്റിലുണ്ട്.
പത്തര കിലോ കഞ്ചാവ് കൈവശം വെച്ച് വിൽപ്പനയ്ക്കായി ആറാലൂംമൂട് പ്രദേശത്ത് എത്തിയപ്പോഴാണ് ഇന്നലെ രാത്രി പ്രതിയെ നെയ്യാറ്റിൻകര പോലീസ് അറസ്റ്റ് ചെയ്തത്. പോലീസ് ഉദ്യോഗസ്ഥരെ തട്ടിക്കൊണ്ടുപോകൽ, പോലീസ് ഉദ്യോഗസ്ഥരെ ആക്രമിക്കൽ, വാളു വീശി ഭീഷണിപ്പെടുത്തൽ, കവർച്ച, മോഷണം, പിടിച്ചുപറി, സംഘം ചേർന്ന് ആക്രമണം, അധികൃത പണമിടപാട്, കബളിപ്പിക്കൽ, മയക്കുമരുന്ന് കച്ചവടം, ബിഷപ്പ് ഹൗസ് ആക്രമണം, കൊലപാതകം തുടങ്ങി നിരവധി ക്രമിനിൽ കേസുകളിൽ പ്രതിയാണ് ശാന്തി ഭൂഷണെന്ന് നെയ്യാറ്റിൻകര ഡി.വൈ.എസ്.പി ഷാജി പറഞ്ഞു.
ALSO READ: ലിറ്ററിന് 640 രൂപയ്ക്ക് ലഭിച്ച ജവാന് ഇനി എത്രയാകും? വർധിപ്പിച്ചത് എത്ര രൂപ?
തിരുവനന്തപുരം റൂറൽ ജില്ലാ മേധാവി സുദർദശൻ കെ.എസ് ഐപിഎസിന് ലഭിച്ച രഹസ്യ വിവരത്തിൻ്റെ അടിസ്ഥാനത്തിലാണ് പ്രതിയെ പിടികൂടിയതെന്ന് നെയ്യാറ്റിൻകര ഡി.വൈ.എസ്.പി ഷാജി വ്യക്തമാക്കി. നെയ്യാറ്റിൻകര സർക്കിൾ ഇൻസ്പെക്ടർ എസ്.ബി പ്രവീൺ, നെയ്യാറ്റിൻകര പോലീസ് സ്റ്റേഷൻ സബ് ഇൻസ്പെക്ടർ ടി. ജോസ് , ഗ്രേഡ് പോലീസ് സബ് ഇൻസ്പെക്ടമാരായ സജീവ് , ജിനു കുമാരൻ നായർ, സുരോഷ് കുമാർ, അരുൺ വി.എസ്, ഡ്രൈവർ സിപിഒ പോൾ, തിരുവനന്തപുരം റൂറൽ ഡാൻസാഫ് ടീം അംഗങ്ങൾ എന്നിവർ അടങ്ങുന്ന സംഘമാണ് പ്രതിയെ പിടികൂടിയത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
