கமல்ஹாசன் சென்னை திரும்பியதும் அடுக்கடுக்கான அப்டேட்களைக் கூறினார். கமல்ஹாசனின் “தக் லைஃப்” படம் குறித்து முக்கிய தகவல்களை பகிர்ந்துகொண்டார். மேலும் இவர் நடிப்பு மற்றும் இயக்கத்தில் வெளியாகவுள்ள படங்களின் லிஸ்ட்களை வரிசையாகக் கூறினார்.
நடிகர் கமல்ஹாசன் கடந்த சில மாதங்களுக்கு முன்பாக AIதொழில் நுட்ப படிப்பிற்காக அமெரிக்கா சென்றிருந்தார். இவர் நடிப்பு மட்டுமின்றி தற்போது படிப்பிலும் சிறப்பான கவனம் செலுத்தி வருகிறார். அந்தவகையில் தன்னுடைய படிப்பை முடித்துவிட்டு சென்னை திரும்பியதும் ரசிகர்களுக்கு சொன்ன முதல் விஷயம் இதுதான்.
கமல்ஹாசன் சென்னை விமானநிலையத்தில் பத்திரிக்கையாளர்களைச் சந்தித்துப் பேசியபோது, அன்பறிவு இயக்கத்தில் தான் நடிக்கும் படத்திற்காக ஸ்கிரிப்ட் வேலைகளில் ஈடுபட்டு இருந்ததாகக் கூறப்படுகிறது.
அமெரிக்காவில் AI தொழில்நுட்பம் படிப்பை முடித்துவிட்டு சென்னை திரும்பிய கமல்ஹாசன் பல்வேறு அடுக்கடுக்கான அப்டேடை வெளியிட்டு ரசிகர்களை உற்சாகமாக்கினார்.
கடந்த ஆண்டு கமல்ஹாசன் நடிப்பில் வெளியான இந்தியன் -2 படம் எதிர்பார்க்க முடியாத தோல்வியைத் தழுவியது. சினிமா வரலாற்றில் இதுவரை எந்த படத்திற்கும் கிடைக்காத ட்ரோல்கள் இந்த படத்திற்கு அதிகமாகக் கிடைத்தது குறிப்பிடத்தக்கது.
சென்னை விமான நிலையத்தில் கமல்ஹாசன் வரவேற்க அவரது ரசிகர்கள் ஆர்வத்துடன் ஒன்று திரண்டனர். நீண்ட நாட்கள் கழித்து கமல்ஹாசன் தன்னுடைய புது படத்தின் அப்டேட்டை ரசிகர்களுக்கு விருந்தளித்தார்.
மணிரத்னம் இயக்கத்தில் உருவாகியுள்ள கமல்ஹாசனினி தக் லைஃப் படம் ஜூன் 5 ஆம் தேதி உலகளவில் வெளியாகும் என்று உறுதிப்படுத்தினார்.
விக்ரம் 2 படத்தின் கதைகள் முழுவதும் எழுதி முடித்ததாகத் தெரிவித்தார். மேலும் ஒரு புதிய ஸ்கிரிப்ட் குறித்துப் பேசினார். இப்படம் அன்பறிவு இயக்கும் படமாக இருக்கலாம் என்று கூறப்படுகிறது.
சிவகார்த்திகேயன் மற்றும் சாய் பல்லவி இணைந்து நடித்த அமரன் படம் மிகப்பெரிய பிளாக் பஸ்டர் ஹிட் அடித்தது. இப்படத்தின் வெற்றியைத் தொடர்ந்து கமல்ஹாசன் சிவகார்த்திகேயனுடன் இணைந்து புது படத்தினை உருவாக்கவிருக்கிறார்.
கமல்ஹாசன் தன்னுடைய அடுத்த புதுப் படங்களான தக் லைஃப், இந்தியன் 3, கல்கி 2 மற்றும் அன்பறிவு உள்ளிட்ட படங்களின் அப்டேட்களை கூறினார். இந்தியன் 3 படம் இந்த ஆண்டு ரிலீஸுக்கு தயாராகி வருவதாகக் கூறினார்.
