ଯନ୍ତ୍ରଣାରେ ଚିତ୍କାର କଲେ ସୋନୁ ନିଗମ, ବଢ଼ିଲା ଫ୍ୟାନ୍ସଙ୍କ ଚିନ୍ତା...

Sonu Nigam health Update: ସୋନୁ ନିଗମ ତାଙ୍କ ଇନଷ୍ଟାଗ୍ରାମ ଆଇଡିରେ ଏକ ଭିଡିଓ ସେୟାର କରିଛନ୍ତି ଯେଉଁଥିରେ ସେ କଷ୍ଟ ପାଉଥିବା ଦେଖିବାକୁ ମିଳିଛି। ଏହି ଭିଡିଓଟି ତାଙ୍କ ଲାଇଭ୍ ଶୋ' ଶେଷ ହେବା ପରେ ବ୍ୟାକଷ୍ଟେଜ୍‌ର ବୋଲି ଜଣାପଡ଼ିଛି ।

ବଲିଉଡ୍ ହେଉ କି ଓଲିଉଡ୍, ନିଜର ସ୍ପଷ୍ଟ କହିବା ଶୈଳୀ ଓ ଆକର୍ଷଣୀୟ ସ୍ୱର ପାଇଁ ଜଣାଶୁଣା ବଲିଉଡ୍ ଗାୟକ ସୋନୁ ନିଗମ ।  କିନ୍ତୁ ତାଙ୍କ ଫ୍ୟାନ୍ସଙ୍କ ପାଇଁ ଏକ ଦୁଃଖ ଖବର ରହିଛି । ସୋନୁ ନିଗମ ସ୍ଵାସ୍ଥ୍ୟବସ୍ଥା ଏବେ ଭଲ ନଥିବା ସୂଚନା ମିଳିଛି। ଲାଇଭ୍ ଶୋ'ରେ ଗୀତ ଗାଇବା ବେଳେ ତାଙ୍କୁ ଯନ୍ତ୍ରଣା ଅନୁଭବ ହୋଇଥିଲା।  ଯନ୍ତ୍ରଣା ସହିନପାରି ସେ ଚିତ୍କାର ମଧ୍ୟ କରିବାକୁ ଲାଗିଲେ। ତେବେ ସୋନୁ ନିଗମ ଯନ୍ତ୍ରଣାରେ କଷ୍ଟ ଅନୁଭବ କରୁଥିବାର ଏକ ଭିଡିଓ ଦେଖିବାକୁ ମିଳିଛି । ନିକଟରେ ସେ ତାଙ୍କ ଇନଷ୍ଟାଗ୍ରାମରେ ଏକ ଭିଡିଓ ସେୟାର କରିଛନ୍ତି, ଯେଉଁଥିରେ ଲାଇଭ୍ ଶୋ' ସମୟରେ ତାଙ୍କ ଅବସ୍ଥା ଖରାପ ହେଉଥିବା ଦେଖିବାକୁ ମିଳିଛି। ଶୋ’ ପରେ, ତାଙ୍କୁ ଷ୍ଟେଜ ପଛପଟେ ବହୁତ ଯନ୍ତ୍ରଣା ଅନୁଭବ ହେଉଛି।

ଏହି ଭିଡିଓରେ ସେ ତାଙ୍କ ସହ ଘଟିଥିବା ସମସ୍ତ ଘଟଣା ସେୟାର କରିଛନ୍ତି। ଭିଡିଓରେ ସୋନୁ ନିଗମ ବିଛଣାରେ ଶୋଇଥିବା ବେଳେ ତାଙ୍କ ମୁହଁରୁ ହିଁ ଜଣାପଡ଼ୁଛି କି ସେ କେତେ ଯନ୍ତ୍ରଣା ଅନୁଭବ କରୁଛନ୍ତି। ଭିଡିଓରେ ସେ କହିଥିଲେ ଯେ ଲାଇଭ୍ ଶୋ ବେଳେ ତାଙ୍କ ଶରୀରରେ ଏତେ ଯନ୍ତ୍ରଣା ଅନୁଭବ ହେଲା ଯେ, ଶେଷରେ ଗୀତ ଗାଇବା ସମୟରେ ଯନ୍ତ୍ରଣାରେ ଚିତ୍କାର କରି ପକାଇଥିଲେ। ସୋନୁ କହିଥିଲେ, "ଏହା ମୋ ଜୀବନର ସବୁଠାରୁ କଷ୍ଟକର ଦିନ ଥିଲା, କିନ୍ତୁ ମୁଁ ଏହାକୁ ସମ୍ଭାଳି ନେଇଥିବାରୁ ଆତ୍ମ ସନ୍ତୋଷ ମଧ୍ୟ ମିଳିଛି ।"

ସୋନୁ ଭିଡିଓରେ ଖୋଲାଖୋଲି ଭାବରେ କହିଥିଲେ ଯେ ତାଙ୍କୁ ଏପରି ଲାଗୁଥିଲା ଯେପରି ତାଙ୍କ ମେରୁଦଣ୍ଡରେ ଛୁଞ୍ଚି ଫୋଡ଼ି ହୋଇଯାଉଛି । ସେ ଏକଥା ମଧ୍ୟ କହିଛନ୍ତି, "ଯଦି ମୁଁ ଟିକିଏ ବି ହଲୁଥାଏ, ତେବେ ମୋତେ ଲାଗୁଥିଲା ଯେପରି ଛୁଞ୍ଚି ମୋ ମେରୁଦଣ୍ଡକୁ ଭେଦ କରିଦେବ।" ଏହି ବୟାନରୁ ତାଙ୍କର ଦୁର୍ବଳ ଅବସ୍ଥା ସ୍ପଷ୍ଟ ଭାବରେ ଦେଖାଯାଉଛି। ଭିଡିଓରେ ସୋନୁ ଆହୁରି କହିଛନ୍ତି, "ଗତ ରାତିରେ ମାତା ସରସ୍ୱତୀ ମୋ ହାତ ଧରିଥିଲେ,"

