Loksabha Election 2024 Live Updates : महाराष्ट्रात राजकीय अस्थिरता आणणारी भटकती आत्मा, असं म्हणत पुण्याच्या सभेत शरद पवारांचं नाव न घेता मोदींचा हल्लाबोल केला. तर खटाखट, टकाटक म्हणत राहुल गांधींचीसुद्धा खिल्ली उडवली. पंतप्रधानांनी प्रचारसभांदरम्यान केलेल्या या वक्तव्यांनंतर राज्याच्या राजकारणात नव्या चर्चा आणि नवे सूर पाहायला मिळाले. या सर्व परिस्थितीवर आणि सत्ताधाऱ्यांकडून होणाऱ्या टीकांवर पवार नेमकं काय उत्तर देणार याकडे सर्वांचं लक्ष लागलं आहे.
30 Apr 2024, 20:42 वाजता
Loksabha Election 2024 Live Updates : भटकती आत्मा कुणाला म्हणाले? भटकती आत्मा असते तशी वखवखलेला आत्माही असतो. आम्ही आमच्या मुलांसाठी फिरतो. हा फक्त स्वतःसाठी फिरतो अशी टीका उद्धव ठाकरे यांनी केली आहे.
30 Apr 2024, 17:52 वाजता
Loksabha Election 2024 Live Updates : वेल्ह्यातील सभा उरकून पुण्यातील सभेला निघत असताना हेलीकॉफ्टर उड्डाण करू शकले नाही. त्यामुळे शरद पवार अखेर त्यांच्या गाडीतून पुण्याच्या दिशेला निघाले
30 Apr 2024, 13:05 वाजता
Loksabha Election 2024 Live Updates : पंतप्रधान मोदी फक्त गुजरातचे पंतप्रधान नाहीत... - नाना पटोले
पंतप्रधान मोदी देशाचे पंतप्रधान आहेत, ते फक्त गुजरातचे पंतप्रधान नाहित असा नाराजीचा सूर नाना पटोले यांनी आळवला. पंतप्रधान मोदी गुजरातपुरताच विचार करतात, त्यामुळं त्यांनी फक्त गुजरात मध्येच प्रचार करावा. सोमवारच्या सभेत खुर्च्या रिकाम्या होत्या असा दावा करत गांधी परिवारावर आरोप करत राहणे हेच त्यांचे राजकारण असल्याचा नाराजीचा सूर त्यांनी आळवला.
30 Apr 2024, 12:50 वाजता
Loksabha Election 2024 Live Updates : राज्यामध्ये महाविकास आघाडीचे 40 पेक्षा अधिक खासदार निवडून येतील
महाविकास आघाडीचे राज्यामध्ये 40 पेक्षा अधिक खासदार निवडून येतील असा विश्वास भाजप काँग्रेसचे ज्येष्ठ नेते बाळासाहेब थोरात यांनी व्यक्त केला आहे. तसेच शरद पवार यांच्यावर पंतप्रधान नरेंद्र मोदींनी केलेली टीका ही भाजपा सह अन्य कोणालाही आवडली नाही असाही दावा त्यांनी केलेला आहे. कमी होणारा मतदान हे महाआघाडीच्या पथ्यावर पडेल असा विश्वासही त्यांनी व्यक्त केला आहे. धुळ्यामध्ये काँग्रेस उमेदवार शोभा बच्छाव यांचा उमेदवारी अर्ज दाखल करण्यासाठी बाळासाहेब थोरात आले होते. यावेळेस त्यांनी झी 24 तासशी बोलताना राज्यांमध्ये महायुतीच्या विरोधात वातावरण आहे. त्यामुळेच भाजपाचे प्रचाराचे मुद्दे भरकटले असल्याचा दावाही त्यांनी केला आहे.
30 Apr 2024, 12:21 वाजता
Loksabha Election 2024 Live Updates : महायुतीत तिढा कायम
पालघरच्या जागेबाबत महायुतीत तिढा कायम असतांना पालघर चे विदयमान खासदार राजेंद्र गावित यांनी थोड्या वेळापूर्वी ठाण्यातील शुभ - दीप निवासस्थानी मुख्यमंत्री एकनाथ शिंदे यांची भेट घेतली. लातूर मध्ये मुख्यमंत्री सभेला जाण्यापूर्वी राजेंद्र गावित आणि माजी खा. आनंद परांजपे यांनी मुख्यमंत्री यांची भेट घेऊन आगामी काळात पालघर मध्ये तसेच कल्याण मध्ये कशाप्रकारे प्रचार करावा याबाबतची माहिती घेतली तसेच राजेंद्र गावित हे भाजपच्या चिन्हावर लढणार का ? की ते शिवसेनेच्या चिन्हावरच लढणार हे अध्यापही निश्चित नाही. यबाबत राजेंद्र गावित यांनी मुख्यमंत्र्यांची भेट घेऊन चर्चा केली आहे त्यामुळे लवकरच पालघर बाबत निर्णय होण्याची शक्यता.
