શિક્ષણ જગતને લાંછન લગાડતો કિસ્સો! અમદાવાદમાં શિક્ષકે વિદ્યાર્થીનીને બનાવી હવસનો શિકાર
અમદાવાદ ના ખોખરા પોલીસ સ્ટેશનની ગિરફ્ત માં ઉભેલા શખ્સનું નામ છે. જીગ્નેશ ગોહેલ જેની ખોખરા પોલીસે બળાત્કારના કેસમાં ધરપકડ કરવામાં આવી છે. 20 વર્ષીય યુવતીએ ખોખરા પોલીસ સ્ટેશનમાં પોતાના પર બળાત્કાર થયાની એક ફરિયાદ નોંધાવી છે.
Trending Photos
- 12
- 5
- 10
- 6
)
ઉદય રંજન/અમદાવાદ: સ્પોકન ઈંગ્લિશના ક્લાસ ચલાવનાર શિક્ષકની ખોખરા પોલીસે બળાત્કારના કેસમાં ધરપકડ કરી છે. ઉલ્લેખનીય છે કે કલાસની વિદ્યાર્થીની એ જ શિક્ષક સામે બળાત્કારની ફરિયાદ નોંધાવી છે.
અમદાવાદ ના ખોખરા પોલીસ સ્ટેશનની ગિરફ્ત માં ઉભેલા શખ્સનું નામ છે. જીગ્નેશ ગોહેલ જેની ખોખરા પોલીસે બળાત્કારના કેસમાં ધરપકડ કરવામાં આવી છે. જો આખા બનાવની વાત કરવા એમાં આવે તો ગઈ તારીખ 08/01/2025ના રોજ 20 વર્ષીય યુવતીએ ખોખરા પોલીસ સ્ટેશનમાં પોતાના પર બળાત્કાર થયાની એક ફરિયાદ નોંધાવી છે.
જેની વિગતોની વાત કરીએ 02 ફરિયાદી યુવતીએ વર્ષ 2020 માં સ્પોકન ઈંગ્લીશના ક્લાસ કરવા હતા, જેના કારણે ખોખરામાં આવેલ પ્રોગ્રેસિવ એજ્યુકેશન માં ઈંગ્લીશ શીખવા માટેથી એડમિશન મેળવ્યું હતું. જ્યાં પ્રોગ્રેસિવ એજ્યુકેશનના સંચાલક અને શિક્ષક જીગ્નેશ ગોહેલ સાથે પહેલા આંખો ચાર થઇ પછી મિત્રતા થઇ અને આ મિત્રતા બળાત્કાર સુધી પહોંચી હતી. ત્યારે ફરિયાદીને ફરિયાદ માં નોંધાવ્યું છે કે ઈંગ્લીશ શિક્ષકે ફરિયાદીને લગ્નની લાલચ આપીને અલગ અલગ હોટેલમાં લઇ જઈને તેના પર બળાત્કાર કર્યો હતો.
ત્યારબાદ બંને વચ્ચેના આ બાબતના ફોટો વિડીયો પણ પોતાના મોબાઇલમાં પડયા હતા. બંને વચ્ચે સંબંધો તૂટી જતાં શિક્ષકે પોતાની સાથે સંબંધ રાખવા માટેથી દબાણ કર્યું હતું અને જો સંબંધ નહિ રાખે તો અંગત પળોના ફોટો વિડીયો વાયરલ કરી દેશે ત્યારે આ બાબતથી કંટાળીને યુવતીએ ખોખરા પોલીસ સ્ટેશનના દરવાજા ખખડાવીને ઈંગ્લીશ શિક્ષક સામે બળાત્કારની ફરિયાદ નોંધાવી હતી.
ખોખરા પોલીસે ઈંગ્લીશ શિક્ષક જીગ્નેશ ગોહેલની ધરપકડ કરી તેનો મોબાઈલ કબ્જે કરીને એફએસએલમાં મોકલી આપીને તેમાંથી પુરાવા એકત્ર કરવાની તજવીજ હાથ ધરી છે.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારીWhatsApp channel સાથે