Video- 

 

 

 

 

View this post on Instagram

 

 

 

 

 

 

 

 

 

 

 

A post shared by Sonu Nigam (@sonunigamofficial)

ସୋସିଆଲ ମିଡିଆରେ ପ୍ରଶଂସକଙ୍କ ଚିନ୍ତା ବଢ଼ିଲା
ସୋନୁ ନିଗମଙ୍କ ଏହି ଭିଡିଓ ସୋସିଆଲ ମିଡିଆରେ ଦ୍ରୁତ ଗତିରେ ଭାଇରାଲ୍ ହେଉଛି। ତାଙ୍କ ବୟାନ ଶୁଣି ୟୁଜର୍ସମାନେ ଚିନ୍ତା ପ୍ରକାଶ କରୁଛନ୍ତି ଏବଂ ତାଙ୍କର ଶୀଘ୍ର ଆରୋଗ୍ୟ ପାଇଁ ପ୍ରାର୍ଥନା କରୁଛନ୍ତି। ତାଙ୍କ ପ୍ରଶଂସକମାନେ କହିଛନ୍ତି ଯେ ଏତେ ଯନ୍ତ୍ରଣା ସତ୍ତ୍ୱେ ସୋନୁଙ୍କ ପ୍ରଦର୍ଶନ ତାଙ୍କର ବୃତ୍ତିଗତ ପ୍ରତିବଦ୍ଧତାକୁ ଦର୍ଶାଉଛି। କିନ୍ତୁ ଏବେ ତାଙ୍କ ସ୍ୱାସ୍ଥ୍ୟର ଯତ୍ନ ନେବା ମଧ୍ୟ ସେତିକି ଗୁରୁତ୍ୱପୂର୍ଣ୍ଣ।

ସୋନୁ ନିଗମ ହରିୟାଣାର ଫରିଦାବାଦରେ ୩୦ ଜୁଲାଇ ୧୯୭୩ରେ ଜନ୍ମ ଗ୍ରହଣ କରିଥିଲେ । ସେ ଜଣେ ଭାରତୀୟ ଗାୟକ  ଭାବରେ ଅନେକ ହିନ୍ଦୀ, ମରାଠୀ, ଓଡ଼ିଆ, ତେଲଗୁ, ତାମିଲ, କନ୍ନଡ ଓ ବଙ୍ଗଳା ସିନେମା ପାଇଁ କଣ୍ଠଦାନ କରିଛନ୍ତି । ସେ ମଧ୍ୟ ଅନେକ ପପ୍ ଆଲବମରେ କାମ କରିବା ସଙ୍ଗେ ସଙ୍ଗେ କିଛି ହିନ୍ଦୀ ଚଳଚ୍ଚିତ୍ରରେ ଅଭିନୟ ମଧ୍ୟ କରିଛନ୍ତି ।

ସୋନୁ ନିଗମ ୩ ବର୍ଷ ବୟସରେ ତାଙ୍କ ବାପାଙ୍କ ସଙ୍ଗେ ମଞ୍ଚ ଉପରେ ମହମ୍ମଦ ରଫିଙ୍କ ଗୀତ “କ୍ୟା ହୁଆ ତେରା ୱାଦା” ଗାଇ ଗାୟକ ଭାବେ କ୍ୟାରିୟର ଆରମ୍ଭ କରିଥିଲେ । ତା’ ପରଠାରୁ ସୋନୁ ତାଙ୍କ ବାପାଙ୍କ ସଙ୍ଗେ ବିବାହ ଓ ପାର୍ଟି ଆଦିରେ ଗୀତ ଗାଇବାକୁ ଲାଗିଲେ । ସୋନୁ ସା-ରେ-ଗା-ମା-ପା'ର ସଞ୍ଚାଳକ ରୂପେ କାମ ଆରମ୍ଭ କରିଥିଲେ । ଏହି ସୋ ତାଙ୍କୁ ନିଜ ସଙ୍ଗୀତର ଦକ୍ଷତା ଓ ଦର୍ଶକଙ୍କୁ ମୁଗ୍ଧ କରିବାର କ୍ଷମତା ଦେଖାଇବାରେ ସାହାଯ୍ୟ କଲା । ଏହା ପରେ ପରେ ସେ ୧୯୯୫ରେ ଆଲ୍‌ବମ "ବେୱଫା ସନମ"ର ଗୀତ “ଅଚ୍ଛା ସିଲା ଦିଆ...” ଗାଇଥିଲେ, ଯେଉଁଥିରେ ସେ ଖୁବ୍ ସଫଳତା ପାଇଥିଲେ । ଏହାପରେ ତାଙ୍କୁ ଅଧିକ ସୁଯୋଗ ମିଳିବାରେ ଲାଗିଲା ।

Also Read- Budh Gochar 2025: ୩ ରାଶିରେ ବୁଧଙ୍କ ଚଳନ ପ୍ରଭାବ, ସମୟ ଖରାପ ଚାଲୁଥିଲେ ଖୁବ ଶୀଘ୍ର ସୁଧୁରିବ...