கூலி படத்திற்காக நடிகர் ரஜினிகாந்த் தாய்லாந்து செல்ல விமான நிலையம் வந்தார். அப்போது அவர் இனி அரசியல் கேள்விகளை கேட்க வேண்டாம் என்று தெரிவித்துள்ளார்.
சென்னை சென்னை விமான நிலையத்தில் இருந்து கூலி படம் படப்பிடிப்பிற்காக தாய்லாந்து சென்ற நிலையில் சென்னை விமான நிலையத்தில் நடிகர் ரஜினிகாந்த் செய்தியாளர்களை சந்தித்து பேசினார்.
அப்பொழுது பேசிய அவர், கூலி திரைப்படத்தில் 70 சதவிகிதம் பணிகள் முடிவடைந்துள்ளது என்றும், வரும் 13 ஆம் தேதியிலிருந்து 25ஆம் தேதி வரை படப்பிடிப்பு நடைபெற உள்ளது என்றும் தெரிவித்தார்.
அரசியில் தொடர்பான கேள்விகளை கேட்ட போது, அரசியல் கேள்வி கேட்க வேண்டாம் என்று பலமுறை உங்களிடம் தெரிவித்து விட்டேன் என்று காட்டமாக ரஜினிகாந்த் பேசியுள்ளார்.
அவரது ரசிகர்கள் தொடர்ந்து தலைவா தலைவா என உரக்க கத்தியதால், முகம் சுழித்த ரஜினி அப்படி கத்த வேண்டாம் என்று தெரிவித்து அங்கிருந்து புறப்பட்டார்.
கடந்த சில மாதங்களுக்கு முன்னர் விமான நிலையத்தில் திருவண்ணாமலை நிலச்சரிவு குறித்து ரஜினியின் கேட்கப்பட்ட போது, அப்படியா? எப்போது நடந்தது என்று கேட்டார் ரஜினி.
அந்த சம்பவம் விமர்சனங்களுக்கு உள்ளானதால் அதில் இருந்து செய்தியாளர்களை தவிர்த்து வருகிறார். அப்படியே பேசினாலும் அரசியல் கேள்விகளை தவிர்த்து வருகிறார்.
