સરકારની આ યોજનામાં મહિલાને દર મહિને મળશે 1000 રૂપિયા! જાણો કેવી રીતે કરશો અરજી

દિલ્હી સરકાર મહિલાઓને 1000 રૂપિયા આપશે. સાંભળીને ગમ્યું ને... પરંતુ આ હકીકત છે. જે મુખ્યમંત્રી મહિલા સન્માન યોજના હેઠળ આપવામાં આવશે. આ યોજનાની જાહેરાત દિલ્હીના પૂર્વ મુખ્યમંત્રી અને આમ આદમી પાર્ટીના પ્રમુખ અરવિંદ કેજરીવાલે ગુરુવારે કરી હતી. હવે દિલ્હીના મુખ્યમંત્રી આતિશીએ કહ્યું છે કે મહિલા સન્માન યોજના હેઠળ 1000 રૂપિયાના પ્રથમ બે હપ્તા ચાલુ નાણાકીય વર્ષના અંત સુધીમાં મોકલવામાં આવશે.

આ પહેલને નાણાકીય વર્ષ 2024-25ના બજેટમાં સામેલ કરવામાં આવી હતી અને AAPના પ્રમુખ અરવિંદ કેજરીવાલે રૂ. 2,000 કરોડનું બજેટ રજૂ કર્યું હતું, જેનો ઉદ્દેશ્ય સીમાંત મહિલાઓને 1,000 રૂપિયાની માસિક નાણાકીય સહાય પૂરી પાડીને જીવનની ગુણવત્તામાં સુધારો કરવાનો છે .

ચૂંટણીઓ બાદ 2100 રૂપિયા મહિનો!
સીએમ આતિશીએ જણાવ્યું કે ગઈકાલે રાત્રે કેબિનેટ દ્વારા પસાર કરવામાં આવેલી આ યોજનાને સાંજ સુધી મંજૂરી આપી દેવામાં આવી. તેમણે જણાવ્યું હતું કે તમામ મહિલાઓ, જે  12 ડિસેમ્બર, 2024 સુધી દિલ્હીની રહેવાસી છે અને નોંધાયેલ મતદાતા છે, તે આ યોજના માટે પાત્ર ગણાશે. ગુરુવારે અરવિંદ કેજરીવાલે કહ્યું હતું કે આગામી વિધાનસભા ચૂંટણી પછી માસિક રકમ વધારીને 2100 રૂપિયા થવાની આશા છે. કેજરીવાલે કહ્યું કે વર્તમાન રકમ ઘણી મહિલાઓ દ્વારા અપૂરતી માનવામાં આવી રહી છે.

કોણ લઈ શકે છે યોજનાનો લાભ?
- દિલ્હીની તમામ મહિલાઓ, જેઓ 12 ડિસેમ્બર 2024 સુધી દિલ્હીની રહેવાસી છે અને મતદાર તરીકે નોંધાયેલી છે.

- આ યોજના કેટલાક માટે નહીં હોય. જેમ કે જે વ્યક્તિઓ કાયમી સરકારી કર્મચારી છે અથવા રહી ચૂકી છે, ચૂંટાયેલા અધિકારીઓ જેમ કે સાંસદો, ધારાસભ્યો અથવા કાઉન્સિલર, જે મહિલાઓએ તાજેતરમાં ટેક્સ ચૂકવ્યો છે અને જે વ્યક્તિઓ પહેલાથી જ દિલ્હી સરકારની કોઈપણ અન્ય પેન્શન યોજનાનો લાભ લઈ રહી છે.

- 18 વર્ષ કે તેથી વધુ ઉંમરની મહિલાઓને જ આ લાભ આપવામાં આવશે.

- કુટુંબની મહત્તમ વાર્ષિક આવક 3 લાખ રૂપિયા હશે.

- સરકારી લાભો, સરકારી નોકરી, કરદાતાઓ, પેન્શન મેળવનારાઓ આ યોજના માટે પાત્ર નથી.

કયા દસ્તાવેજો જરૂરી?
આ યોજના હેઠળ અરજી કરવા માટે તમારી પાસે કેટલાક દસ્તાવેજો હોવા આવશ્યક છે. એમાં આધાર કાર્ડ, મતદાર આઈડી કાર્ડ, પાન કાર્ડ, બેંક ખાતાની વિગતો, સરનામાનો પુરાવો જેમ કે વીજળીનું બિલ, પાણીનું બિલ અથવા રેશન કાર્ડનો સમાવેશ થાય છે. ઉંમરના પુરાવામાં જન્મ પ્રમાણપત્ર, શાળા છોડવાનું પ્રમાણપત્ર અથવા પાસપોર્ટનો સમાવેશ થાય છે. આ સિવાય આવકનું પ્રમાણપત્ર, સ્વ-ઘોષણા-અરજદારોએ એક દસ્તાવેજ સબમિટ કરવો જરૂરી છે જે પુષ્ટિ કરે છે કે તેઓ યોજના માટે પાત્રતા માપદંડોને પૂર્ણ કરે છે.

કેવી રીતે કરી શકો છો એપ્લાય?

- તમે દિલ્હી સરકારની વેબસાઇટ પર અરજી ફોર્મ જોઈ શકો છો.

- ફોર્મ સંપૂર્ણ ભર્યા બાદ તેને જરૂરી દસ્તાવેજો સાથે નજીકની સરકારી ઓફિસમાં જમા કરાવવાનું રહેશે.

- સરકાર નાણાકીય સહાય માટેની તમામ અરજીઓની કાળજીપૂર્વક સમીક્ષા કરશે.

- ફોર્મ સબમિટ કર્યા પછી પૂરી પાડવામાં આવેલ માહિતી અધિકારીઓ દ્વારા સંપૂર્ણ રીતે ચકાસવામાં આવશે. જો મંજૂર કરવામાં આવે તો તમને અધિકારીઓ તરફથી યોજનાના લાભો માટેની તમારી પાત્રતાની પુષ્ટિ કરતી સૂચના પ્રાપ્ત થશે.