പാക്കിസ്ഥാൻ: പാക്കിസ്ഥാനെ ഞെട്ടിച്ച് അരുംകൊല. 22 കാരിയെ പിതാവും സഹോദരനും ചേർന്ന് പീഡിപ്പിച്ച് കൊലപ്പെടുത്തി. പാക്കിസ്ഥാൻ പ്രവിശ്യയായ പഞ്ചാബിലെ തോബ ടെക് സിംഗിലാണ് സംഭവം. പെൺകുട്ടിയെ കൊലപ്പെടുത്തുന്നതിന്റെ ദൃശ്യങ്ങൾ സമൂഹമാധ്യമങ്ങളിൽ പ്രചരിക്കുന്നുണ്ട്. മരിയ എന്ന പെൺകുട്ടിയെയാണ് സഹോദരൻ ഫൈസലും പിതാവ് അബ്ദുൾ സത്താറും ചേർന്ന് പീഡിപ്പിച്ച ശേഷം കൊലപ്പെടുത്തിയത്.നിരന്തരമായ പീഡനത്തിന് പിന്നാലെ പെൺകുട്ടി ഗർഭിണിയായിരുന്നു.
ഇതോടെയാണ് ഇരുവരും ചേർന്ന് മരിയയെ കൊലപ്പെടുത്താമെന്ന തീരുമാനത്തിലേക്ക് എത്തിയതെന്നാണ് ഡിപിഒ ഇബാദത്ത് നിസാർ സംഭവത്തെക്കുറിച്ച് പ്രതികരിക്കുന്നത്. മാർച്ച് 17 നും 18 നും ഇടയിലാണ് സംഭവം നടക്കുന്നത്. കൊലപാതകശേഷം മരിയയുടെ മൃതദേഹം പ്രതികൾ കുഴിച്ചിടുകയും ചെയ്തു. ഇതിന്റെ ദൃശ്യങ്ങളെല്ലാം പുറത്തെത്തിയതോടെയാണ് ഈ അരുംകൊലയുടെ വാർത്ത പുറം ലോകം അറിയുന്നത്. അതേസമയം ഫൈസലിന്റെ സഹോദരനാണ് കൊലപാതകത്തിന്റെ വീഡിയോ പകർത്തിയതും സംഭവത്തെക്കുറിച്ച പോലീസിനെ വിവരം അറിയിക്കുകയും ചെയ്തത്.
ALSO READ: ബസ് മലയിടുക്കിലേക്ക് മറിഞ്ഞ് തീപിടിച്ച് 45 പേർക്ക് ദാരുണാന്ത്യം; സംഭവം ദക്ഷിണാഫ്രിക്കയിൽ
ഇതിനു പിന്നാലെ പോലീസ് കേസ് രജിസ്റ്റർ ചെയ്ത് പ്രതികളുടെ അറസ്റ്റ് രേഖപ്പെടുത്തുകയും ചെയ്തു. കൂടാതെ പീഡനവിവരം പുറത്താരോടെങ്കിലും പറ‍ഞ്ഞാൽ തന്നേയും മക്കളേയും കൊല്ലുമെന്ന് ഫൈസൽ ഭീഷണിപ്പെടുത്തിയതായി ഫൈസലിന്റെ സഹോദരന്റെ ഭാര്യ വെളിപ്പെടുത്തി. നിലവിൽ മരിയയുടെ മൃദദേഹം പുറത്തെടുത്ത് പോസ്റ്റ്മോർട്ടം നടത്തിയതിന് ശേഷം പഞ്ചാബ് ഫോറൻസിലേക്ക് അയച്ചിരിക്കുകയാണ്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
