ആർഡിഎക്സ് പാക്കപ്പ് ആയി എന്ന വിവരം താരങ്ങൾ തന്നെയാണ് സോഷ്യൽ മീഡിയയിലൂടെ അറിയിച്ചത്.
നീരജ് മാധവ്, ഷെയ്ൻ നിഗം, ആന്റണി വർഗീസ് എന്നിവർ പ്രധാന കഥാപാത്രങ്ങളാകുന്ന ചിത്രമാണ് 'ആര്‍ഡിഎക്സ്'. നവാഗതനായ നഹാസ് ഹിദായത്താണ് ചിത്രം കഥയെഴുതി സംവിധാനം ചെയ്യുന്നത്. ആക്ഷൻ ഗണത്തിൽപ്പെടുന്ന ചിത്രമാണിത്. ചിത്രത്തിന്റെ ഷൂട്ടിംഗ് പൂർത്തിയായി. 'റോബര്‍ട്ട്', 'ഡോണി', 'സേവ്യര്‍' എന്നീ പേരുകളുടെ ചുരുക്കമാണ് 'ആര്‍ഡിഎക്സ്'.
ചിത്രം ഓഗസ്റ്റ് 25ന് ഓണം റിലീസായി എത്തുമെന്നാണ് റിപ്പോർട്ട്. എന്നാൽ ഔദ്യോഗിക പ്രഖ്യാപനമുണ്ടായിട്ടില്ല.
പവർ ആക്ഷൻ എന്നാണ് ചിത്രത്തിന്റെ ടാഗ് ലൈൻ. മാർഷൽ ആർട്ട്സിന് ഏറെ പ്രാധാന്യമുള്ള ചിത്രമാണിത്.
മനു മഞ്ജിത്തിന്റെ വരികൾക്ക് സംഗീതം ഒരുക്കുന്നത് സാം സി എസ് ആണ്.
സംഘട്ടനം ഒരുക്കിയത് അൻപറിവാണ്. അലക്സ് ജെ പുളിക്കൽ ആണ് ഛായാഗ്രഹണം. റിച്ചാർഡ് കെവിൻ ചിത്രസംയോജനവും നിർവ്വഹിക്കുന്നു.
