Sanatana Foundation: వేద జ్ఞానాన్ని ప్రపంచవ్యాప్తంగా ప్రచారం చేయడానికి నడుం బిగించారు ప్రవాస భారతీయ తెలుగువారైన రజనీకాంత్ వంగిపురం. ఈయన భారతదేశంతో పాటు అమెరికాలో అంతర్జాతీయ సనాతన ఫౌండేషన్‌ను ప్రారంభించి వేద జ్ఞానాన్ని అందరికి పంచుతూ ఆదర్శంగా నిలుస్తున్నారు.
Sanatana Foundation: వేద ప్రభావశీలి, ఆధ్యాత్మిక భావనలతో వేద జ్ఞానాన్ని ప్రపంచ వ్యాప్తంగా చేస్తున్నారు రజనీకాంత్ వంగిపురం. ప్రాచీన వేద జ్ఞానంతో పాటు సనాతన ధర్మాన్ని ప్రపంచవ్యాప్తంగా పునరుద్ధరించడానికి కంకణం కట్టుకున్నారు. అంతేకాదు సనాతన ధర్మ పరిరక్షణ లక్ష్యంగా భారతదేశం, USAలలో అంతర్జాతీయ సనాతన ఫౌండేషన్‌ను అధికారికంగా ప్రారంభించారు.
భారతదేశంలో ఒక సాంప్రదాయ శ్రీ వైష్ణవ బ్రాహ్మణ కుటుంబంలో జన్మించారు రజనీకాంత్. ఆ తర్వాత ఉద్యోగ రీత్యా అమెరికా వెళ్లారు. అంతేకాదు దశాబ్దాలుగా అక్కడే నివసిస్తున్నారు. ఆధునిక జీవితంలోని సవాళ్లను ఎదుర్కొన్న తర్వాత తన పూర్వీకుల శాశ్వత బోధనలను స్వీకరించి పంచుకోవడానికి సనాతన ధర్మ ప్రయాణం చేపట్టారు.
నేటి వేగవంతమైన ప్రపంచంలో తరచుగా పక్కన పెట్టబడిన ప్రాచీన వేద గ్రంథాలు మానవ సంక్షేమానికి ప్రయోజనం చేకూర్చే శాశ్వత సత్యాలను కలిగి ఉన్నాయని ప్రపంచానికి చాటి చెప్పడానికి రజనీకాంత్ పూనుకున్నారు.
అంతర్జాతీయ సనాతన ఫౌండేషన్ ద్వారా, ఆయన ఈ విస్తారమైన సాంస్కృతిక వారసత్వాన్ని కాపాడుతూ ఆధునిక సమస్యలకు ఆచరణాత్మక పరిష్కారాలను అందించే ప్రయత్నం చేస్తున్నారు.
ఈ ఫౌండేషన్ వేద పరిశోధన, విద్యా కార్యక్రమాలు, ఆధ్యాత్మిక శిబిరాలకు ప్రపంచ వేదికగా పనిచేస్తుంది. ప్రజలను జీవితంలోని లోతైన, ఆధ్యాత్మిక అంశాలతో తిరిగి అనుసంధానించడం లక్ష్యంగా పెట్టుకుని పనిచేస్తున్నారు.
ప్రస్తుతం భారతదేశంలో ఉన్న రజనీకాంత్, డిజిటల్ కంటెంట్ ప్లాట్‌ఫార్మ్ లు , ఇంటర్వ్యూలు, వర్క్‌షాప్‌ల ద్వారా సనాతన ధర్మంపై అవగాహన పెంచే ప్రచారానికి నాయకత్వం వహిస్తున్నారు. ఈ ప్రాచీన బోధనలు నేటి ప్రపంచంలో ఎలా లోతుగా ప్రాసంగికంగా ఉన్నాయో హైలైట్ చేస్తున్నారు.
ఆన్‌లైన్, వ్యక్తిగతంగా వేద జ్ఞాన సందేశాన్ని విశ్వ వ్యాప్తం చేయడమే ఆయన లక్ష్యంగా పనిచేస్తున్నారు. భారత ప్రభుత్వం, తత్వవేత్తలు, ప్రపంచ సనాతన సమాజం మద్దతుతో ఈ NGO USA అంతర్జాతీయంగా తన పరిధిని విస్తరించనుంది.
అంతర్జాతీయ సనాతన ఫౌండేషన్ ద్వారా, రజనీకాంత్ వేద జ్ఞానాన్ని పునరుజ్జీవింపజేయడానికి, ప్రపంచవ్యాప్తంగా ఉన్న వ్యక్తులు సమతుల్య, ఆధ్యాత్మికంగా సుసంపన్నమైన జీవితాలను గడపడానికి వారికి శక్తినివ్వడానికి ఒక ఉద్యమానికి నాయకత్వం వహిస్తూ ముందుకెళుతున్నారు.
