ఈ వేపుడు తింటే.. జీర్ణ సమస్యలే రావు..

వారంలో రెండుసార్లు అయినా బెండకాయతో తయారుచేసిన వేపుడు తినడం వల్ల బోలెడు లాభాలు కలుగుతాయట.

బెండకాయ లో ఉండే బంక లాంటి ఫైబర్ పొట్టను ఆరోగ్యవంతంగా తయారు చేసేందుకు ఎంతగానో సహాయపడుతుందట.

ముఖ్యంగా క్రమం తప్పకుండా బెండకాయను ఆహారంలో చేర్చుకునే వారిలో ఎలాంటి పొట్ట సమస్యలు రాకుండా ఉంటాయని ఆరోగ్య నిపుణులు తెలుపుతున్నారు.

అయితే మీరు కూడా క్రమం తప్పకుండా ఇలా తయారుచేసిన బెండకాయ వేపుడును ఆహారంలో తప్పకుండా చేర్చుకోండి.

బెండకాయ వేపుడుకి కావలసిన పదార్థాలు: బెండకాయలు - 1/2 కిలోలు, ఉల్లిపాయలు - 2 (చిన్నవి, తరిగినవి), పచ్చిమిర్చి - 2 (చిన్నవి, చీల్చినవి), కరివేపాకు - 1 రెమ్మలు

కావలసిన పదార్థాలు: నూనె - 2 టేబుల్ స్పూన్లు, ఆవాలు - 1/2 టీస్పూన్, జీలకర్ర - 1/2 టీస్పూన్, పసుపు - 1/4 టీస్పూన్, కారం - 1/2 టీస్పూన్, ధనియాల పొడి - 1/2 టీస్పూన్, ఉప్పు

తయారీ విధానం: ఈ బెండకాయ వేపుడు తయారు చేసుకోవడానికి ముందుగా బెండకాయలను బాగా శుభ్రం చేసుకొని కాటన్ డబల్ తో తడి ఆరేంతవరకు తూడ్చుకోండి.

బెండకాయలను చిన్న చిన్న ముక్కలుగా కట్ చేసుకుని పక్కన పెట్టుకోండి. ఆ తర్వాత స్టవ్ పై బౌల్ పెట్టుకొని అందులో తగినంత నూనెను వేసుకోండి.

నూనె బాగా వేడి అయిన తర్వాత అందులో ఆవాలు, జీలకర్ర, ఉల్లిపాయలు, పచ్చిమిర్చితో పాటు కరివేపాకు వేసి బాగా వేపుకోండి.

ఇలా వేయించుకున్న తర్వాత అందులోనే బెండకాయ ముక్కలు వేసుకొని బంగారు రంగులోకి వచ్చేంతవరకు బాగా వేయించుకోండి.

ఇలా వేయించుకున్న తర్వాత తగినంత ఉప్పు వేసుకొని, కొత్తిమీరతో గార్నిష్ చేసుకోండి. అంతే బెండకాయ వేపుడు రెడీ అయినట్లే..