Gold-Silver Rate Today: ભાવમાં જોરદાર કડાકો! અમદાવાદ-રાજકોટ, વડોદરા-સુરતમાં આજે શું છે સોના-ચાંદીના ભાવ? લેટેસ્ટ રેટ જાણો

ઘરેલુ અને આંતરરાષ્ટ્રીય બજારમાં સોના અને ચાંદીના ભાવ સીમિત દાયરામાં ટ્રેડ થઈ રહ્યા છે. સોનું સતત આઠમાં અઠવાડિયે મજબૂતી ધરાવી રહ્યું છે. જ્યારે ચાંદીમાં હળવી નબળાઈ જોવા મળી છે. વાયદા બજારમાં સોનાના ભાવ ₹86,000 ઉપર જોવા મળ્યા છે. જ્યારે વૈશ્વિક બજારમાં COMEX પર સોનું  $2,950 પ્રતિ ઔંસ જોવા મળ્યું છે. સોનામાં આ તેજી ખાસક રીને ડોનાલ્ડ ટ્રમ્પના ટેરિફ વોર અને સેન્ટ્રલ બેંકની સતત ખરીદીના પગલે જોવા મળી રહી છે. એક્સપર્ટ્સનું માનવું છે કે અમેરિકા અને ચીન વચ્ચે વધતા વેપારી તણાવ અને ફેડરલ રિઝર્વના વ્યાજ દરો પર અનિશ્ચિતતાના પગલે રોકાણકારો સોનાને સુરક્ષિત સંપત્તિ તરીકે જોઈ  રહ્યા છે. આ કારણે સોનું સતત મજબૂતી મેળવી રહ્યું છે. 

શરાફા બજારમાં આજના ભાવ
ઈન્ડિયા બુલિયન એન્ડ જ્વેલર્સ એસોસિએશન (India Bullion And Jewellers Association) ની અધિકૃત વેબસાઈટ ibjarates.com ના રેટ્સ જોઈએ તો 999 પ્યોરિટીવાળું 10 ગ્રામ સોનું આજે 264 રૂપિયા ઉછળીને 86356 રૂપિયાની સપાટીએ પહોંચ્યું છે. જે શુક્રવારે 86092 રૂપિયાના સ્તરે ક્લોઝ થયું હતું. જ્યારે ચાંદી 903 રૂપિયા તૂટી છે અને ભાવ 96244 રૂપિયાની સપાટીએ પહોંચી ગયો છે. જે શુક્રવારે વધારા સાથે 97147 રૂપિયા પ્રતિ કિલોગ્રામ પર ક્લોઝ થયો હતો. 

#Gold and #Silver Opening #Rates for 24/02/2025

For more details contact: Saurabh +91 9004120120 / 022-23426971 / 022-23427459

Follow us on Twitter : https://t.co/lXovVzbVEI

Follow us on Instagram : https://t.co/ZOr2uGjPPE

Follow us on Facebook : https://t.co/9tJn571sBM… pic.twitter.com/NSHdAxo7mK

— IBJA (@IBJA1919) February 24, 2025

રિટેલ ભાવ પર ફેરવો નજર

#indicative #Retail Selling #Rates for #Jewellery
To get these rates on your phone give a missed call on - 8955664433

