തണുപ്പ് കാലത്ത് ചുണ്ടുകൾ വരണ്ടുപൊട്ടുന്നത് പലരെയും അലട്ടുന്ന പ്രധാനപ്രശ്നമാണ്.
ചുണ്ടുകള്‍ വരണ്ടുപൊട്ടുന്നത് തടയാനും ചുണ്ടിന്‍റെ സ്വാഭാവിക ഭംഗി നിലനിര്‍ത്താനും സഹായിക്കുന്ന ചില വിദ്യകൾ പരിചയപ്പെട്ടാലോ...
ജലാംശം നിലനിര്‍ത്താന്‍ ചുണ്ടില്‍ ലിപ് ബാം പുരട്ടുന്നത് നല്ലതാണ്.
ചുണ്ടില്‍ ദിവസവും നെയ്യ് പുരട്ടി മസാജ് ചെയ്യുന്നതും വരൾച്ച മാറാന്‍ സഹായിക്കും.
കറ്റാര്‍വാഴ ജെല്‍ ചുണ്ടില്‍ പുരട്ടി മസാജ് ചെയ്യുന്നതും ചുണ്ട് പൊട്ടുന്നത് തടയുന്നു.
വെളിച്ചെണ്ണ ചുണ്ടില്‍ പുരട്ടി മസാജ് ചെയ്യുന്നതും ചുണ്ടുകളുടെ വരൾച്ച മാറാന്‍ സഹായിക്കുന്നു.
ഒരു സ്പൂൺ പഞ്ചസാരയെടുത്ത് അതിൽ മൂന്നോ നാലോ തുള്ളി ഒലീവ് ഓയിലൊഴിച്ച് അരസ്പൂൺ തേനും ചേർത്ത് ചുണ്ടിൽ പുരട്ടി, കുറച്ച് കഴിഞ്ഞ് കഴുകി കളയാം. ചുണ്ട് പൊട്ടുന്നത് തടയാൻ സഹായിക്കുന്ന മികച്ച മാർഗമാണിത്.
ദിവസവും ചുണ്ടിൽ റോസ് വാട്ടർ പുരട്ടുന്നത് ചുണ്ട് പൊട്ടുന്നത് തടയാൻ സഹായിക്കും.
പ്രകൃതിദത്തമായ മോയിസ്ചറൈസര്‍ ആണ് തേന്‍. അതിനാല്‍ ചുണ്ട് വരണ്ടുപൊട്ടുന്നത് തടയാന്‍ തേന്‍ നേരിട്ട് ചുണ്ടില്‍ തേച്ച് മസാജ് ചെയ്യാം. (Disclaimer: ഈ വാർത്ത പൊതുവായ വിവരങ്ങളെ അടിസ്ഥാനമാക്കിയുള്ളതാണ്. ഒരു മെഡിക്കൽ വിദഗ്ധന്റെ ഉപദേശത്തിന് പകരമല്ല.)
