2024 റോയൽ എൻഫീൽഡ് ബുള്ളറ്റ് 350 മിലിട്ടറി സിൽവർ എഡിഷനിൽ രണ്ട് പുതിയ കളർ ഓപ്‌ഷനുകളാണ് അവതരിപ്പിക്കുന്നത്.
റോയൽ എൻഫീൽഡിൻ്റെ മിലിട്ടറി സിൽവർ എ‍‍ഡിഷൻ ബുള്ളറ്റ് 350 ബൈക്ക് പ്രേമികൾക്ക് പുത്തൻ അനുഭവമാണ് നൽകുക.
ഇത് കളർ ഓപ്ഷനുകളിൽ മാത്രമല്ല, ഇന്ധന ടാങ്കിലും സൈഡ് പാനലുകളിലും ഹാൻഡ് പ്രിന്റഡ് പെയിന്റിങ്ങിലും വ്യത്യസ്തമായിരിക്കുന്നു.
ബുള്ളറ്റ് മിലിട്ടറി, ബുള്ളറ്റ് മിലിട്ടറി സിൽവർ, ബുള്ളറ്റ് സ്റ്റാൻഡേർഡ്, പ്രീമിയം ബുള്ളറ്റ് ബ്ലാക്ക് ഗോൾഡ് എന്നീ ഓപ്ഷനുകളിലാണ് പുതിയ ബൈക്കുകൾ എത്തുന്നത്. 1,73,562 രൂപ മുതൽ 2,15,801 രൂപ വരെയാണ് വില.
ബുള്ളറ്റ് 350 ശ്രേണിയുടെ ടോപ് വേരിയന്റ് ബ്ലാക്ക് ഗോൾഡ് വേരിയൻ്റാണ്. 2,15,801 രൂപ വിലയുള്ള പ്രീമിയം ബുള്ളറ്റ് ബ്ലാക്ക് ഗോൾഡ് ചാനൽ എബിഎസ്+ ഉള്ള റിയർ ഡിസ്ക് ബ്രേക്ക് പോലുള്ള നൂതന സവിശേഷതകളിലാണ് എത്തുന്നത്.
ബുള്ളറ്റ് 350 ൻ്റെ ഓരോ വേരിയൻ്റും സവിശേഷതകൾ നിറഞ്ഞതാണ്.
ക്ലാസിക് ബുള്ളറ്റ് ഡിസൈൻ നിലനിർത്തിക്കൊണ്ടുതന്നെ, പുതിയ നിറങ്ങളും ഫീച്ചറുകളും അവതരിപ്പിച്ചിരിക്കുകയാണ് റോയൽ എൻഫീൽഡ്.
