નાયબ સિંહ સૈની બન્યા હરિયાણાના મુખ્યમંત્રી, બીજીવાર CM પદના શપથ લીધા

નાયબ સિંહ સૈનીએ હરિયાણાના મુખ્યમંત્રી પદના શપથ લીધા. પંચકૂલામાં યોજાયેલા આ સમારોહમાં પીએમ મોદી, કેન્દ્રીય ગૃહમંત્રી અમિત શાહ, રક્ષામંત્રી રાજનાથ સિંહ, સહિત ભાજપના અને એનડીએ ગઠબંધનના કદાવર નેતાઓ સામેલ થયા. અત્રે જણાવવાનું કે આ શપથગ્રહણ સમારોહ ઐતિહાસિક કાર્યક્રમ છે કારણ કે હરિયાણામાં ભાજપની સતત ત્રીજીવાર સરકાર બની છે. 

ભાજપે જીતી 48 બેઠકો
હાલમાં યોજાઈ ગયેલી વિધાનસભા ચૂંટણીમાં ભાજપે ઐતિહાસિક પ્રદર્શન કરતા 90 સીટોમાંથી 48 બેઠકો જીતી. જ્યારે કોંગ્રેસને 37 સીટ પર જીત મળી હતી.