ಬಸ್ ದರದ ಬೆನ್ನಲ್ಲೇ ಮೆಟ್ರೋ ದರವೂ ಏರಿಕೆ: ಚಿಂತೆಬಿಡಿ, ಅಧಿಕ ಮೈಲೇಜ್ ನೀಡುವ ಬೈಕ್‌ಗಳು ಅಗ್ಗದ ಬೆಲೆಯಲ್ಲೇ ಲಭ್ಯ.!

1 /6

ಮೊದಲೇ ಹಣದುಬ್ಬರದಿಂದಾಗಿ ಕಂಗೆಟ್ಟಿರುವ ಜನರಿಗೆ ಕೆ‌ಎಸ್‌ಆರ್‌ಟಿ‌ಸಿ ಬಸ್ ದರ ಏರಿಕೆ ಹಾಗೂ ನಮ್ಮ ಮೆಟ್ರೋ ಟಿಕೆಟ್ ದರ ಏರಿಕೆಯಿಂದ ಗಾಯದ ಮೇಲೆ ಬರೆ ಎಳೆದಂತಾಗಿದೆ. ಬರುವ ಸಂಬಳದಲ್ಲಿ ಅರ್ಧ ಪ್ರಯಾಣಕ್ಕೆ ಖರ್ಚಾಗುತ್ತದೆ, ಇದರಿಂದ ಜನಸಾಮಾನ್ಯರು ಜೀವನ ನಡೆಸುವುದೇ ಕಷ್ಟ ಎಂದು ಕೆಲವರು ಅಭಿಪ್ರಾಯಪಟ್ಟಿದ್ದಾರೆ. ಆದರೆ, ಚಿಂತಿಸುವ ಅಗತ್ಯವಿಲ್ಲ, ಕಡಿಮೆ ಬೆಲೆಯಲ್ಲಿ ಲಭ್ಯವಿರುವ ಅಧಿಕ ಮೈಲೇಜ್ ನೀಡುವ ಬೈಕ್‌ಗಳ ಬಗ್ಗೆ ನಾವಿಲ್ಲಿ ಮಾಹಿತಿ ನೀಡಲಿದ್ದೇವೆ. 

2 /6

ಹೀರೋ ಸ್ಪ್ಲೆಂಡರ್ ಪ್ಲಸ್:  ದೇಶದಲ್ಲಿ ಅತಿ ಹೆಚ್ಚು ಬೇಡಿಕೆಯಿರುವ ಬೈಕ್‌ಗಳ ಪಟ್ಟಿಯಲ್ಲಿ ಅಗ್ರ ಸ್ಥಾನದಲ್ಲಿರುವ ಹೆಸರು 'ಹೀರೋ ಸ್ಪ್ಲೆಂಡರ್ ಪ್ಲಸ್'. ಮಾರುಕಟ್ಟೆಯಲ್ಲಿ ಇದರ ಎಕ್ಸ್ ಶೋ ರೂಂ ಬೆಲೆ 77,026 ರೂ.ಗಳಿಂದ ಆರಂಭವಾಗುತ್ತದೆ. ಇದು 70-80.6ಕಿ.ಮೀ ಮೈಲೇಜ್ ನೀಡುವ ಸಾಮರ್ಥ್ಯ ಹೊಂದಿದೆ ಎಂದು ಕಂಪನಿ ಹೇಳಿಕೊಂಡಿದೆ. 

3 /6

ಬಜಾಜ್ ಪ್ಲಾಟಿನಾ:  ಹೆಸರಾಂತ ಬಜಾಜ್ ಕಂಪನಿಯ 'ಬಜಾಜ್ ಪ್ಲಾಟಿನಾ 100' ಬೈಕ್‌ನ ಎಕ್ಸ್ ಶೋ ರೂಂ ಬೆಲೆ 68,890 ರೂ. ಈ ಬೈಕ್ 70 ಕಿ.ಮೀ. ಮೈಲೆಜ್ ನೀಡುವ ಸಾಮರ್ಥ್ಯ ಹೊಂದಿದೆ ಎಂದು ಕಂಪನಿ ಮಾಹಿತಿ ನೀಡಿದೆ. 

4 /6

ಟಿ‌ವಿ‌ಎಸ್ ರೇಡಿಯನ್:  ಭಾರತದ ಹೆಸರಾಂತ ಬೈಕ್ ಕಂಪನಿಗಳಲ್ಲಿ ಸ್ಥಾನ ಪಡೆದಿರುವ ಟಿ‌ವಿ‌ಎಸ್ ಕಂಪನಿಯ ರೇಡಿಯನ್ ಬೈಕ್ ಕೂಡ ಕಡಿಮೆ ಬೆಲೆಯಲ್ಲಿ ಖರೀದಿಸಬಹುದಾದ ಬೈಕ್. ಇದರ ಎಕ್ಸ್ ಶೋ ರೂಂ ಮೌಲ್ಯ 69,429 ರೂ. ಆಗಿದ್ದು ಇದು 74 ಕಿ.ಮೀ.ನಷ್ಟು ಮೈಲೇಜ್ ನೀಡುತ್ತದೆ. 

5 /6

ಯಮಹಾ ರೇ-ಜೆಡ್‌ಆರ್:  ಯುವಕರ ನೆಚ್ಚಿನ ಬೈಕ್ ಯಮಕಾ ಯುವತಿಯರಿಗಾಗಿ ತಯಾರಿಸುವ ದ್ವಿಚಕ್ರ ವಾಹನವೇ ಯಮಹಾ ರೇ-ಜೆಡ್‌ಆರ್. ಬಲಿಷ್ಠ ಎಂಜಿನ್‌ನೊಂದಿಗೆ ತಯಾರಿಸಲ್ಪಟ್ಟಿರುವ ಯಮಹಾ ರೇ-ಜೆಡ್‌ಆರ್ 125 ಎಫ್‌ಐ ಹೈಬ್ರಿಡ್ ಸ್ಕೂಟರ್ ಆಗಿದ್ದು ಬರೋಬ್ಬರಿ 71.33ಕಿ.ಮೀ. ನಷ್ಟು ಮೈಲೇಜ್ ನೀಡಬಲ್ಲದು ಎಂದು ಕಂಪನಿ ಹೇಳಿಕೊಂಡಿದೆ. ಇದರ ಬೆಲೆ 87,888 ರೂ. ಗಳು. 

6 /6

ಬಜಾಜ್ ಸಿ‌ಟಿ-110ಎಕ್ಸ್: ಕೈಗೆಟುಕುವ ಬೆಲೆಯಲ್ಲಿ ಲಭ್ಯವಿರುವ ಬಜಾಜ್ ಕಂಪನಿಯ ಮತ್ತೊಂದು ಬೈಕ್ ಎಂದರೆ ಬಜಾಜ್ ಸಿಟಿ-110ಎಕ್ಸ್. ಈ ಬೈಕ್‌ನ ಎಕ್ಸ್ ಶೋ ರೂಂ ಬೆಲೆ 68,328 ರೂ. ಆಗ್ದ್ದು ಈ ಬೈಕ್ ಸುಮಾರು 70 ಕಿ.ಮೀ.ವರೆಗೆ ಮೈಲೇಜ್ ನೀಡುತ್ತದೆ ಎನ್ನಲಾಗಿದೆ.