For more details contact: Saurabh +91 9004120120 / 022-23426971 / 022-23427459

Follow us on Twitter : https://t.co/lXovVzbVEI

Follow us on Instagram :… pic.twitter.com/NNKYPLLAZC

— IBJA (@IBJA1919) February 24, 2025

વાયદા બજારમાં ચાંદીનો ભાવ
ચાંદીના ભાવમાં હળવી નબળાઈ જોવા મળી છે. એમસીએક્સ પર ચાંદી ₹96,000 પ્રતિ કિલોગ્રામ પર જોવા મળી છે. જ્યારે વૈશ્વિક બજારમાં ચાંદી $33 પ્રતિ ઔંસ પર જોવા મળી છે. જો કે ગ્લોબલ માર્કટેમાં ચાંદીમાં હળવી લીડ જોવા મળી છે. પરંતુ ઘરેલુ બજારમાં રોકાણકારોની ખરીદી નબળી રહેવાના કારણે કિંમતો પર દબાણ છે. ચાંદીના ભાવમાં ઉતાર ચડાવ જોવા મળી શકે છે. કારણ કે ઔદ્યોગિક માંગમાં અસ્થિરતા અને ડોલર ઈન્ડેક્સમાં મજબૂતીથી તે પ્રભાવિત થઈ રહી છે. 

રોકાણની રીતે કેવું છે ગોલ્ડ
સોનાના ભાવમાં આ વર્ષે અત્યાર સુધીમાં આવેલી 11 ટકાથી વધુની તેજી વચ્ચે વિશેષજ્ઞો કહે છે કે મૂલ્યવાન ધાતુમાં આ સ્તર પર નવા રોકાણને લઈને સતર્ક અને સંતુલિત વલણ અપનાવવાની જરૂર છે. વિશેષજ્ઞોનું માનવું છે કે સોનાનું પ્રદર્શન ઈક્વિટી અને બોન્ડ બંને રીતે સારું રહ્યું છે. વૈશ્વિક અનિશ્ચિતતાઓ અને રૂપિયાના વિનિમય દરમાં ઘટાડા સાથે આ વલણ આગળ પણ ચાલુ રહે તેવી શક્યતા છે. જો કે રોકાણની રકમની ફાળવણી એ રોકાણકારોની જોખમ લેવાની ક્ષમતા, ઉદ્દેશ્યો અને સમયમર્યાદા પર આધારિત હોવું જોઈએ. 

ગત વર્ષે 27 ટકાની તેજી બાદ સોનામાં આ વર્ષે પણ સતત વધારો ચાલુ છે. આ વર્ષે સોનાના  ભાવ કુલ 11.20 ટકા ચડ્યા છે. મોતીવાલ ઓસવાલ ફાઈનાન્શિયલ સર્વિસિઝ લિમિટેડના વરિષ્ઠ વિષ્લેષક (જિન્સ શોધ) માનવ મોદીનું કહેવું છે કે આ વર્ષની શરૂઆતથી જ સોનાના ભાવમાં તેજી જોવા મળી છે. જો કે કિંમતોમાં તેજ ઉછાળો જોતા આ સ્તર પર સોનામાં નવું રોકાણ કરતી વખતે કેટલીક સાવધાની વર્તવાની જરૂર છે. 

Disclaimer
અત્રે નોંધનીય છે કે ઈન્ડિયા બુલિયન એન્ડ જ્વેલર્સ એસોસિએશન તરફથી બહાર પાડવામાં આવતા ભાવથી અલગ અલગ પ્યોરિટીવાળા સોનાના સ્ટાન્ડર્ડ ભાવની જાણકારી મળે છે. આ તમામ ભાવ ટેક્સ અને મેકિંગ ચાર્જ પહેલાના છે. IBJA દ્વારા જારી કરેલા રેટ દેશભરમાં માન્ય છે. પરંતુ તેની કિંમતોમાં GST સામેલ હોતો નથી. ગ્રાહકે ઘરેણા ખરીદતી વખતે જે કિંમત ચૂકવવાની હોય છે તે ટેક્સ સહિત હોવાથી વધુ હોય છે. એસોસિએશન દ્વારા સવાર અને સાંજ એમ બેવાર ભાવ જાહેર કરવામાં આવે છે. આ ઉપરાંત ભાવમાં મેકિંગ ચાર્જ પણ સામેલ નથી. એસોસિએશનના નવા ભાવ જાહેર રજાઓના દિવસે જાહેર કરાતા નથી. (શનિવાર, રવિવાર અને જાહેર રજાઓ)