New SIM Card Rules: નવું સિમ કાર્ડ ખરીદવાના નિયમમાં કરાયો ફેરફાર, સરકારના નિર્ણયથી યુઝર્સને થશે સીધી અસર

New SIM Card Rules: PMOએ ડિપાર્ટમેન્ટ ઓફ ટેલિકોમ્યુનિકેશન્સ (ડીઓટી)ને એક મહત્વપૂર્ણ સૂચના જાહેર કરી છે. હવેથી તમામ નવા સિમ કાર્ડ કનેક્શન માટે આધાર કાર્ડ દ્વારા બાયોમેટ્રિક વેરિફિકેશન ફરજિયાત બનશે. મતલબ કે હવે સિમ કાર્ડ લેવા માટે લોકોએ તેમનું આધાર કાર્ડ બતાવવું પડશે અને તેમની ઓળખ બાયોમેટ્રિક રીતે કન્ફર્મ કરવામાં આવશે. આ પગલાનો ઉદ્દેશ્ય લોકોને નકલી દસ્તાવેજોનો ઉપયોગ કરીને સિમ કાર્ડ ખરીદવું, છેતરપિંડી અને અન્ય ગુનાઓ માટે તેનો ઉપયોગ કરવાથી રોકવાનો છે.

સિમ કાર્ડના નવા નિયમો
અગાઉ લોકો મતદાર આઈડી અથવા પાસપોર્ટ જેવા કોઈપણ સરકારી દસ્તાવેજના આધારે નવું સિમ કાર્ડ ખરીદી શકતા હતા. પરંતુ હવે નવા નિયમો અનુસાર તમામ નવા સિમ કાર્ડ માટે આધાર કાર્ડથી બાયોમેટ્રિક વેરિફિકેશન જરૂરી છે. હવે દુકાનદારોએ આધાર કાર્ડ વગર કોઈને સિમકાર્ડ આપવાનું રહેશે નહીં.

સરકારી કર્મચારીઓ માટે 20 લાખ સુધીની ગ્રેચ્યુટી ટેક્સ ફ્રી, પ્રાઈવેટ માટે શં છે નિયમ?

વધી રહ્યા છે સ્કેમ
તાજેતરમાં યોજાયેલી એક મીટિંગમાં સામે આવ્યું હતું કે, ઘણા લોકો નકલી દસ્તાવેજોનો ઉપયોગ કરીને સિમ કાર્ડ ખરીદે છે અને તેનો ઉપયોગ છેતરપિંડી અને અન્ય ગુનાઓ માટે કરી રહ્યા છે. આ સમસ્યાને નિપટવા માટે વડાપ્રધાન કાર્યાલયે ટેલિકોમ્યુનિકેશન વિભાગને તમામ નવા સિમ કાર્ડ માટે આધાર કાર્ડ વેરિફિકેશન ફરજિયાત બનાવવાનો નિર્દેશ આપ્યો છે.

સરકાર હવે બનાવટી દસ્તાવેજોનો ઉપયોગ કરીને સિમ કાર્ડ વેચનારાઓ સામે કડક કાર્યવાહી કરશે. આ માટે સરકાર એઆઈ (આર્ટિફિશિયલ ઈન્ટેલિજન્સ)નો પણ ઉપયોગ કરશે જેથી આવા લોકોની ઓળખ થઈ શકે અને તેમની વિરુદ્ધ કાર્યવાહી થઈ શકે.

સિક્સર, ફોર અને રનના ઢગલા... 3 દિવસમાં સૌથી વધુ ટોટલનો તોડ્યો રેકોર્ડ

આ નવો આદેશ સાયબર ગુનાઓને રોકવાના સરકારના પ્રયાસોનો એક ભાગ છે. આધાર કાર્ડ સાથે વેરિફિકેશન બાદ નકલી સિમ કાર્ડનો ઉપયોગ કરીને થતી છેતરપિંડી ઓછી થશે. આ ઓર્ડરથી દેશભરમાં સિમ કાર્ડ જારી કરવામાં અને ટ્રેક કરવામાં પણ મદદ મળશે.