హెల్తీ క్యారెట్ సమోసాలు.. ఒక్కసారి తింటే మళ్లీ కావాలంటారు..

బయట లభించే సమోసాలను ఎక్కువగా తినడం వల్ల అనేక రకాల అనారోగ్య సమస్యల బారిన పడే అవకాశాలు ఉన్నాయి.

చాలామంది ఇలా రోజు నూనెలో ఎక్కువగా వేయించిన సమోసాలను తిని అనేక రకాల దీర్ఘకాలిక వ్యాధుల బారిన పడుతున్నారు.

ప్రతిరోజు ఆలూతో తయారుచేసిన సమోసాలు కాకుండా.. క్యారెట్ తో తయారుచేసిన ఆరోగ్యకరమైన సమోసాలను తినండి.

క్యారెట్‌తో చేసిన సమోసాలను తినడం వల్ల అనేక రకాల ప్రయోజనాలు పొందే అవకాశాలు ఉన్నాయి. ఈ సమోసాలను సులభంగా ఇంట్లోనే తయారు చేసుకోవచ్చు.

మీరు కూడా ఈ వీకెండ్‌లో క్యారెట్ సమోసాలను తయారు చేసుకోవాలనుకుంటున్నారా? ఇంకెందుకు ఆలస్యం ఇలా తయారీ పద్ధతి తెలుసుకోండి.

క్యారెట్ సమోసా చేయడానికి కావలసిన పదార్థాలు: సమోసా షీట్స్ - 10, క్యారెట్ - 2 (తురిమిన), ఉల్లిపాయ - 1 (సన్నగా తరిగిన), పచ్చిమిర్చి - 2 (సన్నగా తరిగిన)

కావలసిన పదార్థాలు: అల్లం - 1/2 టీస్పూన్ (తురిమిన), జీలకర్ర - 1/2 టీస్పూన్, ధనియాల పొడి - 1/2 టీస్పూన్, గరం మసాలా - 1/4 టీస్పూన్, ఉప్పు - రుచికి సరిపడా, నూనె - వేయించడానికి సరిపడా

తయారీ విధానం: ముందుగా ఈ సమోసాలను తయారు చేసుకోవడానికి స్టవ్ పై ఓ పాన్ పెట్టుకుని అందులో నూనె వేసుకుని వేడి చేసుకోండి.

వేడైన నూనెలో జీలకర్ర, వెల్లుల్లిపాయలు, మిర్చి వేసి బాగా వేపుకోండి. ఇలా వేపుకున్న తర్వాత తగినంత అల్లం తురుము వేసుకొని బంగారు రంగులోకి మారేంతవరకు వేపుకోండి.

అన్నీ బాగా వేపుకున్న తర్వాత క్యారెట్ తురుము వేసి బాగా వేయించుకోండి. ఇలా వేయించుకున్న తర్వాత ధనియాల పొడి, గరం మసాలా, ఉప్పు, టమాటో ముక్కలు వేసుకుని బాగా కలుపుకొని పక్కన పెట్టుకోండి.

ఆ తర్వాత ముందుగా సూపర్ మార్కెట్ నుంచి తెచ్చుకున్న సమోసా షీట్స్‌ను పరుచుకొని అందులో స్టఫింగ్ చేసి సమోసాల షేప్ లోకి మార్చుకోవాలి.

ఇలా తయారు చేసుకున్న సమోసాలను నూనెలో వేసి గోల్డెన్ బ్రౌన్ కలర్ వచ్చేంతవరకు బాగా వేపుకోండి. అంతే క్యారెట్ సమోసాలు రెడీ అయినట్లే..