Rakhi Vijan TMKOC: નવા 'દયાભાભી' એ ક્યારનોયે માંડ્યો હતો ઉપાડો, હવે તારક મહેતામાં મારશે ફૂંફાડો

Rakhi Vijan TMKOC: નાના પડદાનો જાણીતો શો 'તારક મહેતા કા ઉલ્ટા ચશ્મા' હવે દરેક ઘરમાં જાણીતો બન્યો છે. ત્યારે છેલ્લા કેટલાંક દિવસોથી દયાબેનના સમાચાર ચર્ચામાં છે. શોમાં હવે જૂના દયાબેનના તો આવવાના નથી, પરંતુ તેમનું સ્થાન કોણ ભરશે તેને લઈને અલગ અલગ ચર્ચાઓ ચાલી રહી છે. આવી સ્થિતિમાં તારક મહેતા કા ઉલ્ટા ચશ્મામાં દયાબેનનું પાત્ર ભજવનાર દિશા વાકાણી હવે આ શોમાં જોવા નહીં મળે, પરંતુ તેની જગ્યાએ 'હમ પાંચ' ટીવી સિરિયલની જાણીતી અભિનેત્રી રાખી વિજન દયાબેનનો રોલ કરશે. ચાલો આજે જાણીએ કે આખરે કોણ છે તારક મહેતા કા ઉલ્ટા ચશ્માની નવી દયાબેન છે.

કોણ છે રાખી વિજન
અહેવાલો અનુસાર હાલમાં તારક મહેતા કા ઉલ્ટા ચશ્માના મેકર્સે આ વાતની જાણકારી આપી હતી કે વર્ષ 2017થી બ્રેક પર ગયેલા દયાબેન ઉર્ફે દિશા વાંકાણી આ શોમાં હવે વાપસી નહીં કરે. એવામાં હવે મીડિયા રિપોર્ટ્સ એવો દાવો કરી રહી છે કે સબ ટીવીના આ શોમાં ટીવી ઈન્ડરસ્ટ્રીની જાણીતી અભિનેત્રી રાખી વિજનના નામ પર દયાબેનના રૂપમાં મોહર લગાવવામાં આવી શકે છે. 

VIDEO: 'દયા' ને લઈને જેઠાલાલનું દર્દ છલકાયું, કહ્યું; પાછી આવવાની હતી, પરંતુ ફરીથી....

હવે વાત કરીએ રાખી વિજન વિશે તો તેમણે નાના પડદાનો જાણીતો શો 'હમ પાંચ' માં સ્વીટીની ભૂમિકા ભજવીને તમામના દિલ જીતી લીધા હતા. એવામાં હવે તારક મહેતા કા ઉલ્ટા ચશ્મામાં પણ દયાબેનના રોલથી રાખી તમામને હસાવવા માટે તૈયાર છે. તમને કદાચ ખબર હોય તો લાંબા સમય બાદ તારક મહેતા કા ઉલ્ટા ચશ્મામાં જલ્દીથી દયાબેનની એન્ટ્રી થનાર છે.

Dayaben Comeback: 'તારક મહેતા કા ઉલ્ટા ચશ્મા'માં દયાબેનની વાપસી, આ એક્ટ્રેસના નામ પર લાગી મોહર

આ ટીવી શોમાં રાખી  વિજનને મળશે ઓળખ
માત્ર 'હમ પાંચ' ટીવી શો જ નહીં, રાખી વિજને નાના પડદાથી લઈને મોટા પડદા સુધી પોતાની આગવી ભૂમિકા ભજવીને જાણીતી બની છે. વાત કરીએ રાખી વિજનની ટીવી કરિયર વિશે તો તેમણે હમ પાંચ સહિત દેખ ભાઈ દેખ, બનેગી અપની બાત અને નાગિન 4 જેવી મોટી સીરિયલમાં મહત્વપૂર્ણ ભૂમિકા ભજવી છે. તેના સિવાય રાખી વિજન જાણીતી રિયાલિટી શો બિગ બોસ 2માં પણ પોતાનો જલવો દેખાડી ચૂકી છે. એટલું જ નહીં, રાખી ફિલ્મ ગોલમાન રિટર્ન્સમાં પણ રોલ કરી ચૂકી છે.

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube