काय एनर्जी आहे भावा! दीपिका-रणवीरच्या डान्सनं जिंकली वऱ्हाड्यांची मनं, पाहा VIDEO
Karan Deol Wedding: सध्या सगळीकडेच चर्चा आहे ती म्हणजे सनी देओल यांचा मुलगा करण देओलच्या लग्नाची. आपली गर्लफेंड द्रिशा आचार्याशी त्यानं काल 18 जूनला लग्नगाठ बांधली. त्याच्या लग्नाचे फोटोही सध्या सगळीकडेच व्हायरल झाले आहेत.
)
Deepika Padukone and Ranveer Singh Dance at Karan Deol Wedding: काल करण देओलच्या लग्नाची धूम होती. यावेळी बॉलिवूडमधील लोकप्रिय सितारे त्याच्या लग्नाला उपस्थित होते. त्याच्या लग्नाच्या निमित्तानं संपुर्ण कुटुंबियांनी हा लग्नसोहळा मस्तपैंकी एन्जॉय केला. 80 वर्षे आपल्या वयाची क्रॉस केली आहेत असे एव्हरग्रीन ज्येष्ठ अभिनेते धर्मेंद्र यांनीही आपल्या लाडक्या नातवाच्या लग्नात डान्सचा मनमुराद आनंद घेतला. त्यांचा हा व्हिडीओही सोशल मीडियावर चांगलाच व्हायरल झाला आहे. आपल्या लेकाच्या लग्नात अभिनेते सनी देओल यांनीही त्यांच्या 'गदर' चित्रपटातील 'मैं निकाला हौ गढ्ढी लेके' या गाण्यावर ताल धरला होता. त्यांचाही डान्स व्हिडीओही व्हायरल झाला आहे. आता अशाच एका खास सेलिब्रेटीचाही व्हिडीओ सोशल मीडियावर चांगलाच चर्चेत आला आहे.
हे कपल म्हणजे दीपिका पादूकोण आणि रणवीर सिंग. रणवीर सिंग याची एनर्जी आपल्या सगळ्यांनाच ठाऊक आहे. त्याच्या एनर्जीची सगळीकडेच चर्चा रंगलेली असते. आता चर्चा आहे ती म्हणजे रणवीर सिंग आणि दीपिका पादूकोण यांनी करण देओलच्या रिसेप्शनमध्ये केलेल्या डान्सची. त्यांच्या डान्सची सध्या चांगलीच चर्चा रंगली आहे. यावेळी रणवीरनं पांढरी शेरवानी घातली होती आणि दीपिकानं काळ्या रंगाची अनारकली परिधान केली होती. यावेळी पांढऱ्या शेरवानीवर सनग्लासेस घातले होते. तर दीपिका ब्लॅक रंगाच्या अनारकलीवर स्मोकी आईज आणि लाईट मेकअप केला होता. त्याचसोबत तिनं डायमंडची ज्वलेरी घातली होती.
यावेळी त्यांनी 'ओम शांती ओम' या गाण्यावर डान्स केला. डान्स फ्लोअरवर दीपिका रणवीरसह करण देओल आणि द्रिशा आचार्याही उपस्थित होते. यावेळी त्यांनी मनसोक्त डान्स केला. यावेळी दीपिका-रणवीरसह अनेक बॉलिवूडचे कलाकारही उपस्थित होते. लग्नानंतर करण आणि द्रिशाचा रिसेप्शन सोहळा पार पाडला. आमिर खान, सोनू निगम, कपिल शर्माही यावेळी स्पॉट झाले होते. सलमान खानंही यावेळी उपस्थिती लावली होती. काही दिवसांपुर्वी करण देओलच्या संगीत सेरेमनीचे फोटोही व्हायरल झाले होते.
रणवीर सिंगचा Rocky Aur Rani Ki Prem Kahani हा चित्रपट लवकरच प्रेक्षकांच्या भेटीला येणार आहे. उद्या या चित्रपटाचा टीझरही प्रदर्शित होणार आहे. या चित्रपटातून ज्येष्ठ अभिनेते धर्मेंद्रही समोर येणार आहेत. त्यामुळे या चित्रपटाची सगळ्यांनाच उत्सुकता लागून राहिली आहे. हा चित्रपट येत्या जूलैमध्ये प्रदर्शित होणार आहे. त्यामुळे प्रेक्षकांना या मल्टिस्टार कास्ट चित्रपटाची उत्सुकता लागून राहिली आहे. करण जोहर या चित्रपटाचे दिग्दर्शन करतो आहे.