World Cancer Day 2025 : ಕ್ಯಾನ್ಸರ್ ಎಂಬ ಹೆಸರು ಕೇಳಿದೊಡನೆಯೇ ಜನರು ಆತಂಕಕ್ಕೆ ಒಳಗಾಗುತ್ತಾರೆ. ಇದು ಗಂಭೀರ ಕಾಯಿಲೆಯಾಗಿದೆ. ಆದರೆ ಆರಂಭಿಕ ಹಂತಗಳಲ್ಲಿ ಇದನ್ನು ಪತ್ತೆ ಹಚ್ಚುವುದು ಸಾಧ್ಯವಿದೆ. ಸಮಸ್ಯೆಯೆಂದರೆ ಕ್ಯಾನ್ಸರ್ ಆರಂಭಿಕ ರೋಗಲಕ್ಷಣಗಳನ್ನು ಸಾಮಾನ್ಯವಾಗಿ ನಿರ್ಲಕ್ಷಿಸಲಾಗುತ್ತದೆ. ಯಾಕೆಂದರೆ ಅವುಗಳು ಸಾಮಾನ್ಯ ಕಾಯಿಲೆಗಳಂತೆಯೇ ಕಾಣುತ್ತದೆ.
ಗಂಭೀರವಾದ ಅನಾರೋಗ್ಯವನ್ನು ಸೂಚಿಸುವ ದೇಹದಲ್ಲಿನ ಸಣ್ಣ ಚಿಹ್ನೆಗಳನ್ನು ಗುರುತಿಸುವುದು ಬಹಳ ಮುಖ್ಯವಾಗಿದೆ.
ದೇಹದಲ್ಲಿ ಹಠಾತ್ ಮತ್ತು ವಿವರಿಸಲಾಗದ ತೂಕ ನಷ್ಟ:
ಕ್ಯಾನ್ಸರ್ ಕೋಶಗಳು ವೇಗವಾಗಿ ವಿಭಜನೆಯಾಗುತ್ತವೆ. ಇದಕ್ಕಾಗಿ ದೇಹಕ್ಕೆ ಹೆಚ್ಚಿನ ಶಕ್ತಿಯ ಅಗತ್ಯವಿರುತ್ತದೆ. ಪರಿಣಾಮವಾಗಿ, ಯಾವುದೇ ಪ್ರಯತ್ನವಿಲ್ಲದೆ ತೂಕ ನಷ್ಟವನ್ನು ಮಾಡಬಹುದು.
ಇದನ್ನೂ ಓದಿ : ಮಹಿಳೆಯರ ಆರೋಗ್ಯಕ್ಕೆ ವರದಾನ 'ಕರಿಮೆಣಸು': ಇದರ ಲಾಭಗಳನ್ನು ತಿಳಿದ್ರೆ ಖಂಡಿತ ನೀವೂ ಸೇವಿಸ್ತೀರಾ...!
ಗಡ್ಡೆ ಅಥವಾ ಊತ :
ದೇಹದಲ್ಲಿ ಯಾವುದೇ ಕಾರಣವಿಲ್ಲದೆ ಗಡ್ಡೆ ಅಥವಾ ಊತ ಕಾಣಿಸಿಕೊಳ್ಳುವುದು ಕ್ಯಾನ್ಸರ್ ನ ಲಕ್ಷಣವಾಗಿದೆ. ವಿಶೇಷವಾಗಿ ಸ್ತನ, ವೃಷಣ ಅಥವಾ ಕುತ್ತಿಗೆಯಲ್ಲಿ ಗಡ್ಡೆ ಪತ್ತೆಯಾದರೆ, ಖಂಡಿತವಾಗಿಯೂ ವೈದ್ಯರನ್ನು ಸಂಪರ್ಕಿಸಿ.
ಆಹಾರ ನುಂಗಲು ತೊಂದರೆ :
ಬಾಯಿ, ಗಂಟಲು ಅಥವಾ ಜೀರ್ಣಾಂಗದಲ್ಲಿ ಕ್ಯಾನ್ಸರ್ ಗೆಡ್ಡೆಗಳು ಕಾಣಿಸಿಕೊಂಡರೆ ಆಹಾರ ನುಂಗಲು ತೊಂದರೆ ಉಂಟುಮಾಡಬಹುದು.
