ഉയർന്ന രക്തസമ്മർദ്ദമോ പ്രമേഹത്തിന്റെ പെട്ടെന്നുള്ള വർദ്ധനവോ ആകട്ടെ, നിങ്ങൾക്ക് എളുപ്പത്തിൽ സ്വീകരിക്കാവുന്ന ഒരു വീട്ടുവൈദ്യമാണ് പെരുംജീരക വിത്ത് കൊണ്ടുള്ള ചായ. ആയുർവേദത്തിൽ പല വിട്ടുമാറാത്ത രോഗങ്ങൾക്കും ചികിത്സിക്കാൻ പെരുംജീരകം വർഷങ്ങളായി ഉപയോഗിക്കുന്നുണ്ട്. പെരുംജീരക വിത്തിന്റെ ചായ കുടിക്കുന്നതിന്റെ ആരോഗ്യ ഗുണങ്ങൾ എന്തെല്ലാമാണെന്ന് നോക്കാം.
പ്രമേഹത്തിനെതിരെ പോരാടാൻ പെരുംജീരകം സഹായിക്കും. രക്തത്തിലെ പഞ്ചസാരയുടെ അളവ് ഫലപ്രദമായി കുറയ്ക്കാൻ സഹായിക്കുന്ന വിറ്റാമിൻ സി, പൊട്ടാസ്യം തുടങ്ങിയ പോഷകങ്ങളുടെ ഉയർന്ന ഉറവിടമാണ് പെരുംജീരകം. പെരുംജീരകം ഇൻസുലിൻ റിയാക്‌റ്റിവിറ്റി വർധിപ്പിക്കുന്നതിനും പഞ്ചസാരയുടെ ബാലൻസ് നിലനിർത്തുന്നതിനും സഹായിക്കുന്നു.
പെരുംജീരകം വേദന ശമിപ്പിക്കുന്നതിനുള്ള മികച്ച ഏജന്റാണ്. വിദഗ്ധരുടെ അഭിപ്രായത്തിൽ, പെരുംജീരകത്തിന് വേദനയിൽ നിന്ന് ആസ്പിരിൻ നൽകുന്ന അതേ അളവിലുള്ള ആശ്വാസം നൽകാൻ കഴിയും. കാരണം, ഈ വിത്തുകളിൽ വിറ്റാമിൻ സി, ക്വെർസെറ്റിൻ തുടങ്ങിയ ആന്റിഓക്‌സിഡന്റുകൾ അടങ്ങിയിട്ടുണ്ട്, ഇത് വീക്കം കുറയ്ക്കാൻ സഹായിക്കുന്നു.
നിങ്ങളുടെ മൊത്തത്തിലുള്ള ആരോഗ്യത്തിന് ഉത്തമമായ പാനീയമായ പെരുംജീരകം ചായ ശരീരത്തിലെ ജലാംശം നിലനിർത്താനും സഹായിക്കുന്നു. നിങ്ങളുടെ ശരീരത്തിന് എല്ലാ പ്രവർത്തനങ്ങളും ശരിയായി നിർവഹിക്കുന്നതിന് നന്നായി ജലാംശം നിലനിർത്തുന്നത് പ്രധാനമാണ്.
പെരുംജീരക വിത്ത് ചായ നിങ്ങളുടെ രക്തസമ്മർദ്ദം നിയന്ത്രണത്തിലാക്കാൻ സഹായിക്കുന്നു. ഈ വിത്തുകളിൽ പൊട്ടാസ്യം അടങ്ങിയിട്ടുണ്ട്, ഇത് രക്തക്കുഴലുകളുടെ പിരിമുറുക്കം കുറയ്ക്കുന്നു. പൊട്ടാസ്യം ശരീരത്തിലെ ആസിഡും ജലത്തിന്റെ അളവും സന്തുലിതമാക്കാൻ സഹായിക്കുന്നു.
ഒരു കപ്പ് ചൂടുള്ള, പെരുംജീരക ചായ കുടിക്കുന്നത് ദഹനം മെച്ചപ്പെടുത്താനും, രക്തം ശുദ്ധീകരിക്കാനും, രക്തസമ്മർദ്ദം നിയന്ത്രിക്കാനും, കാഴ്ച മെച്ചപ്പെടുത്താനും, മലബന്ധം ഇല്ലാതിരിക്കാനും, കാൻസർ സാധ്യത കുറയ്ക്കാനും സഹായിക്കുന്നു.
