Vijay Hazare Trophy: ಮಿಂಚಿದ ಸ್ಮರಣ್- ಪಡಿಕ್ಕಲ್; ಹಾಲಿ ಚಾಂಪಿಯನ್ ಮಣಿಸಿ ಫೈನಲ್ ಪ್ರವೇಶಿಸಿ ಕರ್ನಾಟಕ!!

Vijay Hazare Trophy: ದೇವದತ್ತ್ ಪಡಿಕ್ಕಲ್ ಮತ್ತು ಸ್ಮರಣ್ ರವಿಚಂದ್ರನ್ ಅವರ ಸ್ಫೋಟಕ ಬ್ಯಾಟಿಂಗ್‌ ನೆರವಿನಿಂದ ಕರ್ನಾಟಕ ತಂಡವು ವಿಜಯ್ ಹಜಾರೆ ಟ್ರೋಫಿ ಫೈನಲ್‌ ಪ್ರವೇಶಿಸಿದೆ. ವಡೋದರಾದ ಕೋಟಂಬಿ ಕ್ರೀಡಾಂಗಣದಲ್ಲಿ ಬುಧವಾರ ನಡೆದ ಸೆಮಿಫೈನಲ್‌ ಪಂದ್ಯದಲ್ಲಿ ಹರಿಯಾಣ ವಿರುದ್ಧ 5 ವಿಕೆಟ್​ಗಳ ರೋಚಕ ಜಯ ಸಾಧಿಸಿತು. ಈ ಮೂಲಕ ಕರ್ನಾಟಕ ತಂಡವು 4 ವರ್ಷಗಳ ನಂತರ ಪ್ರತಿಷ್ಠಿತ ಟೂರ್ನಿಯಲ್ಲಿ ಫೈನಲ್ ಪ್ರವೇಶಿಸಿತು.

ಟಾಸ್​ ಗೆದ್ದ ಕರ್ನಾಟಕ ತಂಡ ಬೌಲಿಂಗ್‌ ಆಯ್ಕೆ ಮಾಡಿಕೊಂಡಿತು. ಹೀಗಾಗಿ ಮೊದಲು ಬ್ಯಾಟಿಂಗ್‌ ಮಾಡಿದ ಹರಿಯಾಣ ನಿಗದಿತ 50 ಓವರ್‌ಗಳಲ್ಲಿ 9 ವಿಕೆಟ್‌ ಕಳೆದುಕೊಂಡು 237 ರನ್‌ ಗಳಿಸಿತು. ಹರಿಯಾಣ ಪರ ನಾಯಕ ಅಂಕಿತ್ ಕುಮಾರ್ 48, ಹರ್ಷಿತ್ ರಾಣಾ 44, ಅನುಜ್ ಥಕ್ರಾಲ್ ಅಜೇಯ 23, ರಾಹುಲ್ ತೆವಾಟಿಯಾ 22, ಸುಮಿತ್ ಕುಮಾರ್ 21, ದಿನೇಶ್ ಬನಾ 20 ಮತ್ತು ಅಮಿತ್ ರಾಣಾ ಅಜೇಯ 15 ರನ್‌ ಗಳಿಸಿತು. ಕರ್ನಾಟಕ ಪರ ಅಭಿಲಾಶ್ ಶೆಟ್ಟಿ 34ಕ್ಕೆ 4 ವಿಕೆಟ್ ಪಡೆದು ಮಿಂಚಿದರು. ಪ್ರಸಿದ್ ಕೃಷ್ಣ 40‌ಕ್ಕೆ 2, ಶ್ರೇಯಸ್ ಗೋಪಾಲ್ 36ಕ್ಕೆ 2, ಹಾರ್ದಿಕ್ ರಾಜ್ 61ಕ್ಕೆ 1 ವಿಕೆಟ್ ಪಡೆದರು.

ಇದನ್ನೂ ಓದಿ:  ಟೀಂ ಇಂಡಿಯಾಗೆ ಬಿಗ್‌ಶಾಕ್..‌ ಪಂದ್ಯದ ಮಧ್ಯದಲ್ಲೇ ತಂಡ ತೊರೆದ ಸ್ಟಾರ್‌ ಆಟಗಾರ! ಅಭಿಮಾನಿಗಳಲ್ಲಿ ಆತಂಕ..