ರಕ್ತಸ್ರಾವ:
ಮಲದಲ್ಲಿ ರಕ್ತಸ್ರಾವ, ಮಹಿಳೆಯರಲ್ಲಿ ಮುಟ್ಟಿನ ಹೊರತಾಗಿ ಅಸಾಮಾನ್ಯ ರಕ್ತಸ್ರಾವ ಅಥವಾ ಯಾವುದೇ ಗಾಯಗಳಿಲ್ಲದೆ ರಕ್ತಸ್ರಾವವಾಗುವುದು ಕ್ಯಾನ್ಸರ್ ನ ಲಕ್ಷಣಗಳಾಗಿರಬಹುದು.
ನಿರಂತರ ಆಯಾಸ:
ಸುಸ್ತು ಎನ್ನುವುದು ಸಾಮಾನ್ಯ ಸಂಗತಿ. ಹಾಗಾಗಿ ಇದರ ಬಗ್ಗೆ ಯಾರೂ ಹೆಚ್ಚು ತಲೆಕೆಡಿಸಿಕೊಳ್ಳುವುದಿಲ್ಲ. ವಿನಾ ಕಾರಣ ನಿರಂತರವಾಗಿ ದಣಿಯುತ್ತಿದ್ದರೆ ಅಥವಾ ಸಾಕಷ್ಟು ವಿಶ್ರಾಂತಿಯ ನಂತರವೂ ಆಯಾಸ ಕಡಿಮೆಯಾಗದಿದ್ದರೆ, ಅದು ಕ್ಯಾನ್ಸರ್ ನ ಆರಂಭಿಕ ಲಕ್ಷಣವಾಗಿರಬಹುದು.
ನಿರಂತರ ಕಾಡುವ ನೋವು :
ಒಂದು ನಿರ್ದಿಷ್ಟ ದೇಹದ ಭಾಗದಲ್ಲಿ ಕಾಣಿಸಿಕೊಳ್ಳುವ ನಿರಂತರವಾದ ನೋವುಕ್ಯಾನ್ಸರ್ ನ ಆರಂಭಿಕ ಲಕ್ಷಣವಾಗಿರಬಹುದು. ರಾತ್ರಿಯಲ್ಲಿ ಉಲ್ಬಣಗೊಳ್ಳುವ ಮೂಳೆ ನೋವು ಅಥವಾ ನಿರ್ದಿಷ್ಟ ದೇಹದ ಭಾಗದಲ್ಲಿ ನಿರಂತರ ನೋವು ಕ್ಯಾನ್ಸರ್ ನ ಸಂಕೇತವಾಗಿರಬಹುದು.
ಋತುಚಕ್ರದಲ್ಲಿನ ಬದಲಾವಣೆಗಳು :
ಅನಿಯಮಿತ ಅಥವಾ ಅಧಿಕ ರಕ್ತಸ್ರಾವ ಅಥವಾ ಋತುಬಂಧದ ನಂತರ ರಕ್ತಸ್ರಾವವು ಖಂಡಿತವಾಗಿಯೂ ಸಹಜವಲ್ಲ. ಹೀಗಾದಾಗ ತಕ್ಷಣ ವೈದ್ಯರ ಬಳಿ ತಪಾಸಣೆಗೆ ಒಳಪಡಬೇಕು.
ಇದನ್ನೂ ಓದಿ :ಹೃದಯಾಘಾತಕ್ಕೆ ಮದ್ದು ಈರುಳ್ಳಿ! ಈ ರೀತಿ ಸೇವಿಸಿದ್ರೆ ಶುಗರ್-ಬಿಪಿ ಹೆಚ್ಚಾಗೋದೇ ಇಲ್ಲ..
ಈ ರೋಗಲಕ್ಷಣಗಳು ಇತರ ಆರೋಗ್ಯ ಪರಿಸ್ಥಿತಿಗಳಿಂದಲೂ ಉಂಟಾಗಬಹುದು ಎಂಬುದನ್ನು ಗಮನಿಸುವುದು ಮುಖ್ಯ. ಆದರೆ,ಈ ರೋಗಲಕ್ಷಣಗಳಲ್ಲಿ ಯಾವುದಾದರೂ ಒಂದು ಇದ್ದರೂ ಕೂಡಾ ಶೀಘ್ರ ವೈದ್ಯರನ್ನು ಸಂಪರ್ಕಿಸುವುದು ಉತ್ತಮ.
ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ, ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು
Twitter Link - https://bit.ly/3n6d2R8
Facebook Link - https://bit.ly/3Hhqmcj
Youtube Link - https://www.youtube.com/live/RNn4I7iIaYE?si=3G4W5dh0oCdFnu-T
Instagram Link - https://bit.ly/3LyfY2l
Sharechat Link - https://bit.ly/3LCjokI
Threads Link- https://www.threads.net/@zeekannadanews
WhatsApp Channel- bit.ly/46lENGm ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.
