ಕ್ರಿಕೆಟ್ನಲ್ಲಿ ಹಲವು ಸ್ಪೂರ್ತಿದಾಯಕ ಕಥೆಗಳಿವೆ. ಅದರಲ್ಲಿ ಸಿರಾಜ್ರದ್ದು ಭಿನ್ನ-ವಿಭಿನ್ನ. ಹೈದರಾಬಾದ್‌ನ ಹಳೆಯ ನಗರದಲ್ಲಿ ಸಾಧಾರಣ ಕುಟುಂಬದಲ್ಲಿ ಜನಿಸಿದರು. ತಂದೆ ಮೊಹಮ್ಮದ್ ಗೌಸ್ ಆಟೋ-ರಿಕ್ಷಾ ಚಾಲಕ ಮತ್ತು ತಾಯಿ ಶಬಾನಾ ಬೇಗಂ ಗೃಹಿಣಿ. ಆತನ ತಂದೆ ಕುಟುಂಬ ಪೋಷಿಸಲು ದಣಿವರಿಯದೆ ಕೆಲಸ ಮಾಡುತ್ತಿದ್ದರು. ಮತ್ತೊಂದೆಡೆ ಸಿರಾಜ್ಗೆ ಕ್ರಿಕೆಟ್ ಮೇಲೆ ಹುಚ್ಚು. ಇಂದು ಭಾರತ ಬೌಲಿಂಗ್ ಅಸ್ತ್ರವಾಗಿರುವ ಮಿಯಾ ಸಿರಾಜ್, ಒಂದು ಕಾಲದಲ್ಲಿ ಟೆನಿಸ್ ಬಾಲ್ ಕ್ರಿಕೆಟ್ ಆಡಿ ಬೆಳೆದವನು.
ಆಟೋ ಡ್ರೈವರ್ ಮಗ ಸಿರಾಜ್ ಈಗ 13 ಕೋಟಿ ರುಪಾಯಿ ಮನೆಯ ಒಡೆಯ ಎನ್ನುವುದು ಅಚ್ಚರಿ ಎನಿಸಿದ್ರೂ ಸತ್ಯ. ಭಾರತೀಯ ವೇಗದ ಬೌಲರ್ ಮೊಹಮ್ಮದ್ ಸಿರಾಜ್ ಅವರನ್ನು ಐಸಿಸಿ ಚಾಂಪಿಯನ್ಸ್ ಟ್ರೋಫಿ ತಂಡದಿಂದ ಕೈಬಿಟ್ಟಿರುವುದು ಅಚ್ಚರಿ ಮೂಡಿಸಿದೆ.
ಮೊಹಮ್ಮದ್ ಸಿರಾಜ್ 2022 ರಿಂದ ಹೆಚ್ಚು ಏಕದಿನ ಪಂದ್ಯಗಳ ವಿಕೆಟ್‌ಗಳನ್ನು (71) ಪಡೆದಿದ್ದಾರೆ. ಕ್ರಿಕೆಟ್‌ನ ಹೊರತಾಗಿ, ಮೊಹಮ್ಮದ್ ಸಿರಾಜ್‌ರ ವೈಯಕ್ತಿಕ ಜೀವನ, ವಿಶೇಷವಾಗಿ ಅವರ ಆದಾಯವು ಆಗಾಗ್ಗೆ ಗಮನ ಸೆಳೆಯುತ್ತದೆ. ಸಿರಾಜ್ ಅವರ ಐಷಾರಾಮಿ ಮನೆ ಅವರ ತವರು ಹೈದರಾಬಾದ್‌ನ ಫಿಲಿಂ ಸಿಟಿಯ ಜೂಬಿಲಿ ಹಿಲ್ಸ್‌ನಲ್ಲಿದೆ. 2023 ರಲ್ಲಿ ನಿರ್ಮಿಸಲಾದ ಸಿರಾಜ್ ಅವರ ಐಷಾರಾಮಿ ಮನೆಯ ಮೌಲ್ಯ ಸುಮಾರು 13 ಕೋಟಿ ರೂ. ಎಂದು ಅಂದಾಜಿಸಲಾಗಿದೆ.
