Year-End Financial Checklist: 2023 അവസാനിക്കാന്‍ ദിവസങ്ങള്‍ മാത്രം ശേഷിക്കേ ചില പ്രധാനപ്പെട്ട സാമ്പത്തിക കാര്യങ്ങള്‍ ചെയ്തു തീര്‍ക്കാനുള്ള സമയപരിധി അവസാനിക്കുകയാണ്. അതായത് ഡിസംബര്‍ 31നകം ചെയ്തു തീര്‍ക്കേണ്ട ചില പ്രധാനപ്പെട്ട സാമ്പത്തിക കാര്യങ്ങള്‍ നടപ്പാക്കിയില്ല എങ്കില്‍ സംഭവിക്കുക വലിയ സാമ്പത്തിക നഷ്ടമായിരിയ്ക്കും.
Also Read: IMD Weather Update: പുതുവത്സരാഘോഷം വെള്ളത്തിലാകുമോ? ഈ സംസ്ഥാനങ്ങളില്‍ കനത്ത മഴയ്ക്ക് സാധ്യത
മ്യൂച്വൽ ഫണ്ട് നോമിനേഷനുകൾക്കും ആദായ നികുതി സമര്‍പ്പിക്കാന്‍ വൈകിയവര്‍ക്ക് പിഴകളോടെ സമര്‍പ്പിക്കാനുമുള്ള അവസാന തിയതി ഡിസംബര്‍ 31 ആണ്. ഡിസംബര്‍ 31 ന് സമയ പരിധി അവസാനിക്കുന്ന ചില പ്രധാനപ്പെട്ട സാമ്പത്തിക കാര്യങ്ങള്‍ അറിയാം...
Also Read: Ayodhya Ram Temple: രാമ ക്ഷേത്രത്തില്‍ സ്ഥാപിക്കാനുള്ള രാം ലല്ലയുടെ ഏറ്റവും മികച്ച വിഗ്രഹം തിരഞ്ഞെടുക്കാന്‍ വോട്ടിംഗ് ഇന്ന്
മ്യൂച്വൽ ഫണ്ട്, ഡീമാറ്റ് നോമിനേഷനുകൾക്കുള്ള അവസാന തീയതി (Deadline for MF And Demat Nominations)
സെക്യൂരിറ്റീസ് ആൻഡ് എക്സ്ചേഞ്ച് ബോർഡ് ഓഫ് ഇന്ത്യ (Securities and Exchanges Board of India (Sebi) മ്യൂച്വൽ ഫണ്ട് നോമിനേഷൻ സമയപരിധി 2023 ഡിസംബർ 31 വരെ നീട്ടിയിട്ടുണ്ട്. യൂണിറ്റ് ഹോൾഡർമാർക്ക് അവരുടെ മ്യൂച്വൽ ഫണ്ട് (Mutual Fund - MF) യൂണിറ്റുകളിലെ നാമനിർദ്ദേശങ്ങൾ തിരഞ്ഞെടുക്കാനോ ഒഴിവാക്കാനോ ഉള്ള സമയപരിധി 2023 ഡിസംബർ 31 വരെയാണ്.
ഐടിആർ ഫയൽ ചെയ്യാനുള്ള അവസാന തീയതി (Last Date To File Belated ITR)
2023 ജൂലൈ 31-ന് മുന്‍പ് ആദായനികുതി റിട്ടേൺ (ITR) ഫയൽ ചെയ്യാൻ കഴിയാത്തവർക്ക്, പിഴകളോടെ 2023 ഡിസംബർ 31 വരെ ഐടിആർ സമർപ്പിക്കാം.
