Mainpuri: ભાઇબીજ પર ચા પીતાં જ બે સગા ભાઇ સહીત 4ના મોત

ઉત્તર પ્રદેશના મેનપુરીમાં ભાઇબીજાના દિવસે એક ઘરમાં માતમ છવાઇ ગયો છે. ઘરમાં બનેલી ચા પીવાથી માસૂમ બે સગા ભાઇઓ સહિત ચાર લોકોના મોત થયા છે. સાથે જ ઝેરી ચા પીવાથી એક વ્યક્તિની હાલત ગંભીર છે. માહિતી મળતાં ઔંચા પોલીસ પણ ઘટનાસ્થળ પર પહોંચી ગઇ છે. પોલીસે કેસની તપાસ શરૂ કરી દીધી છે. 

જોકે નગલા કન્હઇના એક ઘરમાં બનેલી ચાયે બે માસુમ બાળકો સહિત ચાર લોકોને મોતની ઉંઘ સુવડાવી દીધા હતા. અન્ય એકની હાલત ગંભીર છે. તેમને સૈફઇ રીફર કરવામાં આવ્યું છે. ગામ નગલા કન્હઇમાં શિવનંદનના ઘરે ગુરૂવારે સવારે ભાઇબીજની તૈયારી ચાલી રહી હતી. ફિરોજાબાદના રહેવાસી સાસુ રવિંદ્ર સિંહના ઘરે આવ્યા હતા. 

IND vs NED મેચ દરમિયાન 'પ્રેમની સિક્સર', ઇન્ડીયન દર્શકે આ રીતે કર્યું પ્રપોઝ

તમામ લોકો ચા પીવા બેસ્યા હતા. ચા પીધા બાદ રવિન્દ્ર સિંહની અચાનક તબિયત ખરાબ થઇ ગઇ હતી. તે બેભાન થઇને ઢળી પડી હતી. પરિવારજનો જ્યાં સુધી તેમને સંભાળે, ત્યાં સુધી શિવનંદનના છ વર્ષીય મોટા પુત્ર શિવાંગ અને પાંચ વર્ષીય પુત્ર દિવ્યાંશની હાલત બગડી ગઇ અને ઉતાવળમાં પરિવારજનો ત્રણેયને લઇને જિલ્લા હોસ્પિટલ પહોંચ્યા. 

જ્યાં ડોક્ટરોએ રવિન્દ્ર સિંહ, શિવાંગ અને દિવ્યાંશને મૃત જાહેર કરી દીધા. તો બીજી તરફ શિવનંદન અને સોબરન સિંહની હાલત ગંભીર જણાતાં સૈફઇ રીફર કરવામાં આવ્યા. સારવાર દરમિયાન સોબરનનું પણ મોત થયું છે. સમાચાર સાંભળતાં જ પરિવારજનોમાં માતમ છવાઇ ગયો. પ્રથમ દ્રષ્ટિએ ચા પત્તી રાખવાની જગ્યાએ કીટનાશક દવાનો ઉપયોગ થયો હોવાની વાત કહેવામાં આવી રહી છે. 

ચા પીધા બાદ જ તમામ લોકોની હાલત બગડી હતી. મળતી માહિતી અનુસાર ચા બનાવનાર મહિલાથી ચા પત્તીની જગ્યાએ કોઇ કીટનાશક પડી ગયું, જેના લીધે આ દુખદ ઘટના સર્જાઇ હતી. જોકે પોલીસે તપાસ શરૂ કરી દીધી છે. પોલીસે ઝેરી ચા અને તેમાં નાખવાની વસ્તુઓ કબજે લઇને ફોરેન્સિક લેબ મોકલવામાં આવી છે. 

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube