ಆಟೋ ಡ್ರೈವರ್‌ನಿಂದ ಅತ್ಯಾಚಾರ; ತನ್ನ ಗುಪ್ತಾಂಗದಲ್ಲಿ ತಾನೇ ಬ್ಲೇಡ್ ಇಟ್ಟುಕೊಂಡ ಯುವತಿ!!

Mumbai Crime News: ಆಟೋ ಡ್ರೈವರ್‌ನಿಂದ ಅತ್ಯಾಚಾರಕ್ಕೊಳಗಾದ ಯುವತಿಯೊಬ್ಬಳು ತನ್ನ ಗುಪ್ತಾಂಗದಲ್ಲಿ ತಾನೇ ಬ್ಲೇಡ್‌ ಇಟ್ಟುಕೊಂಡಿದ್ದ ಆಘಾತಕಾರಿ ಘಟನೆ ಬೆಳಕಿಗೆ ಬಂದಿದೆ. ಈ ಶಾಕಿಂಗ್‌ ಘಟನೆ ವಾಣಿಜ್ಯ ನಗರಿ ಮುಂಬೈನಲ್ಲಿ ನಡೆದಿದೆ. ತಾನು ಆಟೊ ಡ್ರೈವರ್‌ನಿಂದ ಅತ್ಯಾಚಾರಕ್ಕೊಳಗಾಗಿರೋ ವಿಚಾರ ಮನೆಯವರಿಗೆ ತಿಳಿದರೆ ತೊಂದರೆಯಾಗುತ್ತದೆ ಅಂತಾ ಹೆದರಿದ 20 ವರ್ಷದ ಯುವತಿ ತನ್ನ ಗುಪ್ತಾಂಗದೊಳಗೆ ಬ್ಲೇಡ್‌ ಮತ್ತು ಕಲ್ಲುಗಳನ್ನ ಇಟ್ಟುಕೊಂಡಿದ್ದಳೆಂದು ವರದಿಯಾಗಿದೆ. 

ಮಂಗಳವಾರ ತಡರಾತ್ರಿ ರೈಲ್ವೆ ನಿಲ್ದಾಣದಲ್ಲಿ ಯುವತಿಯ ಮೇಲೆ ಅತ್ಯಾಚಾರ ನಡೆಸಿದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಆಟೋ ರಿಕ್ಷಾ ಚಾಲಕನನ್ನು ಬಂಧಿಸಲಾಗಿದೆ. ಸಂತ್ರಸ್ತೆಯ ಗುಪ್ತಾಂಗದಲ್ಲಿ ಕಲ್ಲುಗಳು, ಪ್ಲಾಸ್ಟಿಕ್‌ನಲ್ಲಿ ಸುತ್ತಿದ್ದ ಬ್ಲೇಡ್‌ ಪತ್ತೆಯಾಗಿತ್ತು. ಆದರೆ ಇವೆಲ್ಲವನ್ನೂ ಆಕೆಯೇ ಹಾಕಿಕೊಂಡಿದ್ದಳೆಂಬುದು ತಿಳಿದುಬಂದಿದೆ. ತನ್ನ ಮೇಲೆ ಆಟೋ ಡ್ರೈವರ್ ಅತ್ಯಾಚಾರವೆಸಗಿದ್ದಾನೆಂದು ತಿಳಿದರೆ ಕುಟುಂಬದವರು ಏನು ಮಾಡುತ್ತಾರೋ ಎಂದು ಆಕೆ ಈ ರೀತಿ ಮಾಡಿದ್ದಾಳೆಂದು ಪ್ರಾಥಮಿಕ ತನಿಖೆಯಿಂದ ತಿಳಿದುಬಂದಿದೆ. ಈ ಯುವತಿಯು ತನ್ನ ಕುಟುಂಬದೊಂದಿಗೆ ಮುಂಬೈ ಮೆಟ್ರೋಪಾಲಿಟನ್ ಪ್ರದೇಶದ ಟೌನ್‌ಶಿಪ್‌ನ ನಲಸೋಪಾರಾದಲ್ಲಿ ವಾಸಿಸುತ್ತಿದ್ದಳು. ಆಟೋ ಚಾಲಕನಿಂದ ಅತ್ಯಾಚಾರಕ್ಕೊಳಗಾದ ಕಾರಣ ತನ್ನ ಹೆತ್ತವರು ಬೈದು ಹೊಡೆಯುತ್ತಾರೆಂದು ತಿಳಿದು ಆಕೆ ತನ್ನ ಗುಪ್ತಾಂಗದಲ್ಲಿ ಕಲ್ಲು ಮತ್ತು ಬ್ಲೇಡ್‌ಗಳನ್ನ ಇರಿಸಿದ್ದಳೆಂದು ವರದಿಯಾಗಿದೆ. 

ಇದನ್ನೂ ಓದಿ: ರೈತರ ಗಮನಕ್ಕೆ... ಜ. 31ರೊಳಗೆ ಈ ಕೆಲಸ ಮಾಡದಿದ್ದರೆ ಕಿಸಾನ್ ಸಮ್ಮಾನ್ ನಿಧಿ 19ನೇ ಕಂತಿನ ಹಣ ಸಿಗಲ್ಲ..!

