દિશાના મૃત્યુનું સુશાંતના મોત સાથે છે કનેક્શન!, કોકડું ઉકેલવા માટે SCમાં થઈ અરજી
Trending Photos
- 10
- 9
- 5
- 7
)
નવી દિલ્હી: સુશાંત સિંહ રાજપૂતના મૃત્યુનું કોંકડું સતત ગૂંચવાઈ રહ્યું છે અને આ કેસમાં વારંવાર બદલાઈ રહેલા સમીકરણોને પગલે આ કેસ હવે વધુ પેચીદો બની રહ્યો છે. જો કે આ મામલે સીબીઆઈ તપાસના આદેશ મળ્યા બાદ પરિવાર અને ફેન્સ બંનેને રાહત મળી છે. જોવાનું એ રહેશે કે આ મામલે હવે આગળ કયા નવા તથ્યો સામે આવે છે. બીજી બાજુ સુશાંત અને દિશાના મોતને કનેક્શન હોવાનું કહેવામાં આવી રહ્યું છે.
સુપ્રીમ કોર્ટમાં આજે આ અંગે એક પીઆઈએલ દાખલ થઈ છે. જનહિત અરજીમાં કહેવાયું છે કે સુશાંત અને તેની પૂર્વ મેનેજર દિશા સાલિયાનના મોતની કડી એક બીજા સાથે જોડાયેલી છે. અરજીકર્તા વિનિત ધાંડાએ આ કેસમાં મુંબઈ પોલીસ દ્વારા આ કેસની છણાવટ થાય તેવી માગણી કરી છે. આ સાથે જ આ કેસની સીબીઆઈ તપાસ માટે આદેશ આપવાની પણ વાત કરી છે. અત્રે જણાવવાનું કે સુશાંતના મોતના ગણતરીના દિવસો પહેલા દિશાનું મોત થયું હતું.
Delhi: A PIL filed in the Supreme Court for court-monitored CBI probe into the death of Disha Salian, a former manager of actor #SushantSinghRajput, saying that both deaths are inter-linked. pic.twitter.com/2gujcg2yPz
— ANI (@ANI) August 5, 2020
મુંબઈ પોલીસે બહાર પાડી પ્રેસનોટ
એવી દલીલ કરવામાં આવી રહી છે કે દિશા અને સુશાંતના મોતમાં કોઈ કનેક્શન છે. મુંબઈ પોલીસે સતત આ કેસને અલગ દર્શાવ્યાં છે. પરંતુ રાજકીય નિવેદનો દ્વારા દિશા સાલિયાનના મોતને સુશાંત સિંહ રાજપૂતના નિધન સાથે જોડવામાં આવી રહ્યું છે. હવે આ અટકળો પર પૂર્ણવિરામ લગાવવા માટે મુંબઈ પોલીસે હાલમાં જ પ્રેસ નોટ બહાર પાડીને બધાને અપીલ કરી છે.
આ પ્રેસ નોટમાં કહેવાયું છે કે દિશા સાલિયાનને લઈને મીડિયા અને સોશિયલ મીડિયામાં અનેક પ્રકારની વાતો થઈ રહી છે. અમે બધાને અપીલ કરીએ છીએ કે જો તેમની પાસે આ કેસ અંગે કોઈ પુરાવા હોય તો તેઓ મુંબઈના એડિશનલ કમિશનરને જાણ કરે.
લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારીWhatsApp channel સાથે
