Uttrakhand News: शंभोssss! जगाचा अंत कधी होणार? उत्तराखंडमधील एका गुहेत दडलंय रहस्य
Uttrakhand News: राज्यामध्ये एक असं दैवी स्थान आहे, जिथं जाऊन तिथली रहस्य जाणून तुम्ही अवाक् व्हाल. हे दैवी स्थान म्हणजे पाताळ भुवनेश्वर (Patal Bhuvaneshwar).
Uttrakhand News: देशभरातील पर्यटकांसाठी आकर्षणाचा केंद्रबिंदू असणाऱ्या ठिकाणांमध्ये उत्तराखंडचाही (Uttarakhand travel) समावेश होतो. (Himalayan Mountain ranges) हिमालय पर्वतरागांचं देणं लाभलेल्या या भागामध्ये अनेक अशी ठिकाणं आहेत जिथं आतापर्यंत कित्येकांनी भेट दिली आणि पाहता पाहता ही ठिकाणं अशी काही प्रकाशझोतात आली, की सध्याच्या घडीला पर्यटनावर उत्तराखंडमधील अनेक कुटुंबांचा उदरनिर्वाह चालतो. उत्तराखंडमधील पिथौरगढ (Pithorgarh) जिल्ह्यातील गंगोलीहाटपासून 14 किमी अंतरावर पाताळ भुवनेश्वर मंदिराची गुहा आहे. ही एक प्राचीन गुहा असून त्याचा उल्लेख अनेक ग्रंथांमध्येही पाहायला मिळतो. असं म्हणतात की, जगाचा अंत केव्हा होणार याचं रहस्य या गुहेतच दडलंय.
patal bhuvaneshwar cave mystery
समुद्रसपाटीपासून ही गुहा साधारण 90 फूट खोलीवर आहे. इतिहासकारांच्या म्हणण्यानुसार या मंदिराचा शोध सूर्यवंशी राजा रितूपर्णानं लावला. इथंच राजाला शंकर आणि इतर देवांनी दर्शन दिलं होतं. इतकंच नव्हे तर या गुहेत पांडवांनीही पूजाअर्चा केल्याचं म्हटलं गेलं. स्कंदपुराणांमध्ये दिलेल्या माहितीनुसार देवादिदेव महादेवाचा वावर पाताळ भुवनेश्वराच्या या गुहेत आहे. असंही म्हटलं जातं की आदि शंकराचार्यांनी गुहेचा शोध लावून तिथं एक तांब्याचं शिवलिंग स्थापित केलं.
patal bhuvaneshwar cave uttarakhand
पाप द्वार, मोक्ष द्वार, धर्म द्वार, रण द्वार असे चार द्वार या गुहेला आहेत. पुराणकथांनुसार रावणानं देह त्यागला तेव्हा पाप द्वार बंद झालं, महाभारतानंतर रण द्वार बंद झालं होतं. सध्या इथं फक्त मोक्ष आणि धर्म अशी दोन द्वारं खुली आहेत. इतकंच नव्हे, तर इथं असणाऱ्या शिवलिंगाची उंची दिवसागणिक वाढतच चालली आहे. अशी धारणा आहे की ज्यावेळी शिवलिंग गुहेच्या छताला स्पर्श करेल तेव्हाच या जगाचा अंत होईल.
patal bhuvaneshwar cave photo
patal bhuvaneshwar cave story
patal bhuvaneshwar cave
