World Cup પહેલાં ગંભીરના Videoથી ક્રિકેટની દુનિયામાં હડકંપ! મોં પર કપડું, હાથ બાંધેલા...કોણે કર્યું કપિલ દેવનું અપહરણ?

Kapil Dev Viral Video: કપિલ દેવ એક એવું નામ જેણે ભારતને પહેલીવાર અપાવ્યો હતો ક્રિકેટમાં વિશ્વ વિજેતા બનવાનો ખિતાબ. કપિલ દેવ એક એવું નામ જેણે ભારતીય ક્રિકેટની દશા અને દિશા બદલી નાંખી. કપિલ દેવ એક એવું નામ જેણે દુનિયાને દેખાડ્યો હતો ભારતીય ક્રિકેટરોનો દમ. આજે એજ કપિલ દેવ સાથે સંબંધિત એક સમાચાર સામે આવી રહ્યાં છે. એક વીડિયો હાલ સોશિયલ મીડિયા પર ખુબ જ ઝડપથી વાયરલ થઈ રહ્યો છે.

કપિલ દેવની ગણતરી હાલ દેશ અને દુનિયાના મહાનતમ ખેલાડીઓમાં થાય છે. તેમની કપ્તાની હેઠળ ભારતે પ્રથમ વખત વનડે વર્લ્ડ કપનો ખિતાબ જીત્યો હતો. હવે તેના સંબંધિત એક વીડિયો સોશિયલ મીડિયા પર વાયરલ થઈ રહ્યો છે. પૂર્વ ભારતીય ઓપનર ગૌતમ ગંભીરે પણ આ વીડિયો શેર કર્યો છે અને તેની સ્થિતિ જાણી છે.

Anyone else received this clip, too? Hope it’s not actually @therealkapildev 🤞and that Kapil Paaji is fine! pic.twitter.com/KsIV33Dbmp

— Gautam Gambhir (@GautamGambhir) September 25, 2023

કપિલ દેવનો વીડિયો વાયરલ થયો છે-
આ વાયરલ વીડિયોમાં જોવા મળી રહ્યું છે કે કપિલ દેવને બે લોકો હાથ બાંધીને અને મોં પર કપડું બાંધીને લઈ જઈ રહ્યા છે. કપિલ દેવ અચાનક પાછળ જુએ છે. ત્યારે જ ખાતરી થાય છે કે તે કપિલ દેવ છે. ગૌતમ ગંભીરે પણ આ વાત શેર કરી છે. તેણે કપિલ દેવને ટેગ કર્યા.

ગૌતમ ગંભીરે શું લખ્યું છે?
આ વીડિયો શેર કરતા ગૌતમ ગંભીરે લખ્યું, 'શું આ વીડિયો ક્લિપ અન્ય કોઈને મળી છે? હું આશા રાખું છું કે તે વાસ્તવમાં કપિલ દેવ નથી અને કપિલ પાજી ઠીક છે. કપિલે તેના જવાબમાં કંઈ લખ્યું નથી. તેમજ તેણે પોતાના વિશે કોઈ અપડેટ આપી નથી.

લોકોએ શું કહ્યું?
ગૌતમ ગંભીરે જે રીતે આ વીડિયો શેર કર્યો છે તેનાથી કેટલાક લોકો પરેશાન થવા લાગ્યા છે. જો કે, ઘણા વપરાશકર્તાઓએ આ ટ્વિટનો જવાબ આપ્યો કે આ જાહેરાતનો એક ભાગ છે. એક યુઝરે તો લખ્યું- વ્યુઅરશિપ માટે કંઈ ન કરો, કમ સે કમ લિજેન્ડનું સન્માન તો કરવું જોઈએ.

કપિલ દેવે 1983માં ભારતને પહેલો વર્લ્ડ કપ જીતાડ્યો હતો-
એવું લાગે છે કે કપિલ દેવ કોઈ એડ માટે શૂટિંગ કરી રહ્યા છે. જો કે તે કઈ બ્રાન્ડની એડના શૂટિંગમાં વ્યસ્ત છે તે જાણી શકાયું નથી. તમને જણાવી દઈએ કે વર્ષ 1983માં પહેલીવાર જ્યારે ભારતીય ટીમે ODI વર્લ્ડ કપ જીત્યો ત્યારે ટીમના કેપ્ટન કપિલ દેવ હતા. તેની ગણતરી માત્ર દેશમાં જ નહીં પરંતુ વિશ્વના મહાન ઓલરાઉન્ડરોમાં થાય છે.