Saunf Benefits: భోజనం చేసిన తరువాత కొద్దిగా సోంపు తినడం అనాదిగా వస్తున్న అలవాటు. నిజానికి ఆరోగ్యపరంగా ఇది చాలా మంచిది. సోంపు జీర్ణక్రియకు అద్భుతంగా పనిచేస్తుంది. ఇంకా ఇతర ప్రయోజనాలు చాలా ఉన్నాయి. రోజూ కేవలం ఒక చెంచా సోంపు తింటే శరీరంలో చాలా లాభాలు కలుగుతాయి. అవేంటో తెలుసుకుందాం
పీరియడ్స్ సమస్య సోంపులో ఉండే ఫైటో ఈస్ట్రోజన్ కారణంగా మహిళల్లో హార్మోన్ బ్యాలెన్స్‌కు దోహదమౌతుందగి. సోంపు తినడం వల్ల పీరియడ్స్ సమయంలో ఉండే క్రాంప్స్ నుంచి రిలీఫ్ పొందవచ్చు.
రెస్పిరేటరీ వ్యవస్థకు లాభం సోంపులో యాంటీ ఇన్‌ఫ్లమేటరీ, రోగ నిరోదక గుణాలుంటాయి. ఆస్తమా, బ్రోంకైటిస్ , దగ్గు వంటి సమస్యలను దూరం చేస్తుంది. కఫం సమస్యను దూరం చేస్తుంది.
ఆకలి నియంత్రణ సోంపులో ఉండే ఫైబర్ కారణంగా ఎక్కువసేపు ఆకలి ఉండదు. దాంతో ఓవర్ ఈటింగ్ సమస్య నుంచి కాపాడుకోవచ్చు. ఫలితంగా బరువు నియంత్రణలో ఉంటుంది.
స్కిన్ కేర్ సోంపులో విటమిన్ సి, క్వెర్‌సెట్టిన్ అనే యాంటీ ఆక్సిడెంట్ ఉంటుంది. ఇది శరీరంలోని ఫ్రీ రాడికల్స్‌ను అంతం చేస్తుంది. ఆక్సిడేటివ్ ఒత్తిడిని తగ్గిస్తుంది. చర్మాన్ని ఆరోగ్యంగా ఉంచుతుంది. చర్మంపై ముడతలు , గీతలు ఉంటే దూరమౌతాయి
మెటబోలిజం వృద్ధి సోంపులో ఉండే కొన్ని రకాల కాంపౌండ్స్ కారణంగా మెటబోలిజం వృద్ధి చెందుతుంది. బరువు నియంత్రణలో ఉంటుంది. రోజూ తినడం ఆరోగ్యానికి చాలా మంచిది
బ్లడ్ ప్రెషర్ నియంత్రణలో సోంపులో పొటాషియం సమృద్ధిగా ఉంటుంది. శరీరంలో సోడియం అదనంగా ఉండటం వల్ల కలిగే దుష్పరిణామాల్ని తగ్గిస్తుంది. గుండె ఆరోగ్యానికి కూడా మంచిది.
శ్వాసలో దుర్వాసన దూరం సోంపులో సహజసిద్ధమైన స్వీట్‌నెస్ ఉంటుంది. ఇది నోటిని రిఫ్రెష్ చేస్తుంది. సువాసన నింపుతుంది. నోటి నుంచి వచ్చే దుర్వాసనను అరికడుతుంది. సోంపు తినడం వల్ల నోటి దుర్వాసన సమస్య పోతుంది. ఇందులో ఉండే యాంటీ బ్యాక్టీరియల్ గుణాల కారణంగా నోటిలో ఉండే బ్యాక్టీరియా తొలగిపోతుంది
జీర్ణక్రియ సోంపులో ఉండే పోషక గుణాల కారణంగా జీర్ణక్రియ మెరుగుపడుతుంది. సోంపు తినడం వల్ల కడుపులో గ్యాస్ట్రిక్ ఎంజైమ్ ఉత్పత్తి పెరిగి జీర్ణక్రియను మెరుగుపరుస్తుంది. కడుపులో బ్లోటింగ్, అజీర్తి, మలబద్ధకం వంటి సమస్యలు కూడా తొలగిపోతాయి.
