Gautham Menon About Cast Based Movies : தமிழ் திரையுலகை பொருத்தவரை கமர்சியல் கதை அல்லாத feel good திரைப்படங்கள் எப்போதுதான் ரிலீஸாகும். அப்படி வெளிவரும் படங்களில் பெரும்பாலானவை கெளதம் மேனனுடையதாக இருக்கும். இவரை குறிப்பாக பெண்களுக்கு மிகவும் பிடிக்கும். காரணம் இவரது படத்தில் வரும் ஆண் கதாபாத்திரங்கள் சமூகத்தில் நாம் தினமும் பார்க்கும் முகம் சுளிக்க வைக்கும் ஆண்கள் போல் அல்லாமல் பெண்களை மரியாதையாக நடத்துபவர்களாக இருப்பர். இப்படி பலரது மத்தியில் தன் படங்கள் மூலம் இடம் பெற்ற கௌதமுக்கு இப்போது போதாத காலம் போல. வீணாக வாயை கொடுத்து வம்பை விலைக்கு வாங்கி ஒரு நேர்காணலில் இவர் பேசியிருப்பது வைரலாகி வருகிறது.
கௌதம் மேனனின் சர்ச்சை பேச்சு:
கோலிவுட்டில் இருக்கும் இயக்குனர்கள், தங்களின் பெயரைத் தவிர வேறு எந்த பெயரையும் பெயருக்கு பின்னால் சேர்ப்பதில்லை. அப்படி தனது குடும்பப் பெயரை சேர்த்து வைத்திருக்கும் ஒரே இயக்குனர் கௌதம் மேனன்தான். இதுவே அவர் மீது ஒரு சில சமயங்களில் நெருடலை ஏற்படுத்தும் வகையில் இருந்தது. தற்போது கௌதம், டாமினிக் தி லேடீஸ் பர்ஸ் என்ற மலையாள படத்தை இயக்கியிருக்கிறார். இந்த படத்தின் ப்ரமோஷன் குறித்த ஒரு நேர்காணலை சமீபத்தில் கலந்து கொண்டார்.
அப்போது பேசிய அவர், “சில படங்களின் பெயர்களை சொல்ல விரும்பவில்லை, ஆனால் சாதியைப் பற்றி வெளிவரும் படங்கள் இப்போது கொஞ்சம் அதிகமாகிவிட்டதாக தோன்றுகிறது. இப்போது அப்படி நடப்பதில்லை என தெரிந்தும், 80களில் அல்லது 90களில் இப்படி நடந்தது என்று ஒரு கதையை கூறி அதை படங்களாக எடுக்கின்றனர். அது எல்லாம் இப்போது யாருமே விரும்புவதில்லை.” என்று கூறியிருக்கிறார் GVM.
இப்போது அதையெல்லாம் யாருமே விரும்புவதில்லை. அந்த கதைகளை இனி சொல்லக்கூடாது என நினைக்கிறேன். அது தேவையற்றதாக உள்ளது” என்று கூறினார்.
அவர் பேசியது சரியா?
கெளதம் மேனனின் படங்களை பொறுத்தவரை, மிடில் க்ளாஸில் இருக்கும் ஹீரோ கூட புல்லட் பைக் வைத்திருப்பான், காதலிக்காக கடன் வாங்கி அமெரிக்கா வரை செல்வான். ஆனால் ரியாலிட்டி அப்படி இல்லை. உண்மையில் மிடில் கிளாஸில் இருப்பவர்களுக்கு அமெரிக்கா செல்லவோ, புல்லட் பைக் வைத்துக்கொள்ளவோ வாய்ப்புகள் கிடைப்பதில்லை. கெளதமின் இந்த தவறான புரிதலே, பல சமயங்களில் இணையவாசிகளால் கலாய்க்கப்பட்டு வருகிறது. இவரது படங்களை பார்க்கும் ஒரு சிலர், தங்களுக்கு இந்த படத்தின் கதை அல்லது கதாப்பாத்திரங்களுடன் பெரிதாக கனெக்ட் ஆகவில்லை என்று கூறுவதுண்டு. அது மட்டுமல்ல, இந்தியாவில் இன்னும் சாதி இல்லை அல்லது சாதிய கொடுமை இல்லை என்று கூறுபவர்கள். இப்படி, Elite சமூகத்தை சேர்ந்தவர்களின் மன நிலையில் இருக்கும் கெளதம், இப்படி பேசியுள்ளது பலருக்கு அதிர்ச்சியையும் சிலருக்கு “இவர் இப்படியெல்லாம் பேசுவாரா?” என்ற ஆச்சரியத்தையும் ஏற்படுத்தியுள்ளது.
யாரை அட்டாக் செய்தார்?
தமிழில் பெரும்பாலும் சாதிய படங்களை எடுப்பவர்கள் பா.ரஞ்சித், மாரி செல்வராஜ், வெற்றிமாறன் ஆகியோர்தான். இவர்கள் படம் வரும் போது பெரும்பாலும் அவர்கள் எந்த சாதியினரால் ஹீரோ ஒடுக்கப்பட்டதாக படத்தில் கூறியிருக்கின்றனராே, அதே சாதியினரால் கடும் விமர்சனத்திற்கு உள்ளாவார்கள். ஒரு சிலர், வேண்டுமென்றே இவர்களின் படங்களுக்கு முறையற்ற விமர்சனங்களையும் கொடுப்பதுண்டு. அதே போல சமீபத்தில் இயக்குநர் வெற்றிமாறன் 80களில் நடந்தது போல விடுதலை 2 படத்தை இயக்கி இருந்தார். மாரி செல்வராஜ்ஜும், தன் வாழ்வில் நடந்த உண்மை சம்பவத்தினை ‘வாழை’ என்ற படமாக இயக்கியிருந்தார். எனவே, இந்த இயக்குநர்களைதான் கெளதம் தாக்கியிருப்பாரோ என்று ரசிகர்கள் பேசி வருகின்றனர்.
கோபிநாத்திற்கும் அடி!
கெளதம் மேனன் இப்படி பேசியபோது அவரை நேர்காணல் செய்தது, கோபினாத்தான். இதுவே நீயா-நானா நிகழ்ச்சியில் ஒரு சாமாணியர் GVM பேசியிருந்த விஷயத்தை பேசியிருந்தால் அவரை வார்த்தைகளாலேயே கிழித்து தொங்க விட்டிருப்பார். எப்போதும் பிறரிடம் அறத்துடன் இருக்க வேண்டும் என கூறும் அவர், கெளதம் மேனன் என வந்தவுடன் தன் அறத்தை தூக்கி போட்டு விட்டாரா? என நெட்டிசன்கள் அவரை அடி அடி என அடித்து வருகின்றனர்.
மேலும் படிக்க | இயக்குனர் கௌதம் மேனனின் சொத்து மதிப்பு எவ்வளவு தெரியுமா?
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
