फोटोतील अभिनेत्रीला ओळखलात का?

मुंबई : बॉलिवूड अभिनेत्री नेहमीच सोशल मीडियाच्या माध्यमातून चाहत्यांसह त्यांच्या दैनंदिन आयुष्यातील घडामोडी शेअर करत असतात. बॉलिवूड अभिनेत्री यामी गौतमने आईच्या वाढदिवसाचे औचित्य साधत सोशल मीडियावर तिच्या लहानपणीचा फोटो पोस्ट केला आहे. सध्या हा फोटो चांगलाच व्हायरल होत आहे. यामीने 'विकी डोनर' या चित्रपटाच्या माध्यमातून बॉलिवूडमध्ये पदार्पण केले. त्यानंतर तिच्या लोकप्रियतेत झपाट्याने वाढ झाली. त्याचप्रमाणे अभिनेता ह्रतिक रोशन आणि अभिनेत्री यामी गौतम स्टारर चित्रपट चीनमध्ये प्रदर्शित करण्यात आला. यावेळेस आंतरराष्ट्रीय आयकॉन असलेल्या जॅकी चॅनने यामीला भेट स्वरूपात एक पारंपरीक शॉल दिली.