અરુણ જેટલી રજૂ નહીં કરી શકે વચગળાનું બજેટ, જાણો કોને સોંપાયો નાણા મંત્રાલયનો ચાર્જ
અરૂણ જેટલી તબિયત ખરાબ હોવાને કારણે 13 જાન્યુઆરીના રોજ અમેરિકા ઈલાજ કરાવા ગયા હતા, હવે અહીં તેમની બિમારીને જાણવા માટે કેટલાક ટેસ્ટમાંથી પસાર થવાનું હોવાથી હાલ તેઓ ભારત પાછા આવી શકે એવી સંભાવના નથી, પીટીઆઈએ સૂત્રોના હવાલાથી ટાંક્યું છે, કેન્દ્ર સરકાર દ્વારા નાણા મંત્રાલયનો ચાર્જ રેલવે મંત્રી પિયુષ ગોયલને સોંપવામાં આવ્યો છે અને શક્યતા છે કે તે જ સંસદમાં વચગાળાનું બજેટ રજૂ કરશે
Trending Photos
- 6
- 8
- 6
- 8
)
નવી દિલ્હીઃ કેન્દ્રીય નાણા મંત્રી અરુણ જેટલી પર બુધવારે ન્યુયોર્ક ખાતે એક સર્જરી કરવામાં આવી છે. સમાચાર એજન્સી પીટીઆઈએ સૂત્રો પાસેથી મળેલી માહિતીને આધારે લખ્યું છે કે, ડોક્ટરોએ જેટલીને બે સપ્તાહ સુધી આરામ કરવાની સલાહ આપી છે.
અરુણ જેટલી (66 વર્ષ) 13 જાન્યુઆરીના રોજ ઈલાજ કરવા માટે અમેરિકા ગયા હતા. અહીં તેમની ખરાબ તબિયતના અનુસંધાને કેટલાક રિપોર્ટ કરવામાં આવ્યા હતા.
બુધવારે રેલવે અને કોલસા મંત્રી પિયુષ ગોયલને નાણા મંત્રાલયનો વધારાનો ચાર્જ સોંપવામાં આવ્યો છે. બજેટ રજુ થવાના 9 દિવસ પહેલા અરુણ જેટલીની ગેરહાજરમાં પિયુષ ગોયલને નાણા મંત્રાલયનો ચાર્જ સોંપવામાં આવ્યો છે.
ઉલ્લેખનીય છે કે, ભાજપના નેતૃત્વવાળી એનડીએ સરકાર 1 ફેબ્રુઆરીના રોજ તેનું અંતિમ બજેટ રજૂ કરવાની છે. આગામી મે મહિનામાં એનડીએ સરકારનો કાર્યકાળ પૂરો થતો હોવાને કારણે વચગાળાનું બજેટ રજૂ કરવામાં આવનાર છે.
રાષ્ટ્રપતિ ભવન તરફથી આપવામાં આવેલી આધિકારીક માહિતી મુજબ, જેટલી કોઈ પણ પોર્ટફોલિયો વગર મંત્રીપદે બન્યા રહેશે. તેમની પાસે નાણા મંત્રાલય અને કોર્પોરેટ બાબતોના મંત્રાલયનો ચાર્જ છે.
આ બીજી વખત છે જ્યારે પિયુષ ગોયલને અરુણ જેટલીના મંત્રાલયનો ચાર્જ સોંપવામાં આવ્યો છે. આ અગાઉ મે, 2018માં જ્યારે જેટલીએ કિડની ટ્રાન્સપ્લાન્ટ કરાવી હતી ત્યારે પણ પિયુષ ગોયલે 100 દિવસ સુધી કેન્દ્ર સરકારના આ મહત્વના મંત્રાલયની જવાબદારી સંભાળી હતી.
અરુણ જેટલીએ 23 ઓગસ્ટ, 2018ના રોજ નાણા મંત્રાલય અને કોર્પોરેટ બાબતોના મંત્રાલયનો ચાર્જ સંભાળ્યો હતો.
જોકે, ઈલાજ કરાવા જતાં પહેલા અરુણ જેટલીએ બજેટને ટાંકીને જણાવ્યું હતું કે, વચગાળાના બજેટમાં કેન્દ્ર સરકાર દ્વારા કેટલી મહત્વની નીતિગત જાહેરાતો થઈ શકે છે.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારીWhatsApp channel સાથે
