Commercial LPG Price hikes: ആദ്യ ദിനത്തിൽ ഉപഭോക്താക്കൾക്ക് തിരിച്ചടിയായി എൽപിജി സിലിണ്ടറിന്റെ വില വർധിപ്പിച്ച് എണ്ണ വിപണന കമ്പനികൾ. 19 കിലോ വാണിജ്യ എൽപിജി സിലിണ്ടറുകളുടെ വില 101.50 രൂപയാണ് വർധിപ്പിച്ചത്. പുതിയ നിരക്കുകൾ നവംബർ 1 ആയ ഇന്നുമുതൽ പ്രാബല്യത്തിൽ വരും. ഈ വർദ്ധനവിന് ശേഷം തലസ്ഥാന നഗരമായ ഡൽഹിയിൽ 19 കിലോഗ്രാം എൽപിജി സിലിണ്ടറിന്റെ വില 1833 രൂപയായിട്ടുണ്ട്. നേരത്തെ അതായത് ഒക്ടോബർ ഒന്നിനും വാണിജ്യ ഗ്യാസ് സിലിണ്ടറിന് 209 രൂപ വർധിപ്പിച്ചിരുന്നു.
Also Read: വാണിജ്യാവശ്യത്തിനുള്ള പാചകവാതക വില കൂട്ടി; അറിയാം പുതിയ നിരക്ക്!
ഗാർഹിക പാചകവാതക സിലിണ്ടറിന്റെ വിലയിൽ മാറ്റമില്ല
എണ്ണ വിപണന കമ്പനികൾ 19 കിലോ വാണിജ്യ എൽപിജി സിലിണ്ടറിന്റെ വില വർധിപ്പിച്ചെങ്കിലും ഗാർഹിക എൽപിജി സിലിണ്ടറിന്റെ വില വർധിപ്പിച്ചില്ല. രാജ്യതലസ്ഥാനമായ ഡൽഹിയിൽ ഗാർഹിക എൽപിജി സിലിണ്ടറിന് 903 രൂപയും കൊൽക്കത്തയിൽ 929 രൂപയുമാണ് വില. അതുപോലെ മുംബൈയിൽ പാചക വാതകത്തിന്റെ വില 902.5 രൂപയും ചെന്നൈയിൽ 918.5 രൂപയുമാണ് വില.
പ്രധാന നഗരങ്ങളിലെ വാണിജ്യ ഗ്യാസ് സിലിണ്ടറിന്റെ വില
ഈ വർദ്ധനവിന് ശേഷം ഡൽഹിയിൽ വാണിജ്യ ഗ്യാസ് സിലിണ്ടറിന്റെ വില 1833 രൂപയായിട്ടുണ്ട്. അതുപോലെ കൊൽക്കത്തയിൽ 19 കിലോ ഗ്യാസ് സിലിണ്ടറിന്റെ വില 1943 രൂപയും മുംബൈയിൽ 1785.50 രൂപയും ചെന്നൈയിൽ 1999.50 രൂപയുമാണ് വില.
Also Read: ഐക്യകേരളത്തിന് ഇന്ന് 67-ാം പിറന്നാൾ; കേരളീയത്തിന് ഇന്ന് തുടക്കം
പെട്രോളിന്റെയും ഡീസലിന്റെയും വിലയിൽ മാറ്റമില്ല
പെട്രോളിന്റെയും ഡീസലിന്റെയും വിലയിൽ എണ്ണ വിപണന കമ്പനികൾ മാറ്റമൊന്നും വരുത്തിയിട്ടില്ല. രാജ്യതലസ്ഥാനമായ ഡൽഹിയിൽ പെട്രോൾ ലിറ്ററിന് 96.72 രൂപയും ഡീസൽ ലിറ്ററിന് 89.62 രൂപയുമാണ്. മുംബൈയിൽ പെട്രോൾ വില ലിറ്ററിന് 106.31 രൂപയും ഡീസലിന് 94.27 രൂപയുമാണ് അതുപോലെ ചെന്നൈയിൽ പെട്രോൾ വില ലിറ്ററിന് 102.63 രൂപയും ഡീസലിന് 94.24 രൂപയുമാണ്. കൊൽക്കത്തയിൽ പെട്രോൾ ലിറ്ററിന് 106.03 രൂപയും ഡീസൽ ലിറ്ററിന് 92.76 രൂപയുമാണ്. ഒരു വർഷത്തിലേറെയായി പെട്രോളിന്റെയും ഡീസലിന്റെയും വിലയിൽ മാറ്റമൊന്നും ഉണ്ടായിട്ടില്ല. 2022 മെയ് 21 നാണ് പെട്രോളിന്റെയും ഡീസലിന്റെയും വിലയിൽ അവസാനമായി മാറ്റമുണ്ടായത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ.