30 Apr 2024, 12:18 वाजता
Loksabha Election 2024 Live Updates : नाशिकच्या जागेचा तिढा कायम
नाशिकच्या जागेचा तिढा कायम असतांना भुजबळ फार्मवर हालचाली वाढल्या असून, भाजपचे पदाधिकारी मंत्री छगन भुजबळांच्या भेटीला पोहोचले. माजी आमदार बाळासाहेब सानप, शहराध्यक्ष प्रशांत जाधव आणि विजय साने भुजबळांच्या भेटीला पोहोचले. थोड्याच वेळात दिंडोरी लोकसभेच्या उमेदवार डॉ. भारती पवारही भुजबळांची भेट घेणार
असल्याची सूत्रांची माहिती. भुजबळ महायुतीच्या प्रचारात अंतर राखून असल्यानं या भेटीला महत्त्व असून, दिंडोरीसह नाशिक लोकसभा मतदार संघात भुजबळांची मोठी ताकद आहे, त्यामुळं या राजकीय घडामोडींवर सर्वांचीच नजर राहील.
30 Apr 2024, 12:09 वाजता
'त्या नेत्याला शिक्षा देण्याची वेळ आली!' माढाच्या सभेत पंतप्रधान मोदींचा शरद पवारांवर निशाणा
पंतप्रधान नरेंद्र मोदी यांनी माढ्यात भाजपचे लोकसभा उमेदवार रणजितसिंह नाईक निंबाळकर यांचा प्रचार केला. यावेळी त्यांनी राष्ट्रवादी काँग्रेस अध्यक्ष शरद पवार यांच्यावर नाव न घेता निशाणा साधला. एका नेत्याने माढात पाणी देऊ असे आश्वासन दिले होते. परंतु, अद्यापही पाणी मिळालेले नाही. आता लोकसभा निवडणुकीच्या निमित्ताने त्या नेत्याला शिक्षा देण्याची वेळ आली आहे असे पंतप्रधान मोदी यांनी सांगितले.
30 Apr 2024, 11:58 वाजता
Loksabha Election 2024 Live Updates : माळशिरस येथील सभेत पंतप्रधान नरेंद्र मोदी यांचे व्यासपीठावर आगमन
पंतप्रधान नरेंद्र मोदी यांचे व्यासपीठावर आगमन. उप मुख्यमंत्री देवेंद्र फडणवीस, उमेदवार रणजितसिंह निंबाळकर, आमदार शहाजी बापू पाटील, आमदार बबन शिंदे, आमदार संजय शिंदे, सदाभाऊ खोत, आमदार गोपीचंद पडळकर उपस्थित आहेत.
30 Apr 2024, 10:48 वाजता
Loksabha Election 2024 Live Updates : रविंद्र वायकर यांना उमेदवारी
रविंद्र वायकर यांना उत्तर पश्चिम मुंबईतून उमेदवारी. महायुतीकडून वायकरांच्या नावे जाहीर करण्यात आली उमेदवारी.
लोकसभा निवडणूक - २०२४ साठी मुंबई उत्तर पश्चिम मतदारसंघातून शिवसेनेचे अधिकृत उमेदवार म्हणून श्री रवींद्र वायकर यांचे नाव घोषित करण्यात आले आहे. त्यांना लोकसभा निवडणुकीसाठी हार्दिक शुभेच्छा !#Shivsena pic.twitter.com/4Djv0JORaU
— Shivsena - शिवसेना (@Shivsenaofc) April 30, 2024
30 Apr 2024, 10:26 वाजता
Loksabha Election 2024 Live Updates : उत्तर मुंबई मतदारसंघात नाराजीनाट्य कायम
उत्तर मुंबई मतदारसंघात काँग्रेसमध्ये नाराजी नाट्य कायम. वर्षा गायकवाड आज अर्ज दाखल करणार, नसीम खान गैरहजर राहणार ? हाच प्रश्न उपर्षित करण्यात येत आहे. शिवाय भाई जगताप, हंडोरे सुरेश शेट्टी उपस्थित राहणार का ? यासंदर्भातील चर्चाही इथं रंगू लागल्या आहेत.