IPO-കൾക്കായുള്ള പുതുക്കിയ ടൈംലൈൻ (Revised Timeline For IPOs)
ഐപിഒ ക്ലോഷറിനും ഷെയറുകളുടെ ലിസ്‌റ്റിംഗിനും ഇടയിലുള്ള ദൈർഘ്യം കുറച്ചുകൊണ്ട് Initial Public Offerings (IPOs) കാര്യക്ഷമത വർദ്ധിപ്പിക്കാൻ സെബി ശ്രമിക്കുന്നു. ഇതിന്‍റെ ഭാഗമായി 2023 ഡിസംബർ 1 മുതൽ, സെബി IPO ലിസ്റ്റിംഗ് കാലയളവ് T+6 എന്നതിൽ നിന്ന് T+3 ദിവസമായി ചുരുക്കും,
ബാങ്ക് ലോക്കര്‍ കരാര്‍ (Bank Locker Agreement Deadline)
2023 ഡിസംബർ 31-നകം പുതുക്കിയ ലോക്കർ കരാറുകൾ നടപ്പിലാക്കണമെന്ന് ആവശ്യപ്പെട്ട് റിസർവ് ബാങ്ക് ഓഫ് ഇന്ത്യ ബാങ്കുകള്‍ക്ക് നിര്‍ദ്ദേശം നല്‍കിയിരിയ്ക്കുകയാണ്. നിയമാനുസൃതമായ വസ്തുക്കൾ മാത്രമേ ലോക്കറുകളിൽ സൂക്ഷിക്കാൻ കഴിയൂ, നിയമവിരുദ്ധമോ അപകടകരമോ ആയ വസ്തുക്കള്‍ ബാങ്ക് ലോക്കറില്‍ സൂക്ഷിക്കുന്നത് കര്‍ശനമായി നിരോധിക്കും. ഇതില്‍ പിഴവ് വരുത്തുന്ന ഉപഭോക്താക്കൾക്കെതിരെ 'ഉചിതമായ നടപടി' സ്വീകരിക്കാൻ പുതിയ നിയമങ്ങൾ ബാങ്കിന് അധികാരം നൽകുന്നു.
യുപിഐ ഐഡികള്‍ റദ്ദാക്കല്‍ (Inactivation Of UPI IDs)
നാഷണൽ പേയ്‌മെന്‍റ് കോർപ്പറേഷൻ ഓഫ് ഇന്ത്യ (NPCI) ഒരു വർഷത്തിലേറെയായി ഉപയോഗിക്കാത്ത, പ്രവർത്തനരഹിതമായ യൂണിഫൈഡ് പേയ്‌മെന്‍റ് ഇന്‍റർഫേസ് (UPI) ഐഡികൾ നിർജ്ജീവമാക്കാൻ നിർദ്ദേശം നൽകിയിട്ടുണ്ട്, ഈ പ്രക്രിയ 2023 ഡിസംബർ 31-നകം പൂർത്തിയാകുമെന്ന് പ്രതീക്ഷിക്കുന്നു. Google Pay, Paytm, PhonePe, ബാങ്കുകള്‍ തുടങ്ങിയവയ്ക്ക് പ്രവർത്തനരഹിതമായ UPI ഐഡികള്‍ നിഷ്‌ക്രിയമാക്കാന്‍ നിര്‍ദ്ദേശം നല്‍കിയിട്ടുണ്ട്.
യുപിഐ ഇടപാടുകള്‍ കൂടുതല്‍ സുരക്ഷിതമാക്കുന്നതിനും തെറ്റായ ഫണ്ട് കൈമാറ്റം തടയുന്നതിനുമാണ് ഈ നടപടി സ്വീകരിച്ചിരിക്കുന്നത്. ഉപയോക്താവിന്‍റെ യുപിഐ ഐഡി നിർജ്ജീവമാക്കുന്നതിന് മുമ്പ് ഉപയോക്താക്കൾക്ക് ബാങ്ക് വഴി അറിയിപ്പ് ലഭിക്കും.
സ്പെഷ്യല്‍ സ്ഥിര നിക്ഷേപങ്ങള്‍ (Special FDs)
ചില ബാങ്കുകള്‍ അവതരിപ്പിക്കുന്ന സ്പെഷ്യല്‍ സ്ഥിര നിക്ഷേപ പദ്ധതികളില്‍ ചേരുവാനുള്ള സമയപരിധി 2023 ഡിസംബർ 31 ന് അവസാനിക്കും. അതായത്. ഉത്സവ് എഫ്ഡികൾ എന്ന് വിളിക്കപ്പെടുന്ന ഐസിഐസിഐ ബാങ്ക് 375 ദിവസത്തേയ്ക്കും 444 ദിവസത്തേയ്ക്കും നല്‍കുന്ന ഉയര്‍ന്ന പലിശ നിരക്ക് വാഗ്ദാനം ചെയ്യുന്ന സ്ഥിര നിക്ഷേപ പദ്ധതികളില്‍ ചേരുവാനുള്ള അവസരം ഡിസംബർ 31 ന് അവസാനിക്കും.
കൂടാതെ, സ്റ്റേറ്റ് ബാങ്ക് ഓഫ് ഇന്ത്യ SBI) അതിന്‍റെ അമൃത് കലഷ് സ്പെഷ്യൽ എഫ്ഡിയില്‍ ചേരുവാനുള്ള സമയപരിധി 2023 ഡിസംബർ 31 വരെ നീട്ടിയിരുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ.
