રખડતા ઢોરનો આતંક ડામવા ગુજરાત સરકાર સખ્ત! મનપા, નપા માટે જાહેર કરી કડક ગાઈડલાઈન

ઝી બ્યુરો/અમદાવાદઃ રાજ્યમાં રખડતાં ઢોર મુદ્દે મામલે ગુજરાત હાઇકોર્ટે સરકારને ફટકાર લગાવી હતી. હાઈકોર્ટે રખડતા ઢોરની સમસ્યા ઉકેલવા ગંભીરતાથી કામ કરવા સરકાર સામે લાલ આંખ કરી હતી. ત્યારબાદ આજે એક મોટા સમાચાર મળી રહ્યા છે. રાજ્યમાં રખડતાં ઢોર અંગે ગુજરાત સરકારે ગાઈડલાઈન જાહેર કરી છે. રખડતા ઢોર અંગે રાજ્ય સરકારે મનપા, નપા માટે ગાઈડલાઈન જાહેર કરી છે.

આ આગાહી વાંચી મોતિયા મરી જશે! ગુજરાતમાં એકાએક વરસાદ કેમ સૂકાયો, જાણો ભયાનક આગાહી

રાજ્ય સરકારે રાજ્યમાં રખડતા ઢોરના આતંકને ડામવા માટે એક ગાઈડલાઈન જાહેર કરી છે. જેમાં મનપા તેમજ નપા વિસ્તાર માટે સરકારે માર્ગદર્શિકા જાહેર કરી છે. જેમાં કહેવામાં આવ્યું છે કે મનપા તેમજ નપા વિસ્તારમાં ઢોરનું રજીસ્ટ્રેશન પણ ફરજિયાત કરવામાં આવ્યું છે અને રજીસ્ટ્રેશન વગરનાં ઢોરને જપ્ત કરવામાં આવશે. મનપા અને નપાએ પશુઓમાં ટેગ લગાવવાની કામગીરી કરવી પડશે. પરમિશન માટે નિશ્ચિત ચાર્જ ભરવો પડશે. જાહેર રસ્તાઓ પર ઘાસ વેચાણ અને ખવડાવવા પર પ્રતિબંધ મુકવામાં આવ્યો છે. ટેગ વગરના ઢોર માટે 10થી 1 હજાર સુધી દંડની જોગવાઈ પણ કરાઈ છે.

રાજ્યમાં રખડતાં ઢોર અંગે સરકારની ગાઈડલાઈન જાહેર; રોડ પર રખડતાં ઢોરનું રજિસ્ટ્રેશન ફરજિયાત કરાવવું પડશે #Gujarat #News #BreakingNews #ZEE24Kalak pic.twitter.com/wkr9GLRPo9

— Zee 24 Kalak (@Zee24Kalak) August 24, 2023

અપના હાથ જગન્નાથ! ગુજરાત સરકારે મદદ ન કરતાં ગ્રામજનોઓ જાતે બનાવ્યો પુલ, નઘરોળ તંત્ર

અત્રે નોંધનીય છે કે, અગાઉ અમદાવાદ મ્યુનિસિપલ કોર્પોરેશને (AMC) રખડતા ઢોર મુદ્દે નવી નીતિ જાહેર કરી હતી, જેમાં ત્રણ વર્ષ માટે લાઇસન્સ ફ્રી રૂપિયા 500 નક્કી કરવામાં આવી હતી. એ પછી રિન્યુ માટે રૂપિયા 250 ફી નક્કી કરવામાં આવી છે. કોર્પોરેશન દ્વારા શહેરમાં રોડ ઉપર પશુઓ રખડતા જોવા ના મળે, રોડ પર પશુઓને કારણે થતા અકસ્માત ટાળી શકાય તેમ જ ઢોરને પકડવાની કામગીરીનો ચુસ્તપણે અમલ કરવા માટે ઢોર ત્રાસ અંકુશ માટેના નિયમોનો સમાવેશ કરતી નવી નીતિ બનાવવામાં આવી છે.

World Cup 2023 પહેલા ટીમ ઈન્ડિયાને મોટો ફટકો, ICCએ અચાનક લીધો આ ચોંકાવનારો નિર્ણય!