ಮೊಹಮ್ಮದ್ ಸಿರಾಜ್‌ರ ಪ್ರಮುಖ ಆದಾಯದ ಮೂಲಗಳಲ್ಲಿ ಬಿಸಿಸಿಐ ಒಪ್ಪಂದಗಳು, ಐಪಿಎಲ್ ಸಂಬಳ, ಪಂದ್ಯ ಶುಲ್ಕ ಮತ್ತು ಜಾಹೀರಾತು ಒಪ್ಪಂದಗಳು ಸೇರಿವೆ. ಡೊಮೆಸ್ಟಿಕ್ ಕ್ರಿಕೆಟ್ನಲ್ಲಿ ಧೂಳೆಬ್ಬಿಸಿ ಕೊನೆಗೆ 2017ರಲ್ಲಿ ಐಪಿಎಲ್ಗೂ ಪ್ರವೇಶಿಸಿದರು. ಕೇವಲ 20 ಲಕ್ಷ ಮೂಲ ಬೆಲೆ ಹೊಂದಿದ್ದ ಸಿರಾಜ್, ಇಷ್ಟು ಸಿಕ್ಕರೆ ಸಾಕು ಎನ್ನುತ್ತಿದ್ದರು. ಆದರೆ ಅದೃಷ್ಟವೋ ಏನೋ ಸಿರಾಜ್ಗೆ ಹೊಡೆದಿದ್ದು ಜಾಕ್ ಪಾಟ್. ಬರೋಬ್ಬರಿ 2.70 ಕೋಟಿಗೆ ಸನ್ರೈಸರ್ಸ್ ಹೈದರಾಬಾದ್ ಖರೀದಿಸಿತ್ತು. ಇದು ಸಿರಾಜ್ ಹಣೆಬರಹವನ್ನೇ ಬದಲಿಸಿದ ಕ್ಷಣ. ಏಕ್ಧಮ್ ಕೋಟ್ಯದೀಶನಾಗಿಬಿಟ್ಟರು.
ಅಲ್ಲದೆ, ಪಂದ್ಯದ ಶುಲ್ಕ ಅಂದರೆ ಒಂದು ಟೆಸ್ಟ್ ಪಂದ್ಯಕ್ಕೆ 15 ಲಕ್ಷ, ಏಕದಿನ ಪಂದ್ಯಕ್ಕೆ 6 ಲಕ್ಷ, ಟಿ20 ಪಂದ್ಯಕ್ಕೆ 3 ಲಕ್ಷ ರೂಪಾಯಿ ಪಡೆಯುತ್ತಾರೆ ಸಿರಾಜ್. ಇದರೊಂದಿಗೆ ಜಾಹೀರಾತಿನಲ್ಲೂ ಆದಾಯ ಗಳಿಸುತ್ತಿದ್ದಾರೆ. ಅಂದು ಏನೂ ಇಲ್ಲದ ಆಟೋ ಚಾಲಕನ ಮಗನ ಆಸ್ತಿ ಇಂದು 47 ಕೋಟಿ ಮೀರಿದೆ. ಮೊದಲು ತಿಂಗಳ ಮನೆ ಬಾಡಿಗೆ ಕಟ್ಟಲು ಸಹ ಕಷ್ಟವಾಗಿತ್ತು. ಅಂತಹ ಕಷ್ಟದ ದಿನಗಳನ್ನು ಎದುರಿಸಿದವನು ಸಿರಾಜ್.
ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ, ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು
Twitter Link - https://bit.ly/3n6d2R8
Facebook Link - https://bit.ly/3Hhqmcj
Youtube Link - https://www.youtube.com/live/RNn4I7iIaYE?si=3G4W5dh0oCdFnu-T
Instagram Link - https://bit.ly/3LyfY2l
Sharechat Link - https://bit.ly/3LCjokI
Threads Link- https://www.threads.net/@zeekannadanews
WhatsApp Channel- bit.ly/46lENGm ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.
