7th Pay Commission Basic Pay Hike: కేంద్ర ప్రభుత్వ ఉద్యోగుల బేసిక్ పేకు గ్రాట్యుటీని కలిపితే శాలరీ ఒకేసారి భారీ మొత్తంలో పెరుగుతుంది. 2004లో గ్రాట్యూటీ మొత్తం 50 శాతం దాటిన తరువాత బేసిక్ పేతో లింక్ చేసిన విషయం తెలిసిందే. ఈ నేపథ్యంలో మరోసారి గ్రాట్యూటీని బేసిక్ పేలో కలపాలని కేంద్ర ప్రభుత్వం భావిస్తున్నట్లు వార్తలు వస్తున్నాయి.
గత నెలలో దీపావళి గిఫ్ట్‌గా కేంద్ర ప్రభుత్వ ఉద్యోగులు, పెన్షనర్లకు 3 శాతం డీఏ, డీఆర్ పెంచిన విషయం తెలిసిందే. దీంతో మొత్తం డీఏ 53 శాతానికి చేరింది.
ప్రస్తుతం డీఏ 50 శాతం దాటినా.. బేసిక్ పేతో లింక్ చేయకపోవడంతో ఉద్యోగుల్లో చర్చ మొదలైంది. గతంలో ఇలా చేయడంతో ఇప్పుడు కూడా చేస్తుందా అనే ఆశగా ఎదురుచూస్తున్నారు.
6వ వేతన సంఘం ప్రకారం.. డీఏ 50 శాతం దాటితే బేసిక్ పే కలిపి.. మళ్లీ జీరో నుంచి లెక్కించాలనే నిబంధన పెట్టారు. దీంతో 2004లో బేసిక్ పేలో కలిపారు.
అయితే 7వ వేతన సంఘంలో అలాంటి నిబంధన ఏమి లేదు. దీంతో డీఏ 53 శాతానికి చేరినా.. ప్రాథమిక వేతనంతో డీఏను లింక్ చేయలేదు.
బేసిక్ పేలో డీఏను కలిపితే భారీగా జీతాలు పెరగడంతోపాటు పెన్షన్‌లో పెంపు ఉంటుంది.
అంతేకాకుండా బేసిక్ పేపై ఆధారపడిన ఉద్యోగుల చెల్లింపులు, బోనస్, పెన్షన్, ఇతర అలవెన్సుల్లో కూడా పెంపు ఉండనుంది.
ఈ విషయంపై కేంద్ర మంత్రి అశ్విని వైష్ణవ్ స్పందించారు. ప్రస్తుతం సమీక్షిస్తున్నామని.. ఇంకా తుది నిర్ణయం తీసుకోలేదని వెల్లడించారు. ఉద్యోగుల ప్రయోజాలను దృష్టిలో ఉంచుకుని త్వరలోనే కేంద్రం గ్రీన్ సిగ్నల్ ఇచ్చే అవకాశం ఉందని ప్రచారం జరుగుతోంది.
గమనిక: ఇక్కడ అందజేసిన సమాచారం కేవలం అవగాహన కోసం మాత్రమే రాసినది. జీతాల పెంపు, ఇతర సమాచారం కోసం ప్రభుత్వ వెబ్‌సైట్‌ను సందర్శించండి.
