Bad Cholesterol: બેડ કોલેસ્ટ્રોલ નેચરલી ઘટાડવા સવારે ખાલી પેટ શું ખાવું ? આ છે 5 બેસ્ટ વસ્તુઓ

શરીરમાં વધતા બેડ કોલેસ્ટ્રોલને ઘટાડવા માટે સવારે મેથી દાણા ખાઈ શકાય છે. ફાઇબરથી ભરપૂર મેથી શરીરમાં બેડ કોલેસ્ટ્રોલને ઘટાડવામાં મદદ કરે છે. રોજ રાત્રે એક ચમચી મેથીને એક ગ્લાસ પાણીમાં પલાળી બીજા દિવસે તેનું સેવન કરવું. 

બેડ કોલેસ્ટ્રોલ ઘટાડવા માટે સવારે પલાળેલી બદામ પણ ખાઈ શકાય છે. બદામમાં મોનોસચુરેટેડ અને પોલીઅનસેચ્યુરેટેડ ફેટ હોય છે. જે હાઇ કોલેસ્ટ્રોલને કંટ્રોલ કરવામાં મદદ કરે છે. 

શરીરમાં બેડ કોલેસ્ટ્રોલને કંટ્રોલ કરવું હોય તો સવારે ખાલી પેટ ચિયા સીડ્સ પણ ખાઈ શકાય છે. ચિયા સીડ્સને એક ગ્લાસ પાણીમાં રાત્રે પલાળી દેવા બીજા દિવસે સવારે ખાલી પેટ તેને પી લેવા. 

શરીરમાં વધેલા બેડ કોલેસ્ટ્રોલની ઘટાડવા માટે કિસમિસ પણ ફાયદાકારક છે. કિસમિસ પણ ગુડ કોલેસ્ટ્રોલને વધારીને શરીરને હેલ્થી રાખી શકે છે. કિસમિસને પણ રાત્રે પાણીમાં પલાળી સવારે ખાલી પેટ ખાવી જોઈએ. 

સવારે ખાલી પેટ અળસીના બી ખાવાથી બેડ કોલેસ્ટ્રોલ ઘટે છે. સવારે ખાલી પેટ એક ચમચી અળસીનો પાવડર હુંફાળા પાણી સાથે લેવો.