കേന്ദ്ര സർക്കാർ ജീവനക്കാർ തങ്ങളുടെ അടുത്ത ക്ഷാമബത്ത വർദ്ധനയ്ക്കായി കാത്തിരിക്കുകയാണ്. ലേബർ ബ്യൂറോ ഓഫ് ലേബർ മന്ത്രാലയത്തിൻ്റെ കണക്കുകൾ പ്രകാരം ഇത്തവണ കേന്ദ്ര സർക്കാർ ജീവനക്കാർക്കുള്ള ക്ഷാമബത്ത 50% വർധിക്കാൻ സാധ്യതയുണ്ട്. പണപ്പെരുപ്പത്തിൻ്റെ പ്രഭാവം കുറയ്ക്കുക എന്നത് കൂടി മുൻ നിർത്തിയാണിത്. ക്ഷാമബത്ത 50 ശതമാനത്തിൽ എത്തുമ്പോൾ മറ്റ് ചില അലവൻസുകൾ കൂടി വർദ്ധിക്കും അവ ഏതൊക്കെയെന്ന് നോക്കാം.
ഡിഎ 50% എത്തിയാൽ, മറ്റ് ചില അലവൻസുകളും ശമ്പളത്തിൻ്റെ ഒപ്പം വർദ്ധിക്കും, ഇത് നിങ്ങളുടെ ശമ്പളത്തിൽ വലിയ മാറ്റമായിരിക്കും ഉണ്ടാക്കുക. ഏഴാം കേന്ദ്ര ശമ്പള കമ്മീഷൻ അനുസരിച്ച്, ഡിഎ 50% ആകുമ്പോൾ ഈ അലവൻസുകളെല്ലാം വർദ്ധിക്കും.
1) ഹൗസ് റെൻ്റ് അലവൻസ് (എച്ച്ആർഎ) വീട്ടു വാടക അലവൻസ്
2) കുട്ടികളുടെ വിദ്യാഭ്യാസ അലവൻസ്
3) ശിശു സംരക്ഷണത്തിന് പ്രത്യേക അലവൻസ്
4) ഹോസ്റ്റൽ സബ്‌സിഡി
5) ടി.എ
6) ഗ്രാറ്റുവിറ്റി പരിധി
7) ഡ്രസ് അലവൻസ്
8) സ്വന്തം ഗതാഗതത്തിനുള്ള മൈലേജ് അലവൻസ്
9) പ്രതിദിന അലവൻസ്
എല്ലാ കേന്ദ്ര സർക്കാർ ജീവനക്കാർക്കും അവർ താമസിക്കുന്ന സ്ഥലത്തെ ആശ്രയിച്ച് വീട് വാടക അലവൻസ് (HRA) ലഭിക്കും . ഏഴാം ശമ്പള കമ്മീഷൻ ശുപാർശകൾ പ്രകാരം, 2017 ജൂലൈ 1 മുതൽ പ്രാബല്യത്തിൽ വരുന്ന ക്ലാസ് എക്സ്, വൈ, ഇസഡ് നഗരങ്ങൾക്ക് യഥാക്രമം അടിസ്ഥാന ശമ്പളത്തിൻ്റെ 24%, 16%, 8% എന്നിങ്ങനെയാണ് എച്ച്ആർഎ . ഡിഎ 25 ശതമാനത്തിൽ എത്തിയപ്പോഴാണ് ഇത്തരത്തിൽ എച്ച് ആർഎ ഉയർത്തിയത്.
ഡിഎ 50% ആകുമ്പോൾ
ഡിഎ 50% ആയാൽ എച്ച്ആർഎ നിരക്കുകൾ യഥാക്രമം X, Y, Z എന്നീ നഗരങ്ങളിൽ അടിസ്ഥാന ശമ്പളത്തിൻ്റെ 30%, 20%, 10% എന്നിങ്ങനെയാവും. X, Y, Z ടൈപ്പ് നഗരങ്ങൾക്ക് യഥാക്രമം 27%, 18%, 9% എന്നിങ്ങനെയാണ് എച്ച്ആർഎ. 53,500 രൂപ അടിസ്ഥാന ശമ്പളത്തിൽ, യഥാക്രമം 14,445 രൂപ (ടൈപ്പ് എക്സ്), 9,630 രൂപ (ടൈപ്പ് വൈ), 4,815 രൂപ (ടൈപ്പ് ഇസഡ്) എന്നിങ്ങനെയായിരിക്കും എച്ച്ആർഎ. എന്നിരുന്നാലും, DA 50% ആയിക്കഴിഞ്ഞാൽ, HRA 25% വർദ്ധിക്കും.
കുട്ടികളുടെ വിദ്യാഭ്യാസ അലവൻസ് ഓരോ തവണയും ഡിഎ 50 ശതമാനത്തിൽ എത്തുമ്പോൾ 25% വർദ്ധിപ്പിക്കും. ഉദാഹരണത്തിന്, ഒരു കേന്ദ്ര സർക്കാർ ജീവനക്കാരന് ഇപ്പോൾ കുട്ടികളുടെ വിദ്യാഭ്യാസ അലവൻസായി പ്രതിമാസം 2,250 രൂപ ലഭിക്കുന്നുണ്ടെങ്കിൽ, ഡിഎ 50% ആകുമ്പോൾ അത് 2,812.5 രൂപയായി വർദ്ധിക്കും.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