ಆಟೋ ಚಾಲಕನ ಜೊತೆಗೆ ಯುವತಿ ತನ್ನ ಮನೆಯಿಂದ ಸುಮಾರು 12 ಕಿಮೀ ದೂರದಲ್ಲಿರುವ ಅರ್ನಾಲಾ ಬೀಚ್‌ಗೆ ಒಟ್ಟಿಗೆ ಹೋಗಿದ್ದರಂತೆ. ಅಲ್ಲಿ ರಾತ್ರಿ ಕಳೆಯಲು ಇಬ್ಬರೂ ಯೋಜಿಸಿದ್ದರಂತೆ. ಅವರು ಗುರುತಿನ ಚೀಟಿ ಹೊಂದಿಲ್ಲದ ಕಾರಣ ಹೋಟೆಲ್ ಕೊಠಡಿ ಪಡೆಯಲು ಸಾಧ್ಯವಾಗಿರಲಿಲ್ಲ. ಹೀಗಾಗಿ ಅವರಿಬ್ಬರು ಸಮುದ್ರತೀರದಲ್ಲೇ ರಾತ್ರಿ ಕಳೆದಿದ್ದರಂತೆ. ಈ ಸಂದರ್ಭದಲ್ಲಿಯೇ ಆಕೆಯ ಮೇಲೆ ಅತ್ಯಾಚಾರ ನಡೆದಿದೆ ಎಂದು ಪೊಲೀಸರು ಶಂಕಿಸಿದ್ದಾರೆ. ಯುವತಿಯ ಮೇಲೆ ಅತ್ಯಾಚಾರ ನಡೆಸಿದ ಬಳಿಕ ಆಟೋ ಚಾಲಕ ಸ್ಥಳದಿಂದ ಎಸ್ಕೇಪ್‌ ಆಗಿದ್ದನಂತೆ. 

ನಂತರ ಯುವತಿ ಗೋರೆಗಾಂವ್‌ನ ರಾಮಮಂದಿರ ರೈಲ್ವೆ ನಿಲ್ದಾಣಕ್ಕೆ ತೆರಳಿದ್ದಳು. ಮನೆಗೆ ಹೋಗುವುದು ಹೇಗೆ ಎಂದು ಗಾಬರಿಗೊಂಡ ಯುವತಿ, ಮನೆಯವರಿಗೆ ಗೊತ್ತಾದರೆ ತನಗೆ ಬೈಯುತ್ತಾರೆ ಮತ್ತು ಹೊಡೆಯುತ್ತಾರೆಂದು ಭಯಪಟ್ಟಿದ್ದಳು. ಹೀಗಾಗಿಯೇ ಆಕೆ ತನ್ನ ಗುಪ್ತಾಂಗದಲ್ಲಿ ಕಲ್ಲು ಮತ್ತು ಬ್ಲೇಡ್‌ಗಳನ್ನ ಇಟ್ಟುಕೊಂಡಿದ್ದಳು. ಆಕೆಯ ನೋವು ಮತ್ತು ರಕ್ತಸ್ರಾವವನ್ನ ಗಮನಿಸಿದ ಸ್ಥಳೀಯರು ಆಕೆಯನ್ನು ಆಟೋದಲ್ಲಿ ಸ್ಥಳೀಯ ಆಸ್ಪತ್ರೆಗೆ ಕರೆದೊಯ್ದು ಚಿಕಿತ್ಸೆ ಕೊಡಿಸಿದ್ದರು. ಬಳಿಕ ಆಕೆಯ ಮೇಲೆ ಅತ್ಯಾಚಾರವೆಸಗಿ ಪರಾರಿಯಾಗಿದ್ದ ಆಟೋ ಚಾಲಕನ ವಿರುದ್ಧ ಅತ್ಯಾಚಾರ ಪ್ರಕರಣ ದಾಖಲಿಸಿದರು. 

ಇದನ್ನೂ ಓದಿ: ಮಹಾರಾಷ್ಟ್ರದ ಆರ್ಡಿನೆನ್ಸ್ ಫ್ಯಾಕ್ಟರಿಯಲ್ಲಿ ಭಾರೀ ಸ್ಪೋಟ !ಹಲವು ಮಂದಿ ಸಾವನ್ನಪ್ಪಿರುವ ಶಂಕೆ

ಆರಂಭದಲ್ಲಿ ತಾನು ವಾರಣಾಸಿಯಲ್ಲಿ ತನ್ನ ಚಿಕ್ಕಪ್ಪನ ಜೊತೆಗೆ ವಾಸಿಸುತ್ತಿರುವ ಅನಾಥೆ ಎಂದು ಸ್ಥಳೀಯರಿಗೆ ಯುವತಿ ತಿಳಿಸಿದ್ದಳು. ಯುವತಿಗೆ ಮಾನಸಿಕ ಆರೋಗ್ಯದ ಸಮಸ್ಯೆ ಇದೆ. ಸದ್ಯ ಆಕೆಯ ಮೇಲೆ ಅತ್ಯಾಚಾರವೆಸಗಿರೋ ಆಟೋ ಚಾಲಕನನ್ನು ಬಂಧಿಸಿದ್ದೇವೆ. ಈ ಬಗ್ಗೆ ಉನ್ನತ ತನಿಖೆ ನಡೆಯುತ್ತಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. 

ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ,  ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು 
Twitter Link - https://bit.ly/3n6d2R8
Facebook Link - https://bit.ly/3Hhqmcj 
Youtube Link - https://tinyurl.com/7jmvv2nz
Instagram Link -  https://bit.ly/3LyfY2l 
Sharechat Link - https://bit.ly/3LCjokI 
Threads Link-  https://www.threads.net/@zeekannadanews 
WhatsApp Channel- bit.ly/46lENGm ಲಿಂಕ್ ಗಳ ಮೇಲೆ ಕ್ಲಿಕ್.