238 ರನ್​ಗಳ ಗುರಿ ಬೆನ್ನಟ್ಟಿದ ಕರ್ನಾಟಕ ಉತ್ತಮ ಆರಂಭ ಪಡೆಯಲಿಲ್ಲ. ಟೂರ್ನಿಯುದ್ದಕ್ಕೂ ಮಿಂಚಿದ್ದ ನಾಯಕ ಮಯಾಂಕ್ ಅಗರ್ವಾಲ್ ಖಾತೆ ತೆರೆಯದೆ ನಿರಾಸೆ ಮೂಡಿಸಿದರು. ಅವರು ಅನ್ಶುಲ್ ಕಾಂನೋಜ್ ಬೌಲಿಂಗ್​ನಲ್ಲಿ LBW ಬಲೆಗೆ ಬಿದ್ದರು. ನಂತರ ಬಂದ ದೇವದತ್ತ್ ಪಡಿಕ್ಕಲ್ ಉತ್ತಮ ಆಟವಾಡಿ ಆಕರ್ಷಕ (86) ಅರ್ಧಶತಕ ಸಿಡಿಸಿದರು. ಸ್ಮರಣ್ ರವಿಚಂದ್ರನ್ ಉತ್ತಮ ಆಟವಾಡಿ 76 ರನ್‌ ಗಳಿಸಿ ತಂಡದ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದರು. 

𝗜𝗻𝘁𝗼 𝗧𝗵𝗲 𝗙𝗶𝗻𝗮𝗹! 💪

Karnataka beat the spirited Haryana side by 5⃣ wickets in the Semi Final 1 of #VijayHazareTrophy! 👏 👏

This is 5⃣th occasion when Karnataka has reached the Final of the this competition! 👍 👍

Scorecard ▶️ https://t.co/TGZrcvP4ES@IDFCFIRSTBank pic.twitter.com/4RlO1qSczf

— BCCI Domestic (@BCCIdomestic) January 15, 2025

ಇನ್ನುಳಿದಂತೆ ಅನೀಶ್ ಕೆ.ವಿ. 22 ರನ್‌ ಗಳಿಸಿದರೆ, ಶ್ರೇಯಸ್ ಗೋಪಾಲ್ ಅಜೇಯ 23 ರನ್‌ ಗಳಿಸಿ ತಂಡವನ್ನು ಗೆಲುವಿನ ಗಡಿ ದಾಟಿಸಿದರು. ಮಹತ್ವದ ಫೈನಲ್​ ಪಂದ್ಯದಲ್ಲಿ ಬೌಲಿಂಗ್ ಹಾಗೂ ಬ್ಯಾಟಿಂಗ್ ಎರಡರಲ್ಲೂ ಹರಿಯಾಣ ವಿರುದ್ಧ ಹಿಡಿತ ಸಾಧಿಸಿದ ಕರ್ನಾಟಕ ತಂಡವು ಅಮೋಘ ಗೆಲುವು ಸಾಧಿಸಿತು. ಕರ್ನಾಟಕ ತಂಡವು 2019-20ರಲ್ಲಿ ಕೊನೆಯ ಬಾರಿ ಫೈನಲ್ ಪ್ರವೇಶಿಸಿ ಚಾಂಪಿಯನ್‌ ಆಗಿತ್ತು. ಇದೀಗ 4 ವರ್ಷಗಳ ನಂತರ ಮತ್ತೆ ಫೈನಲ್ ಪ್ರವೇಶಿಸಿದೆ. ವಿಜಯ್ ಹಜಾರೆ ಟ್ರೋಫಿಯಲ್ಲಿ ತಮಿಳುನಾಡು ಅತಿಹೆಚ್ಚು ಬಾರಿ ಅಂದರೆ 5 ಬಾರಿ, ಕರ್ನಾಟಕ ಮತ್ತು ಮುಂಬೈ ತಂಡಗಳು ಒಟ್ಟು 4 ಬಾರಿ ಗೆದ್ದಿವೆ.

ಇದನ್ನೂ ಓದಿ: ಕೊನೆಯ ಟೆಸ್ಟ್‌ ಪಂದ್ಯಕ್ಕೂ ಮುನ್ನ ತಂಡಕ್ಕೆ ಗುಡ್‌ ಬೈ ಹೇಳಿದ ರೋಹಿತ್‌ ಶರ್ಮಾ! ನಾಯಕನ ನಿರ್ಧಾರಕ್ಕೆ ರಿಷಬ್‌ ಪಂತ್‌ ಭಾವುಕ?!

ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ,  ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು 
Twitter Link - https://bit.ly/3n6d2R8
Facebook Link - https://bit.ly/3Hhqmcj 
Youtube Link - https://tinyurl.com/7jmvv2nz
Instagram Link -  https://bit.ly/3LyfY2l 
Sharechat Link - https://bit.ly/3LCjokI 
Threads Link-  https://www.threads.net/@zeekannadanews 
WhatsApp Channel- bit.ly/46lENGm ಲಿಂಕ್ ಗಳ ಮೇಲೆ ಕ್ಲಿಕ್.