New Smartphones: వివిధ స్మార్ట్ఫోన్ కంపెనీలు ఈ వారం వరుసగా.. కొత్త మోడళ్లను మార్కెట్లోకి విడుదల చేయనున్నాయి. ముఖ్యంగా వివో, రియల్మీ, ఒప్పొ, ఐకూ, మోటోరొలా నుంచి వస్తున్న కొత్త మోడళ్ల వివరాలు ఇలా ఉన్నాయి.
వివో నుంచి మిడ్ రేంజ్ సెగ్మెంట్లో మరో 5జీ స్మార్ట్ఫోన్ విడుదలవ నుంది. ఫిబ్రవరి 21న ఈ ఫోన్ను విడుదల కానుంది. ఈ ఫోన్ ధర రూ.25,990 అంచనాలు ఉన్నాయి.
ఒప్పొ ఫైండ్ ఎక్స్5 సిరీస్ స్మార్ట్ఫోన్ ఫిబ్రవరి 24న విడుదల కానుంది. ఈ ఫోన్ స్నాప్డ్రాగన్ 8 జెన్ 1 చిప్సెట్, డైమెన్సిటీ 9000 ప్రాసెసర్తో ఈ ఫోన్ రానున్నట్లు తెలుస్తోంది. 6.7 అంగుళాల డిస్ప్లే, 5000 ఎంఏహెచ్ బ్యాటరీ వంటి ఫీచర్లు ఉంటాయని అంచనా.
ఐకూ నుంచి ప్రీమియం సెగ్మెంట్లో 9 సిరీస్ దేశీయంగా విడుదల కానున్నట్లు తెలుస్తోంది. ఫిబ్రవరి 23న ఈ ఫోన్ విడుదల కానుంది. అమెజాన్ ద్వారానే ఈ ఫోన్ను విక్రయించనున్నారు.
మోటో నుంచి ఎడ్జ్ 30 ప్రో ఫిబ్రవరి 24న విడుదల కానున్నట్లు తెలిసింది. సూపర్ ఆమోల్డ్ డిస్ప్లే వంటి ఫీచర్లు రానున్నట్లు తెలుస్తోంది.
రియల్మీ నుంచి నార్జో 50 స్మార్టర్ఫోన్ను ఫిబ్రవరి 24న విడుదల కానుంది. మీడియాటెక్ హీలియో జీ96 ప్రాసెసర్, ఫాస్ట్ ఛార్జింగ్ వంటి ఫీచర్లు ఇందులో హైలైట్గా ఉన్నట్లు తెలుస్తోంది.
